ହାଇଦ୍ରାବାଦ: ରାକ୍ଷୀ ପୂର୍ଣ୍ଣିମା ନେଇ ଆଜି ସାରା ଦେଶରେ ସେଲିବ୍ରେସନର ମାହୋଲ । ଏହି ପରିପ୍ରେକ୍ଷୀରେ ବଲିଉଡ ଲୋକପ୍ରିୟ ଅଭିନେତା ସନ୍ନି ଦେଓଲ ମହିଳା ଫ୍ୟାନ୍ସ ଏବଂ ସ୍କୁଲ ଛାତ୍ରଛାତ୍ରୀଙ୍କ ସହ ରାକ୍ଷୀ ପୂର୍ଣ୍ଣିମା ପାଳନ କରିଛନ୍ତି । ସୋସିଆଲ ମିଡିଆରେ ଅଭିନେତାଙ୍କ ଏହି ସେଲିବ୍ରେସନର ଭିଡିଓ ଭାଇରାଲ ହେଉଛି । ଯାହା ଫ୍ୟାନ୍ସଙ୍କ ମନ ଜିତିଛି ।
ସନ୍ନି ଦେଓଲ ପବିତ୍ର ରାକ୍ଷୀ ପୂର୍ଣ୍ଣିମା ସେଲିବ୍ରେସନ କରିଛନ୍ତି ଅଭିନେତା । ମହିଳା ଫ୍ୟାନ୍ସ ଏବଂ ସ୍କୁଲ ଛାତ୍ରଛାତ୍ରୀଙ୍କ ସହ ରାକ୍ଷୀ ପୂର୍ଣ୍ଣିମା ପାଳନ କରିଛନ୍ତି । ସେଲିବ୍ରେସନର ଭିଡିଓକୁ ସନ୍ନି ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏବଂ ଜଣେ ପ୍ୟାପ ମଧ୍ୟ ତାଙ୍କ ସୋସିଆଲ ମିଡିଆରେ ଅଭିନେତାଙ୍କ ଭିଡିଓ ସେୟାର କରିଛନ୍ତି । ଗୋଟିଏ ଭିଡିଓରେ ସନ୍ନିଙ୍କୁ ସ୍କୁଲ ପିଲାମାନେ ତାଙ୍କ ପାଦ ଛୁଇଁ ରାକ୍ଷୀ ବାନ୍ଧୁଥିବାର ନଜର ଆସିଛନ୍ତି । ଏହି ସମୟରେ ସନ୍ନି ଦେଓଲ ବି ଖୁସିରେ ରାକ୍ଷୀ ବାନ୍ଧିଥିବା ବେଳେ ସେମାନଙ୍କୁ ମିଠା ଖୁଆଇ ଆଶୀର୍ବାଦ ମଧ୍ୟ ଦେଇଛନ୍ତି । ଆଉ ଏକ ଭିଡିଓରେ ମହିଳା ଫ୍ୟାନ୍ସମାନେ ସନ୍ନିଙ୍କୁ ରାକ୍ଷୀ ବାନ୍ଧୁଥିବାର ନଜର ଆସିଛନ୍ତି । ଏହି ଭିଡିଓ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ଅଭିନେତାଙ୍କ ପ୍ରଶଂସା କରିଛନ୍ତି ।
