ହାଇଦ୍ରାବାଦ:ବଲିଉଡ କିଙ୍ଗଖାନ ଶାହାରୁଖ ଖାନ ନିଜ ଅଭିନୟ ଏବଂ ଡାଏଲଗରେ ଲୋକଙ୍କ ମନରେ ସ୍ବତନ୍ତ୍ର ସ୍ଥାନ ତିଆରି କରିଛନ୍ତି। ସାରା ବିଶ୍ୱରେ ଅଭିନେତାଙ୍କର କୋଟି କୋଟି ପ୍ରଶଂସକ ଅଛନ୍ତି । ନିଜ ପ୍ରଶଂସକଙ୍କ ସମୟ ବିତାଇଥାନ୍ତି ଶାହାରୁଖ। ସେ ପ୍ରାୟତଃ ଟ୍ୱିଟରରେ ଫ୍ୟାନ୍ସଙ୍କ ସହ କଥାବାର୍ତ୍ତା କରିଥାନ୍ତି। ଏହା ବ୍ୟତୀତ, ଶାହାରୁଖ ଖାନ #AskSRK ସେସନରେ ତାଙ୍କ ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଇଥାନ୍ତି। ତେବେ ନିକଟରେ ଟ୍ୱିଟରରେ ଖାନ ପ୍ରଶଂସକଙ୍କ ପାଇଁ #AskSRK ସେସନରେ କଥାବାର୍ତ୍ତା କରିଥିଲେ। ଯେଉଁଥିରେ ତାଙ୍କୁ ଅନେକ ପ୍ରଶ୍ନ ପଚରାଯାଇଥିଲା, ଯାହାର ଉତ୍ତର ଅଭିନେତା ବହୁତ ମଜାଳିଆ ଭାବେ ଦେଇଥିଲେ। ଫଳରେ ଶାହାରୁଖଙ୍କ ଘର ଆଗରେ ବର୍ତ୍ତମାନ ସ୍ବିଗି ଟିମର ମେଳି ଲାଗିଛି।
Shahrukh Khan: କିଙ୍ଗଖାନଙ୍କ ଟ୍ବିଟ ପରେ ମନ୍ନତରେ ସ୍ବିଗି ଟିମଙ୍କ ମେଳି, ଫଟୋ ଭାଇରାଲ୍
ବଲିଉଡ କିଙ୍ଗଖାନ ଶାହାରୁଖ ଖାନ ସର୍ବଦା ମଜାଳିଆ ଅନ୍ଦାଜରେ ଫ୍ୟାନ୍ସଙ୍କ ସହ କଥାବାର୍ତ୍ତା କରିଥାନ୍ତି। ବର୍ତ୍ତମାନ ଶାହାରୁଖ ନିକଟରେ ଫ୍ୟାନ୍ସଙ୍କ ସହ କଥାବାର୍ତ୍ତା କରିବା ସମୟରେ ପ୍ରଶଂସକଙ୍କ ପ୍ରଶ୍ନର ସୁନ୍ଦର ଉତ୍ତର ଦେଇଥିଲେ । ଯାହା ଫଳରେ ଶାହାରୁଖଙ୍କ ଘର ଆଗରେ ବର୍ତ୍ତମାନ ସ୍ବିଗି ଟିମର ମେଳି ଲାଗିଛି। ଏହି ଫଟୋ ଏବେ ବେଶ ବାଇରାଲ ହେବାରେ ଲାଗିଛି । ଅଧିକ ପଢନ୍ତୁ...
