ମଦ ପିଇ ରାସ୍ତାରେ ବୁଲିଲେ ସନ୍ନି ଦେଓଲ ! ଭିଡିଓ ଭାଇରାଲ ହାଇଦ୍ରାବାଦ:ବଲିଉଡ ଅଭିନେତା ସନ୍ନି ଦେଓଲ 'ଗଦର 2' ସହ ଦୀର୍ଘ ଦିନ ପରେ କମବ୍ୟାକ କରିଥିଲେ । ଏହି ଫିଲ୍ମ 500 କୋଟିରୁ ଅଧିକ ବ୍ୟବସାୟ କରି ୨୦୨୩ର ସଫଳ ଫିଲ୍ମ ହୋଇଥିଲା । ଫିଲ୍ମକୁ ନେଇ ଖୁବ ଲାଇମଲାଇଟରେ ରହିଥିଲେ ସନ୍ନି ଦେଓଲ । ବର୍ତ୍ତମାନ ଅଭିନେତାଙ୍କ ଏକ ଭିଡିଓ ଯୋଗୁଁ ସେ ଶିରୋନାମାରେ ରହିଛନ୍ତି । ଭିଡିଓରେ ସନ୍ନିଙ୍କୁ ମଦ୍ୟପାନ କରି ରାସ୍ତାରେ ବୁଲୁଥିବାର ଦେଖିବାକୁ ମିଳିଛି । ଭିଡିଓ ସାମ୍ନାକୁ ଆସିବା ପରଠାରୁ ସନ୍ନି ଦେଓଲଙ୍କ ସହ କ'ଣ ଘଟିଛି ପ୍ରଶଂସକଙ୍କ ମଧ୍ୟରେ ଆଲୋଡ଼ନ ସୃଷ୍ଟି ହୋଇଛି । ବର୍ତ୍ତମାନ ଅଭିନେତା ଭିଡିଓ ନେଇ ଖୁଲାସା କରିଛନ୍ତି।
ମୁମ୍ବାଇର ଜୁହୁ ସର୍କଲରେ ମଦ୍ୟପାନ କରି ସନ୍ନି ଦେଓଲ ବୁଲୁଥିବାର ନଜର ଆସିଛନ୍ତି । ସେ ରାସ୍ତା ପାର ହୋଇ ଏକ ଅଟୋ ରିକ୍ସା ଆଡକୁ ଯାଆନ୍ତି । ଏବଂ ଅଟୋ ରିକ୍ସା ଡ୍ରାଇଭର ସନ୍ନି ଦେଓଲଙ୍କୁ ସାହାଯ୍ୟ କରେ ଏବଂ ତାଙ୍କୁ ଗାଡିରେ ବସାଇ ନେଇଯାଏ । ଏହି ଭିଡିଓ ସମସ୍ତଙ୍କ ଦୃଷ୍ଟି ଆକର୍ଷଣ କରିବା ସହ ଅନେକ ଅଭିନେତାଙ୍କ ବିଷୟରେ ମନ୍ତବ୍ୟ ଦେଇଥିଲେ । ସନ୍ନିଙ୍କ ଭିଡିଓ ସେୟାର କରି ଜଣେ ୟୁଜର୍ସ ଲେଖିଛନ୍ତି, ସନ୍ନି ଦେଓଲ ରାତିରେ କଣ ବୁଲୁଛନ୍ତି? ଆଉ କେତେକ ଏହାକୁ ଡିପଫେକ ଭିଡିଓ ବୋଲି ମଧ୍ୟ କହିଥିଲେ । ବର୍ତ୍ତମାନ ସନ୍ନି ସୋସିଆଲ ମିଡିଆରେ ଭାଇରାଲ ଭିଡିଓ ପଛରେ ଥିବା ସତର ଖୁଲାସା କରିଛନ୍ତି ।
ସନ୍ନି ଏକ୍ସରେ ଏକ ଭିଡିଓ ସେୟାର କରିଛନ୍ତି । ଏବଂ ଭିଡିଓ ନେଇ ପ୍ରତିକ୍ରିୟା ଦେଇଛନ୍ତି । ସନ୍ନି ଦେଓଲ ତାଙ୍କ ଆଗାମୀ ଫିଲ୍ମର ପାଇଁ ସୁଟିଂ କରୁଛନ୍ତି । ଏହି ଚଳଚ୍ଚିତ୍ରର ନାମ ହେଉଛି 'ସଫର' । ତେଣୁ ସେ ମଦ୍ୟପାନରେ ନୁହଁ ବରଂ ଅଭିନୟ କରୁଥିଲେ । ସନ୍ନି ସେୟାର କରିଥିବା ଭିଡିଓରେ, ତାଙ୍କୁ ମଦ୍ୟପାନ କରୁଥିବାର ଦେଖିବାକୁ ମିଳିଛି । ଏଥିସହ ଫିଲ୍ମ କ୍ରୁ ସେମାନଙ୍କ ଚାରିପାଖରେ ସୁଟିଂ କରୁଥିବା ବି ନଜର ଆସିଛନ୍ତି । ଅଭିନେତା କ୍ୟାପସନରେ ଲେଖିଛନ୍ତି, 'ରୁମର ଖବରର ଯାତ୍ରା କେବଳ ଏପର୍ଯ୍ୟନ୍ତ ଥିଲା ।' ସୂଚନା ଥାଉ କି, ଏହି ଚଳଚ୍ଚିତ୍ରଟି ମରାଠୀ ଚଳଚ୍ଚିତ୍ର ପ୍ରଭାସର ରିମେକ୍ ଅଟେ ଏବଂ ଏହି ଫିଲ୍ମର ଶଶାଙ୍କ ଉଦ୍ରପୁରକର ନିର୍ଦ୍ଦେଶନା ଦେଇଛନ୍ତି ।
ଏହା ମଧ୍ୟ ପଢନ୍ତୁ:500କୋଟି କ୍ଲବରେ ଗଦର 2, 150 କୋଟି ନିକଟତର ଓଏମଜି 2
ସନ୍ନିଙ୍କୁ ଶେଷ ଥର ପାଇଁ ଆକ୍ସନ୍ ଚଳଚ୍ଚିତ୍ର ଗଦର ୨ରେ ଦେଖିବାକୁ ମିଳିଥିଲା । ଯେଉଁଥିରେ ଉତ୍କଳ ଶର୍ମା ଏବଂ ଅମୀଷା ପଟେଲ ତାଙ୍କ ବିପକ୍ଷରେ ନଜର ଆସିଥିଲେ । 2023 ରେ ଗଦର 2 ରିଲିଜ୍ ହୋଇଥିଲା । ଅନୀଲ ଶର୍ମାଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଏକ ବଡ ବକ୍ସ ଅଫିସରେ ହିଟ୍ ହୋଇଥିଲା ଏବଂ ସେମାନଙ୍କର 2001 ହିଟ୍ ଫିଲ୍ମ ଗଦର: ଏକ ପ୍ରେମ କଥାର ସିକ୍ବେଲ ଥିଲା । ଏଥିସହ ସେ ବର୍ଡର ୨ରେ ନଜର ଆସିବେ ବୋଲି ମଧ୍ୟ କୁହାଯାଉଛି ।
