ହାଇଦ୍ରାବାଦ:ବଲିଉଡ ଚଳଚ୍ଚିତ୍ରରେ ତାଙ୍କର ଚମତ୍କାର ଅଭିନୟ ସହ ପ୍ରଶଂସକଙ୍କ ହୃଦୟ ଜିତିଥିବା ସୁସ୍ମିତା ସେନ୍ ଆଜିକାଲି ଓଟିଟି କୁଇନ ସାଜିଛନ୍ତି । ନିକଟରେ ରିଲିଜ ଫିଲ୍ମ ତାଲିରେ ଓଟିଟିରେ ଦର୍ଶକଙ୍କ ମନ ଜିତିଥିବା ବେଳେ ବର୍ତ୍ତମାନ ସେ ତାଙ୍କ ହିଟ୍ ସିରିଜ୍ ଆର୍ଯ୍ୟର ତୃତୀୟ ଭାଗ ଆର୍ଯ୍ୟ 3ରେ ନଜର ଆସିବାକୁ ଯାଉଛନ୍ତି । ପୂର୍ବରୁ ଫିଲ୍ମର ଟିଜର ରିଲିଜ ହୋଇଥିଲା । ତେବେ ଆଜି ଫିଲ୍ମର ନିର୍ମାତା ଟ୍ରେଲର ରିଲିଜ କରିଛନ୍ତି ।
ସୋସିଆଲ ମିଡିଆରେ ଫିଲ୍ମର ଟ୍ରେଲର ରିଲିଜ କରିଛନ୍ତି ନିର୍ମାତା । ଟ୍ରେଲରେ ମାଫିଆ କୁଇନ ଭୂମିକାରେ ଅଭିନୟ କରି ସୁସ୍ମିତା ସେନଙ୍କ ଅନ୍ଦାଜ ଦେଖି ଫ୍ୟାନ୍ସ ଦିୱାନା ହୋଇଛନ୍ତି । ଆର୍ଯ୍ୟ ୩ ସିରିଜରେ ସୁସ୍ମିତା ସେନ୍ ତାଙ୍କ ପରିବାର ଏବଂ ପିଲାମାନଙ୍କ ପାଇଁ ଶତ୍ରୁମାନଙ୍କ ସହିତ ଲଢନ୍ତି । 1 ମିନିଟ୍ 58 ସେକେଣ୍ଡ୍ ଲମ୍ବା ଟ୍ରେଲର୍ ବହୁତ ଦମଦାର ରହିଛି । ସୁସ୍ମିତା ପୁଣି ଥରେ ପ୍ରଭାବଶାଳୀ ଭୂମିକାରେ ନଜର ଆସିଛନ୍ତି । ଅଫିମ ବ୍ୟବସାୟ ସହ ଟ୍ରେଲରରେ ଦର୍ଶାଯାଇଛି ଯେ ଜଣେ ମା' ନିଜ ପିଲାମାନଙ୍କୁ ସୁରକ୍ଷା ଦେବା ପାଇଁ କଣ କରିପାରେ । ତାହା ଦର୍ଶାଯାଇଛି । ଟ୍ରେଲରେ ସେ କହିଛନ୍ତି, ''ବେଳେବେଳେ ନିଜ ସନ୍ତାନମାନଙ୍କୁ ସୁରକ୍ଷା ଦେବା ପାଇଁ ଜଣେ ମାତା ରାକ୍ଷସ ହେବାକୁ ପଡିଥାଏ ।'' ଆଉ ଏକ ଡାଇଲଗ ମଧ୍ୟ ରହିଛି, ଆଜି ପର ଠାରୁ ତୁମର ପୂଣ୍ୟତିଥି କେବେ ବି ହୋଇପାରେ । ବର୍ତ୍ତମାନ ଏହି ଡାଇଲଗ ବେଶ ବାଇରାଲ ହେବାରେ ଲାଗିଛି ।