ମୁମ୍ବାଇ:ବଲିଉଡ ଇଣ୍ଡଷ୍ଟ୍ରିରେ ଆଜିକାଲି ଅନେକ ଷ୍ଟାରକିଡ୍ସ ଫିଲ୍ମରେ ଡେବ୍ୟୁ କରୁଛନ୍ତି । ଏଥି ସହିତ ଗତ ବର୍ଷ ନିର୍ଦ୍ଦେଶକ ଜୋୟା ଅଖତର ଘୋଷଣା କରିଥିଲେ ଯେ ସେ 'ଦ ଆର୍ଚିଜ୍' ନାମକ ଏକ ଫିଲ୍ମ ନିର୍ମାଣ କରିବାକୁ ଯାଉଛନ୍ତି । ଜୋୟାଙ୍କ ଏହି ଫିଲ୍ମ ଶାହରୁଖଙ୍କ ଝିଅ ସୁହାନା ଖାନ, ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦା ଏବଂ ଶ୍ରୀଦେବୀଙ୍କ ସାନ ଝିଅ ଖୁସି କପୁର ଡେବ୍ୟୁ କରୁଛନ୍ତି ବୋଲି ଶୁଣିବାକୁ ମିଳିଥିଲା।
ତେବେ କିଛି ସମୟ ପୂର୍ବରୁ ନିର୍ମାତା ରୀମା କାଗତି ନିଜ ଇନଷ୍ଟାଗ୍ରାମ ମାଧ୍ୟମରେ କହିଛନ୍ତି ଯେ, ଏହି ଚଳଚ୍ଚିତ୍ର ଦ ଆର୍ଚିଜର ସୁଟିଂ ଆଜି ଅର୍ଥାତ୍ ଏପ୍ରିଲ 18ରୁ ଆରମ୍ଭ ହୋଇଛି। ତାଙ୍କ ପୋଷ୍ଟରରେ ଫିଲ୍ମର କ୍ଲାପବୋର୍ଡ ସେୟାର କରି ସେ ଲେଖିଛନ୍ତି - #Archie’s #shootstarts #TigerBaby’s ପ୍ରଥମ ଏକକ ପ୍ରଡକ୍ସନ୍ #partnerincrime @zoieakhtar @netflix_in. ତାଙ୍କ ପୋଷ୍ଟରେ ନବ୍ୟା ନଭେଲି ନନ୍ଦାଙ୍କଠୁ ନେଇ ଜୋୟା ମୋରାନୀ ସମେତ ଅନେକ ସେଲିବ୍ରିଟି କମେଣ୍ଟ ଦେଇଛନ୍ତି ଏବଂ ତାଙ୍କୁ ଅଭିନନ୍ଦନ ଜଣାଇଛନ୍ତି।