କିଙ୍ଗଖାନଙ୍କ ଟ୍ବିଟ ପରେ ମନ୍ନତରେ ସ୍ବିଗି ଟିମଙ୍କ ମେଳି, ଫଟୋ ଭାଇରାଲ୍
#AskSRK ସେସନରେ ଜଣେ ଫ୍ୟାନ୍ସ ଶାହାରୁଖ ଖାନଙ୍କୁ ପଚାରିଥିଲେ, 'ଖାଇସାରିଲେ କି ଭାଇ?' ଖାନ ତାଙ୍କ ପ୍ରଶଂସକଙ୍କ ପ୍ରଶ୍ନର ମଜାଳିଆ ଉତ୍ତର ଦେଇଥିଲେ। ସେ କହିଥିଲେ, 'ଭାଇ ତୁମେ ସ୍ୱିଗିରୁ କି, ତୁମେ ଖାଇବା ପଠାଇଦେବ କି? ଏହାର ଫାଇଦା ନେଇ ସ୍ବିଗି କହିଥିଲା। ''ଆମେ ସ୍ବିଗିରୁ, ଖାଇବା ପଠେଇଦାବୁ କି?'' ଏହାର କିଛି ସମୟ ପରେ ସ୍ବିଗିଙ୍କ ଟ୍ୱିଟର ହ୍ୟାଣ୍ଡେଲରେ ଏକ ଫଟୋ ପୋଷ୍ଟ କରାଯାଇଥିଲା। ଯେଉଁଥିରେ 7 ଜଣ ଡେଲିଭରି ବୟ ମନ୍ନତ ବାହାରେ ଠିଆ ହୋଇଥିବା ଦେଖିବାକୁ ମିଳିଥିଲା। ଏହି ଫଟୋ ସହ କ୍ୟାପସନରେ ଲେଖାଯାଇଛି, 'ଆମେ ସ୍ବିଗି ୱାଲା। ଡିନର (ରାତ୍ରୀ ଭୋଜନ) ନେଇ ଆସିଛୁ।'' ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯାହାକୁ ଲୋକମାନେ ବହୁତ ପସନ୍ଦ କରିଛନ୍ତି।
ଏହି ଲାଇଭ୍ ସେସନରେ ଶାହାରୁଖଙ୍କୁ ତାଙ୍କ ଆଗାମୀ ଚଳଚ୍ଚିତ୍ର ତଥା ତାଙ୍କ ଝିଅ ସୁହାନା ଖାନଙ୍କ ଡେବ୍ୟୁ ଫିଲ୍ମ 'ଦ ଆର୍କିଜ୍' ବିଷୟରେ ମଧ୍ୟ ପ୍ରଶ୍ନ ପଚାରିଥିଲେ ଫ୍ୟାନ୍ସ। ଜଣେ ପ୍ରଶଂସକ ପଚାରିଥିଲେ, "ତୁମେ ଜଣେ ଗର୍ବୀ ପିତା ଭାବରେ କିପରି ଅନୁଭବ କରୁଛ?" SRK ପ୍ରତିକ୍ରିୟାରେ କହିଥିଲେ ଯେ ଝିଅର ଉଦ୍ୟମ ଦେଖି ପିତାଙ୍କ ଉତ୍ସାହ ସର୍ବଦା ରହିବ ଏବଂ ମୁଁ ଜୋୟା ଅଖତର ଫିଲ୍ମକୁ ଅପେକ୍ଷା କରିଛି। ସେପେଟ ଜୱାନକୁ ନେଇ ଉତ୍ସାହିତ ଥିବା ନଜର ଆସିଥିଲେ ଶାହାରୁଖ। ଏହି ସମୟରେ ଶାହାରୁଖ ଖାନ ନିଜ ଫିଲ୍ମକୁ ନେୈଇ ପ୍ରତିକ୍ରିୟା ଦେଇ କହିଥିଲେ ଯେ, ପ୍ରଶଂସକମାନେ ସେପ୍ଟେମ୍ବର 7 ରେ ଜୱାନ ସହ ସେମାନଙ୍କ ନିକଟତମ ସିନେମା ହଲରେ ଭେଟିପାରିବେ। ପଠାନଙ୍କ ପରେ ପ୍ରଶଂସକମାନେ ଶାହାରୁଖ ଖାନଙ୍କ ଆଗାମୀ ଫିଲ୍ମକୁ ଉତ୍ସାହର ସହ ଅପେକ୍ଷା କରିଛନ୍ତି।