ହାଇଦ୍ରାବାଦ: ସାଉଥ ସୁପରଷ୍ଟାର ଥାଲାପତି ବିଜୟଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର । ବିଜୟ ଦୀର୍ଘ ଦିନ ଧରି ତାଙ୍କ ଚଳଚ୍ଚିତ୍ର ସହ ପ୍ରଶଂସକଙ୍କୁ ମନୋରଞ୍ଜନ କରିଆସୁଥିଲେ। ବିଜୟଙ୍କ ପୂର୍ବ ଚଳଚ୍ଚିତ୍ର ଥିଲା 'ଭାରିସୁ'। ଯାହା ବକ୍ସ ଅଫିସରେ ହିଟ୍ ହୋଇଥିଲା । ଏବେ ବିଜୟ ତାଙ୍କ ରିଲିଜ୍ ଫିଲ୍ମ 'ଲିଓ' ସହ ଆଲୋଚନାରେ ରହିଛନ୍ତି । ଫିଲ୍ମ 'ଲିଓ' ଆସନ୍ତା ଅକ୍ଟୋବରରେ ମୁକ୍ତିଲାଭ କରିବାକୁ ଯାଉଛି । କିନ୍ତୁ ଏହା ପୂର୍ବରୁ ବିଜୟଙ୍କ ବିଷୟରେ ଆଉ ଏକ ଖୁସି ଖବର ସାମ୍ନାକୁ ଆସିଛି । ବିଜୟଙ୍କ ପୁଅ ଜେସନ ସଞ୍ଜୟ ସାଉଥ ସିନେମାରେ ଏଣ୍ଟ୍ରି କରିବାକୁ ଯାଉଛନ୍ତି ।
ଜେସନ ସଞ୍ଜୟ ନିର୍ଦ୍ଦେଶକ ଭାବରେ ସାଉଥ୍ରେ ଡେବ୍ୟୁ କରିବାକୁ ଯାଉଛନ୍ତି । ସେ ତାଙ୍କର ପ୍ରଥମ ପ୍ରୋଜେକ୍ଟ ଘୋଷଣା କରିଛନ୍ତି । ଲାଇକା ପ୍ରଡକ୍ସନ୍ ହାଉସ୍ ଜେସନଙ୍କ ସହ ପ୍ରଥମ ପ୍ରୋଜେକ୍ଟ ଘୋଷଣା କରିଛି । ପ୍ରଡକ୍ସନ୍ କମ୍ପାନୀ ଜେସନଙ୍କ ସହ ଚୁକ୍ତିନାମା ସ୍ୱାକ୍ଷର କରିଥିବା ଫଟୋ ସେୟାର କରି ଏହା ଘୋଷଣା କରିଛି । ଏହି ଖବର ପରେ ବିଜୟଙ୍କ ପ୍ରଶଂସକମାନେ ତାଙ୍କୁ ଏବଂ ତାଙ୍କ ପୁଅଙ୍କୁ ସୋସିଆଲ ମିଡିଆରେ ଅଭିନନ୍ଦନ ଜଣାଇଛନ୍ତି । ସଞ୍ଜୟ ଏକ ବିବୃତ୍ତିରେ ପ୍ରକାଶ କରିଛନ୍ତି ଯେ, ବର୍ତ୍ତମାନ କାଷ୍ଟିଂ ପ୍ରକ୍ରିୟା ଚାଲିଛି ।
ଲାଇକା ପ୍ରଡକ୍ସନ୍ସ ଟ୍ବିଟରରେ ଜେସନଙ୍କ ସହ ଚୁକ୍ତିନାମା ସ୍ବାକ୍ଷରିତର ଏକ ଫଟୋ ସେୟାର କରିଛନ୍ତି । କ୍ୟାପସନରେ ଲେଖିଛନ୍ତି, "ନିର୍ଦ୍ଦେଶକ ଡେବ୍ୟୁ ସହ ଜେସନ୍ ସଞ୍ଜୟଙ୍କୁ ପରିଚିତ କରାଇ ଉତ୍ସାହିତ ଏବଂ ଗର୍ବିତ । ଆମେ ତାଙ୍କ ସଫଳ ଯାତ୍ରା ଏବଂ ଖୁସି କ୍ୟାରିୟର କାମନା କରୁଛୁ ।" ସଞ୍ଜୟ ପୂର୍ବରୁ ନିର୍ଦ୍ଦେଶକ ହେବାକୁ ଇଚ୍ଛା ପ୍ରକାଶ କରିଛନ୍ତି । ତାଙ୍କ ଦାଦା ତଥା ନିର୍ଦ୍ଦେଶକ ଏସ୍ ଚନ୍ଦ୍ରଶେଖର ମଧ୍ୟ ଅନେକ ସାକ୍ଷାତକାରରେ ଏହା କହିଛନ୍ତି । ଏହି ସୁଯୋଗ ପାଇଁ ଜେସନ କୃତଜ୍ଞତା ଜଣାଇ କହିଛନ୍ତି, "ଲାଇକା ପ୍ରଡକ୍ସନ୍ସ ପରି ଏକ ପ୍ରତିଷ୍ଠିତ ପ୍ରଡକ୍ସନ୍ କମ୍ପାନୀ ପାଇଁ ପ୍ରଥମ ଚଳଚ୍ଚିତ୍ରର ନିର୍ଦ୍ଦେଶନା ଦେବା ମୋ ପାଇଁ ଏକ ଗୌରବର ବିଷୟ । ଏହା ଅନେକଙ୍କ ପାଇଁ ପ୍ରେରଣା ଉତ୍ସ ଅଟେ । ମୁଁ ଖୁସି ଯେ ସେମାନେ ମୋର ସ୍କ୍ରିପ୍ଟକୁ ପସନ୍ଦ କରିଛନ୍ତି ଏବଂ ଏହାକୁ ବାସ୍ତବ ରୂପ ଦେବା ପାଇଁ ମୋତେ ସମ୍ପୂର୍ଣ୍ଣ ସ୍ୱାଧୀନତା ଦେଇଛନ୍ତି ।
ଏହା ମଧ୍ୟ ପଢନ୍ତୁ:ନିୟମ ଭାଙ୍ଗିଲେ ଥାଲାପତି ବିଜୟ, ଭରିବେ ଜରିମାନା
ସୂଚନା ଥାଉ କି, ଜେସନ୍ 2018ରୁ 2020 ପର୍ଯ୍ୟନ୍ତ ଟରୋଣ୍ଟୋ ଫିଲ୍ମ ସ୍କୁଲରେ ଫିଲ୍ମ ପ୍ରଡକ୍ସନ୍ ଅଧ୍ୟୟନ କରିଥିଲେ । 2020ରୁ 2022 ପର୍ଯ୍ୟନ୍ତ ଲଣ୍ଡନରେ ସ୍କ୍ରିନ୍ ରାଇଟିଂରେ ବିଏ (ଅନର୍ସ) ଅଧ୍ୟୟନ କରିଥିଲେ । ସେପଟେ ଥାଲାପତିଙ୍କ ବିଷୟରେ ଏକ ଖବର ଶୁଣିବାକୁ ମିଳୁଛି ଯେ, ସେ ଖୁବଶୀଘ୍ର ଅଭିନୟରୁ ଅବସର ନେଇ ରାଜନୀତିରେ ପାଦ ଦେଇପାରନ୍ତି ।
