ହାଇଦ୍ରାବାଦ: ବଲିଉଡ ବାଦଶାହା ଶାହାରୁଖ ଖାନଙ୍କ ଫିଲ୍ମ 'ଜବାନ'ରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ହାସ୍ୟ ଅଭିନେତା ସୁନୀଲ ଗ୍ରୋଭର । ଏହି ଫିଲ୍ମରେ ତାଙ୍କ ଅଭିନୟକୁ ପ୍ରଶଂସା କରାଯାଇଛି । ସୋସିଆଲ ମିଡିଆରେ ଶାହାରୁଖ ଖାନଙ୍କ ସହ ଏକ ଫଟୋ ସେୟାର କରିଛନ୍ତି ସୁନୀଲ । ଯେଉଁଥିରେ ସେ କିଙ୍ଗ ଖାନଙ୍କ ସହ ମଜା କରୁଥିବା ଦେଖିବାକୁ ମିଳିଛି । ଏହି ଫଟୋକୁ ସେଲିବ୍ରିଟିଙ୍କ ଠାରୁ ଆରମ୍ଭ କରି ଫ୍ୟାନ୍ସ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । ଏହି ଫଟୋକୁ କ୍ରିକେଟର ହରଭଜନ ସିଂ ପ୍ରତିକ୍ରିୟା ଦେଇଛନ୍ତି।
ଅଭିନେତା ତଥା ହାସ୍ୟ ଅଭିନେତା ସୁନୀଲ ଗ୍ରୋଭର ଇନଷ୍ଟାଗ୍ରାମରେ ଶାହାରୁଖଙ୍କ ସହ ଏକ ଫଟୋ ସେୟାର କରିଛନ୍ତି, ଯେଉଁଥିରେ ଉଭୟ ମଜାଳିଆ ଅନ୍ଦାଜରେ ପୋଜ ଦେଉଥିବା ନଜର ଆସିଛନ୍ତି । ଫଟୋରେ ଶାହାରୁଖ ସୁନୀଲଙ୍କ ମଥାରେ ବନ୍ଧୁକ ପରି ଆଙ୍ଗୁଳିକୁ ରଖିଥିବା ବେଳେ ସୁନୀଲ କିଙ୍ଗଖାନଙ୍କୁ ଆଙ୍ଗୁଠି ନିର୍ଦ୍ଦେଶ କରିଛନ୍ତି । ଫଟୋ ସେୟାର କରି ସୁନୀଲ କ୍ୟାପସନରେ ଲେଖିଛନ୍ତି, 'ମୁଁ ଏହି ସେଲଫି ପାଇଁ 'କିଙ୍ଗ ଖାନଙ୍କ ସହ ଚିଲ୍' ।
ନିକଟରେ, ବ୍ଲକବଷ୍ଟର ହିଟ୍ ଚଳଚ୍ଚିତ୍ରର ଷ୍ଟାର୍ କାଷ୍ଟ୍ ମୁମ୍ବାଇରେ ଫିଲ୍ମର ସଫଳତାକୁ ନେଇ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି ଇଭେଣ୍ଟରେ ସୁନୀଲ ଗ୍ରୋଭର ଏବଂ ଶାହାରୁଖ ଖାନ ମଧ୍ୟ ନାଚିବା ସହ ମଜା କରୁଥିବାର ନଜର ଆସିଥିଲେ । ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହୋଇଛି। ତେବେ ସୁନୀଲ ସେୟାର କରିଥିବା ଫଟୋଟି ମଧ୍ୟ ଏହି ଇଭେଣ୍ଟର ଅଟେ । ଏହି ଫଟୋକୁ ସେଲିବ୍ରଟିଙ୍କ ଠାରୁ ଆରମ୍ଭ କରି ଫ୍ୟାନ୍ସ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । ସେହିପରି ଅବସରପ୍ରାପ୍ତ କ୍ରିକେଟର ତଥା କ୍ରିକେଟ୍ ସମୀକ୍ଷକ ହରଭଜନ ସିଂ ସୁନୀଲ ଗ୍ରୋଭରଙ୍କ ଏହି ଫଟୋ ଉପରେ ସୁନ୍ଦର ପ୍ରତିକ୍ରିୟା ଦେଇଛନ୍ତି । ସେ ଲେଖିଛନ୍ତି, 'ଦୁଇ ଟପ୍ କଳାକାର' ଏବଂ 'ମୋର ପ୍ରିୟ'।
ଏହା ମଧ୍ୟ ପଢନ୍ତୁ:Jawan Box Office Collection: ପଠାନର ରେକର୍ଡ ଭାଙ୍ଗିଲା ଜବାନ, 700 କୋଟି କ୍ଲବରେ ଫିଲ୍ମ
ସେପ୍ଟେମ୍ବର 7ରେ ରିଲିଜ୍ ହୋଇଥିବା ଫିଲ୍ମ ଜବାନ ବକ୍ସ ଅଫିସରେ ଧମାକା କରୁଛି । ନିର୍ଦ୍ଦେଶକ ଅଟଲି କୁମାରଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ନୟନତାରା, ବିଜୟ ସେଥୁପଥୀ, ସାନିଆ ମାଲହୋତ୍ରା, ଦୀପିକା ପାଦୁକୋନ, ସଞ୍ଜୟ ଦତ୍ତ ଏବଂ ଅନ୍ୟାନ୍ୟ ଷ୍ଟାର କାଷ୍ଟ ଅଛନ୍ତି। ଅଭିନେତା ତଥା ହାସ୍ୟ ଅଭିନେତା ସୁନୀଲ ଗ୍ରୋଭର ମଧ୍ୟ ଏହି ଚଳଚ୍ଚିତ୍ରର ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ସୁନୀଲ ଗ୍ରୋଭର ପ୍ରଥମ ଥର ପାଇଁ ବଲିଉଡର ବାଦଶାହାଙ୍କ ସହ ସ୍କ୍ରିନ ସେୟାର କରିଛନ୍ତି। ଏବଂ ସେ ଏହି ଫିଲ୍ମ ଜରିଆରେ ଶାହାରୁଖ, ନୟନତାରା, ବିଜୟ ସେଥୁପଥୀଙ୍କ ସହ କାମ କରି ବେଶ ଉତ୍ସାହିତ ରହିଛନ୍ତି।
