ହାଇଦ୍ରାବାଦ: ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ଲାଡଲି ସୁହାନା ଖାନ, ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦା ଏବଂ ବୋନି କପୁର ଏବଂ ଶ୍ରୀଦେବୀଙ୍କ ଝିଅ ଖୁସି କପୁର ବଲିଉଡରେ ଖୁବଶୀଘ୍ର ଡେବ୍ୟୁ କରିବାକୁ ଯାଉଛନ୍ତି । ଜୋୟା ଅଖତରଙ୍କ ନିର୍ଦ୍ଦେଶିତ ଫିଲ୍ମ ଦ ଆର୍ଚିସରେ ସହ ପ୍ରଥମ ଥର ପାଇଁ ନଜର ଆସିବେ ଏହି ଷ୍ଟାର କିଡ୍ସ । ଫିଲ୍ମ ନେଟଫ୍ଲିକ୍ସରେ ରିଲିଜ ହେବା ବୋଲି ପୂର୍ବରୁ କୁହାଯାଇଥିବା ବେଳେ ଗତକାଲି(ମଙ୍ଗଳବାର) ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି ନିର୍ମାତା।
ନିର୍ମାତାମାନେ ନିଜ ଇନଷ୍ଟାଗ୍ରାମରେ ମୁମ୍ବାଇର ୱେଷ୍ଟର୍ଣ୍ଣ ଏକ୍ସପ୍ରେସ ହାଇୱେରେ ଲାଇଭ ବିଲବୋର୍ଡ ଭିଡିଓ ସେୟାର କରି ଫିଲ୍ମ ରିଲିଜ ତାରିଖ ଘୋଷଣା କରିଛନ୍ତି । କ୍ୟାପସନରେ ଲେଖିଛନ୍ତି,100ଦିନ ବାକି । ଡିସେମ୍ବର 7ରେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ଦ ଆର୍ଚିସ ରିଲିଜ ହେବ । ଏହି ଭିଡିଓକୁ ସୁହାନା ଖାନ ମଧ୍ୟ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ସେ ଲେଖିଛନ୍ତି, 100ଦିନ ପରେ ଡିସେମ୍ବର 7ରେ ସେଟରେ ପହଞ୍ଚିବାକୁ ଦ ଆର୍ଚିସ ପୁରା ପ୍ରସ୍ତୁତ । ସେପଟେ ଫରହାନ ତାଙ୍କ ଭଉଣୀ ଜୋୟାଙ୍କ ଫିଲ୍ମ ଦ ଆର୍ଚିସର ଏକ ନୂଆ ପୋଷ୍ଟର ସେୟାର କରି ଫିଲ୍ମ ରିଲିଜକୁ ଆଉ ଅପେକ୍ଷା କରିପାରୁ ନାହିଁ ବୋଲି କହିଛନ୍ତି ।
ସୂଚନା ଥାଉ କି, ଦ ଆର୍ଚିସ କମିକ୍ସ ଉପରେ ଆଧାରିତ ଏକ ମ୍ୟୁଜିକାଲ୍ ଫିଲ୍ମ । ଆର୍ଚିସ, ବେଟି, ଡିଲଟନ୍, ଏଥର୍, ଜଗହେଡ୍, ରେଗି ଏବଂ ଭାଇରୋସିନା ଷ୍ଟାର କିଡ୍ସଙ୍କୁ ଦେଖିବାକୁ ମିଳିବ । ଏହି ଚଳଚ୍ଚିତ୍ର ପାଇଁ ରୀମା କାଗତି ଏବଂ ଜୋୟା ଅଖତରଙ୍କ ଟାଇଗର ବେବି ଫିଲ୍ମ ଆର୍ଚିସ କମିକ୍ସ ଏବଂ ଗ୍ରାଫିକ୍ସ ଇଣ୍ଡିଆଙ୍କ ସହଯୋଗରେ ନିର୍ମିତ କରିଛନ୍ତି । ଏହାର ନିର୍ଦ୍ଦେଶନା ଦେଇଛନ୍ତି ଜୋୟା ଅଖତର ଏବଂ ରେମା କାଗି । ତେବେ ଏହି ଫିଲ୍ମର ଟିଜର ଜୁନ ମାସରେ ରିଲିଜ ହୋଇଥିଲା । ଏହାକୁ ଫ୍ୟାନ୍ସ ବେଶ ପସନ୍ଦ କରିଥିବା ବେଳେ ଫିଲ୍ମ ରିଲିଜକୁ ଉତ୍ସାହର ସହ ଅପେକ୍ଷା କରିଛନ୍ତି ଫ୍ୟାନ୍ସ । ଏହି ପିଲ୍ମ ରିଲିଜକୁ ଆଉ ଶହେ ଦିନ ବାକି ଅଛି । ଏହି ଫିଲ୍ମ ସହ ଅନେକ ଷ୍ଟାର କିଡ୍ସ ବଲିଉଡରେ ପାଦ ଦେବାକୁ ଯାଉଛନ୍ତି ।
ଏହା ମଧ୍ୟ ପଢନ୍ତୁ:ଗୋଆ' ଟ୍ରିପ୍ ଉପଭୋଗ କରୁଛନ୍ତି SRKଙ୍କ ଲାଡଲି, ସେୟାର କଲେ ଫଟୋ
ଇଣ୍ଡଷ୍ଟ୍ରି ବିଷୟରେ କଥାବାର୍ତ୍ତା କରି ନିର୍ମାତା ରୀମା କାଗତି କହିଛନ୍ତି ଯେ, ସେ ଏବଂ ଜୋୟା ଆର୍ଚିସକୁ ପଢି ବଡ ହୋଇଛନ୍ତି, ଏଥିପାଇଁ ତାଙ୍କର ଚରିତ୍ରମାନଙ୍କ ସହିତ ବଡ ସମ୍ବନ୍ଧ ରହିଛି । ରୀମା କହିଛନ୍ତି ଯେ, ମୁଁ 1960 ଦଶକର ଭାରତରେ ଏକ ଲାଇଭ୍ ଆକ୍ସନ୍ ସଙ୍ଗୀତରେ ତାଙ୍କୁ ରିବୁଟ କରିବାକୁ ପ୍ରସ୍ତୁତ । ଏହା ମଧ୍ୟ ଟାଇଗର ବେବିଙ୍କର ପ୍ରଥମ ଏକକ ପ୍ରୋଜେକ୍ଟ, ଯାହା ଏହାକୁ ଆହୁରି ଅଧିକ ସ୍ୱତନ୍ତ୍ର କରିଥାଏ । ନେଟଫ୍ଲିକ୍ସରେ ଷ୍ଟ୍ରିମ୍ କରିବାକୁ ପୁରାପୁରି ପ୍ରସ୍ତୁତ, 'ଆର୍ଚିସ୍' ନୂତନ ପିଢି ପାଇଁ ସର୍ବଭାରତୀୟ ସ୍ତରରେ ପସନ୍ଦିତା ଭାବରେ 'ଆର୍ଚିସ କମିକ୍ସ'ର ଚରିତ୍ର ଗୁଡ଼ିକୁ ସାମ୍ନାକୁ ଆଣିବ ।
