ହାଇଦ୍ରାବାଦ: ଜେଲର ସୁଟିଂ ଶେଷ, ଟିମ୍ ସହ ସେଲିବ୍ରେଟ୍ କଲେ ରଜନୀକାନ୍ତ । ଏପଟେ ତମନ୍ନା ଫ୍ୟାନ୍ସଙ୍କ ପାଇଁ ଖୁସି ଖବର । ଅଭିନେତ୍ରୀ ତମନ୍ନା ଭାଟିଆ ଆଗାମୀ ଫିଲ୍ମରେ ବଲିଉଡ ଅଭିନେତା ଜନ ଆବ୍ରାହମଙ୍କ ସହ ନଜର ଆସିବାକୁ ଯାଉଛନ୍ତି । ଅଭିନେତ୍ରୀ ସୋସିଆଲ ମିଡିଆରେ ପୋଷ୍ଟ ସେୟାର କରି ଫିଲ୍ମର ନାଁ ମଧ୍ୟ ଘୋଷଣା କରିଛନ୍ତି । ଫିଲ୍ମର ନାଁ ହେଉଛି ବେଦା । ଏହି ଫିଲ୍ମରେ ପ୍ରଥମ ଥର ପାଇଁ ଏକାଠି ନଜର ଆସିବେ ତମନ୍ନା ଏବଂ ଜନ ।
ସୂଚନା ଅନୁସାରେ, ତମନ୍ନା ଭାଟିଆ ଜନ୍ ଆବ୍ରାହମଙ୍କ ସହ ଏକ ନୂତନ ପ୍ରୋଜେକ୍ଟରେ ନଜର ଆସିବେ । ଏହି ପ୍ରୋଜେକ୍ଟ ସହ ଜଡିତ ଅଧିକ ସୂଚନା ଖୁବ୍ ଶୀଘ୍ର ପ୍ରକାଶ ପାଇବ । ଏହି ଚଳଚ୍ଚିତ୍ରଟି ଲୋକପ୍ରିୟ ନିର୍ଦ୍ଦେଶକ ନିଖିଲ ଆଡଭାନୀଙ୍କ ଦ୍ୱାରା ନିର୍ଦ୍ଦେଶିତ ହୋଇଛି । ଏହାରି ମଧ୍ୟରେ ତମନ୍ନା ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଜନ୍ ଆବ୍ରାହମଙ୍କ ସହ ନଜର ଆସିଛନ୍ତି । ତମନ୍ନା ଏହି ପୋଷ୍ଟ ସେୟାର କରି ତାଙ୍କ ଆଗାମୀ ଫିଲ୍ମ ବିଷୟରେ ଘୋଷଣା କରିଛନ୍ତି । ଫିଲ୍ମ ବେଦାରେ ନଜର ଆସିବେ ତମନ୍ନା ଏବଂ ଜନ ।
ତମନ୍ନା ସେୟାର କରିଥିବା ପୋଷ୍ଟରେ ଜନ୍ ଅବ୍ରହାମ ଏବଂ ଫିଲ୍ମର ନିର୍ଦ୍ଦେଶକ ନିଖିଲ ଆଡଭାନୀଙ୍କ ସହ ଦେଖିବାକୁ ମିଳିଛି । ଏହି ପୋଷ୍ଟରରେ ତମନ୍ନା ତାଙ୍କର ଆଗାମୀ ଚଳଚ୍ଚିତ୍ରର ନାମ ମଧ୍ୟ ପ୍ରକାଶ କରିଛନ୍ତି । ତମନ୍ନା କ୍ୟାପସନରେ ଲେଖିଛନ୍ତି- 'ମୋର ଏହି ନୂତନ ଯାତ୍ରା ଆରମ୍ଭ କରିବାକୁ ମୁଁ ବହୁତ ଉତ୍ସାହିତ । ବେଦା ଫ୍ୟାମିଲିରେ ସ୍ପେଶାଲ ରୋଲ ପାଇଁ ବହୁତ ଉତ୍ସାହିତ । ଏପରି ଏକ ସୁନ୍ଦର ଟିମ ସହ କାମ କରିବାକୁ ଅପେକ୍ଷା କରିପାରିବି ନାହିଁ । ଏହି ଫିଲ୍ମ ସହ ତମନ୍ନା ଏବଂ ଜନ ପ୍ରଥମ ଥର ପାଇଁ ସିଲଭର ସ୍କ୍ରିନରେ ନଜର ଆସିବେ । ଏହି ପୋଷ୍ଟ ସେୟାର ହେବା ମାତ୍ର ଫ୍ୟାନ୍ସ ଏହାକୁ ଲାଇକ କରିବା ସହ ଫିଲ୍ମକୁ ନେଇ ଉତ୍ସାହିତ ଅଛନ୍ତି ।
ଏହା ମଧ୍ୟ ପଢନ୍ତୁ: ଜେଲର ସୁଟିଂ ଶେଷ, ଟିମ୍ ସହ ସେଲିବ୍ରେଟ୍ କଲେ ରଜନୀକାନ୍ତ ଏବଂ ତମନ୍ନା
ସୂଚନା ଥାଉ କି, ଅସୀମ ଆରୋରା ବେଦା ଫିଲ୍ମ ଲେଖିଛନ୍ତି । ନିଖିଲ ଏହାର ନିର୍ଦ୍ଦେଶନା ଦେବେ । ଏହି ଚଳଚ୍ଚିତ୍ରର ନିର୍ମାତା ହେଉଛନ୍ତି ଜି ଷ୍ଟୁଡିଓ, ଏମେ ଏଣ୍ଟରଟେନମେଣ୍ଟ ଏବଂ ଜେ ଏଣ୍ଟରଟେନମେଣ୍ଟ ଦ୍ବାରା ପ୍ରସ୍ତୁତ କରାଯାଇଛି । ସେପଟେ ତମନ୍ନାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ତମନ୍ନା ବର୍ତ୍ତମାନ ଜେଲର, ଭୋଲା ଶଙ୍କର, ବାନ୍ଦ୍ରା ଭଳି ଅନେକ ଚଳଚ୍ଚିତ୍ରରେ ନଜର ଆସିବେ, ଯାହା ଚଳିତ ବର୍ଷ ରିଲିଜ ହେବ । ଜେଲରରେ ସେ ରଜନୀକାନ୍ତଙ୍କ ବିପକ୍ଷରେ ନଜର ଆସିବେ । ନିକଟରେ ଫିଲ୍ମର କାଭାଲା ଗୀତ ରିଲିଜ ହୋଇଥିଲା । ଯାହାକୁ ବେଶ ପସନ୍ଦ କରିଛନ୍ତି ଲୋକେ ।
