ହାଇଦ୍ରାବାଦ: ସୁପରହିଟ୍ ଫିଲ୍ମ 'RRR' ନିର୍ଦ୍ଦେଶକ ଏସ୍.ଏସ୍ ରାଜାମୌଲି ହାଇଦ୍ରାବାଦର ଏକ ଘରୋଇ କାର୍ଯ୍ୟକ୍ରମରେ ତେଲୁଗୁ ନିର୍ଦ୍ଦେଶକ ଅନିଲ ରବିପୁଡିଙ୍କ ସହ ନାଚୁଥିବା ଦେଖିବାକୁ ମିଳିଛି। 'ଆରଆରଆର'ର ନିର୍ମାତାମାନେ ସୋମବାର ଏକ ସଫଳତା ପାର୍ଟିର ଆୟୋଜନ କରିଥିଲେ, ଯେଉଁଥିରେ ରାଜାମୌଲି, ଏନଟିଆର, ରାମ ଚରଣ, ଦିଲ ରାଜୁ, ଅନିଲ ରବିପୁଡି, ଅନ୍ୟ ସେଲିବ୍ରିଟି ଏବଂ ଟେକ୍ନିସିଆନମାନେ ଯୋଗ ଦେଇଥିଲେ।
ଗାଲା ଇଭେଣ୍ଟରେ ଟଲିଉଡର ହିଟମେକରଙ୍କୁ ନାଚୁଥିବା ଦେଖିବାକୁ ମିଳିଥିଲା । ରାଜାମୌଲି ଏକ ପ୍ରମୋସନାଲ ସାକ୍ଷାତକାରରେ ନାଚିବାକୁ NTRକୁ ପ୍ରତିଶୃତି ଦେଇଥିଲେ । ରାଜାମୌଲି ଏବଂ ଅନିଲ ରବିପୁଡି ସୁପରହିଟ୍ ଗୀତ 'ନାଟୁ ନାଟୁ'ରେ ନାଚିଥିଲେ। ଉଲ୍ଲେଖନୀୟ ଯେ, ଅନିଲ ରବିପୁଡିଙ୍କ ସହ ସାକ୍ଷାତକାର ସମୟରେ Jr NTR ରାଜାମୌଲିଙ୍କୁ ଏକ ପ୍ରତିଶୃତି ଦେଇଥିଲେ ଯେ, ସେ ଫିଲ୍ମର ସଫଳତା ପାର୍ଟିରେ 'ନାଟୁ ନାଟୁ'ରେ ନାଚିବେ ।