ସନ୍ନି ଦେଓଲ ଆଜିକାଲି ତାଙ୍କର ନୂଆ ଫିଲ୍ମ ଗଦର 2କୁ ନେଇ ଲାଇମଲାଇଟରେ ରହିଛନ୍ତି । ଫିଲ୍ମ ରିଲିଜକୁ 20 ଦିନ ବିତିଗଲାଣି । ଫିଲ୍ମ ବେଶ ଲୋକପ୍ରିୟତା ହାସଲ କରିବା ସହ ଅନେକ ରେକର୍ଡ ଭାଙ୍ଗିଛି। କେବଳ ଭାରତରେ ନୁହେଁ ବିଦେଶରେ ମଧ୍ୟ ଫିଲ୍ମକୁ ନେଇ କ୍ରେଜ ଦେଖିବାକୁ ମିଳିଛି । 19ତମ ଦିନରେ ଫିଲ୍ମ 5.55କୋଟି ଆୟ କରିଥିଲା । ଫିଲ୍ମର ମୋଟ ଆୟ 465.35କୁ ବୃଦ୍ଧି ପାଇଛି । ତେବେ ଏହି ଫିଲ୍ମ ଖୁବଶୀଘ୍ର 500କୋଟି ଆୟ କରିବାକୁ ଯାଉଛି । ଏହି ସଫଳତା ମଧ୍ୟରେ ଫିଲ୍ମର ନିର୍ମାତା ଏକ ବଡ ଅଫରର ଘୋଷଣା କରିଛନ୍ତି। ରାକ୍ଷୀପୂର୍ଣ୍ଣିମା ଅବସରରେ ସନ୍ନି ଦେଓଲଙ୍କ ଫିଲ୍ମ ପାଇଁ 'BUY 2 GET 2' ର ଅଫର ଜାରି କରାଯାଇଛି । ଅର୍ଥାତ୍ ଯଦି ଆପଣ ଏହି ଚଳଚ୍ଚିତ୍ର ପାଇଁ ଦୁଇଟି ଟିକେଟ୍ କିଣନ୍ତି, ତେବେ ଆପଣଙ୍କୁ ମାଗଣାରେ ଦୁଇଟି ଟିକେଟ୍ ମିଳିବ । ଏହି ଅଫର କେବଳ ସେପ୍ଟେମ୍ବର 3 ଯାଏଁ ଉପଲବ୍ଧ ।
ଏହା ମଧ୍ୟ ପଢନ୍ତୁ: ରାକ୍ଷୀପୂର୍ଣ୍ଣିମାରେ ଗଦର 2 ଅଫର, 2ଟି ଟିକେଟ୍ ସହ 2ଟି ଫ୍ରି
ଗଦର ଏକ ପ୍ରେମ କଥା'ର ସ୍ବିକେଲ୍ ଅଟେ ଗଦର-2 । ତେବେ ପ୍ରଥମ ଭାଗରେ ଟ୍ରକ୍ ଡ୍ରାଇଭର ତାରା ସିଂ ଭୂମିକାରେ ଅଭିନୟ କରିଥିଲେ ସନ୍ନି ଦେଓଲ । ତାଙ୍କ ବିପକ୍ଷରେ ଅଭିନୟ କରିଥିଲେ ଅମୀଷା ପଟେଲ । ଫିଲ୍ମରେ ତାରା ପାକିସ୍ତାନୀ ପତ୍ନୀ ସାକିନାଙ୍କୁ ଫେରାଇ ଆଣିବା ପାଇଁ ସଂଗ୍ରାମ କରିଥିଲେ । ସେହିପରି ଗଦର-2 ଅର୍ଥାତ ଦ୍ବିତୀୟ ଭାଗରେ ତାରା ସିଂ ତାଙ୍କ ପୁଅ ଚରଣଜିତଙ୍କୁ ଭାରତ ଫେରାଇ ଆଣିବାକୁ ସଂଗ୍ରାମ କରିଥିବା ଦେଖିବାକୁ ମିଳିଛି । ଗଦର ନିର୍ଦ୍ଦେଶକ ଅନିଲ ଶର୍ମାଙ୍କ ପୁଅ ଉତ୍କଳ ଶର୍ମା ଗଦରରେ ଚରଣଜିତ ଭୂମିକାରେ ନଜର ଆସିଛନ୍ତି । ଫିଲ୍ମରେ ସନ୍ନି ଦେଓଲ ଏବଂ ଅମୀଷା ପଟେଲଙ୍କ ବ୍ୟତୀତ ଗୌରବ ଚୋପ୍ରା, ଉତ୍କର୍ଷ ଶର୍ମା ଏବଂ ଲଭ୍ ସିହ୍ନା ନଜର ଆସିଛନ୍ତି ।
