ବ୍ରହ୍ମାସ୍ତ୍ରରୁ ଶାହରୁଖ ଖାନଙ୍କ ଫାଷ୍ଟ ଲୁକ୍‌ ଲିକ୍‌, ଦେଖନ୍ତୁ ଭାଇରାଲ ଭିଡିଓ

ବ୍ରହ୍ମାସ୍ତ୍ରରୁ ଶାହରୁଖ ଖାନଙ୍କ ଫାଷ୍ଟ ଲୁକ୍‌ ଲିକ୍‌ ହୋଇଛି । ଏହି ଫିଲ୍ମରେ କିଙ୍ଗ୍‌ ଖାନ୍‌ ଏକ ଦମଦାର ଅବତାରରେ ନଜର ଆସିଛନ୍ତି, ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅଧିକ ପଢନ୍ତୁ

ମୁମ୍ବାଇ: ରଣବୀର କପୁର ଏବଂ ଆଲିଆ ଭଟ୍ଟ ଦୀର୍ଘ ଦିନ ଧରି ସେମାନଙ୍କ ଫିଲ୍ମ 'ବ୍ରହ୍ମାସ୍ତ୍ର' ପାଇଁ ଚର୍ଚ୍ଚାରେ ଅଛନ୍ତି । ଅୟାନ ମୁଖାର୍ଜୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ଷ୍ଟାର ଦମ୍ପତ୍ତି ପ୍ରଥମ ଥର ପାଇଁ ବଡ ପରଦାରେ ଏକାଠି ନଜର ଆସିବେ । ଅଭିନେତା ଶାହରୁଖ ଖାନ ମଧ୍ୟ ଏହି ଫିଲ୍ମରେ ଏକ କ୍ୟାମୋ ଭୂମିକାରେ ନଜର ଆସିବେ । ତେବେ ଫିଲ୍ମରେ ଶାହରୁଖ ଖାନ କିପରି ଦେଖାଯିବେ ଏବଂ କେଉଁ ଚରିତ୍ରରେ ତାଙ୍କୁ ଦେଖିବାକୁ ମିଳିବ, ତାହା ପ୍ରଶଂସକମାନେ ବହୁ ଦିନରୁ ଜାଣିବାକୁ ଚାହୁଁଥିଲେ । ବର୍ତ୍ତମାନ ସୋସିଆଲ ମିଡିଆରେ କିଙ୍ଗ ଖାନଙ୍କ ଲୁକ ଲିକ୍‌ ହୋଇଛି, ଯାହା ଭାଇରାଲ ହେବାରେ ଲାଗିଛି ।

ଫିଲ୍ମରୁ ଶାହାରୁଖ ଖାନଙ୍କ ଲୁକ୍ ପ୍ରକାଶ ପାଇବା ପରେ ପ୍ରଶଂସକମାନେ ମଧ୍ୟ ବହୁତ ଉତ୍ସାହିତ ଅଛନ୍ତି । ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓ ଅନୁଯାୟୀ ଶାହାରୁଖ ଖାନ 'ବ୍ରହ୍ମାସ୍ତ୍ର'ରେ ଏକ ବିଶେଷ ଭୂମିକାରେ ଅଭିନୟ କରିବାକୁ ଯାଉଛନ୍ତି । ଭିଡିଓରେ ଶାହାରୁଖ ରକ୍ତରେ ଜୁଡୁବୁଡୁ ହୋଇଥିବା ନଜର ଆସିଛନ୍ତି ।

ବ୍ରହ୍ମାସ୍ତ୍ରର ଟ୍ରେଲର ରିଲିଜ୍ ହେବା ପରେ ହିଁ ପ୍ରଶଂସକମାନେ ଏଥିରେ ଶାହରୁଖ ଖାନଙ୍କ ଝଲକ ଦେଖିଥିଲେ ଏବଂ ଫିଲ୍ମରେ ତାଙ୍କର ଚରିତ୍ର ବିଷୟରେ ଜାଣିବାକୁ ଆଗ୍ରହୀ ଥିଲେ । ଏଥିସହିତ, ବର୍ତ୍ତମାନ ଅଭିନେତାଙ୍କ ଲୁକ୍ ଲିକ୍ ହେବା ପରେ ପ୍ରଶଂସକମାନେ ତାଙ୍କର ବହୁତ ପ୍ରଶଂସା କରୁଛନ୍ତି । ଏହା ବ୍ୟତୀତ ଶାହରୁଖ ଖାନ ମଧ୍ୟ ଆର ମାଧବନଙ୍କ ଫିଲ୍ମ ରକେଟ୍ରି ଦି ନାମ୍ବି ଇଫେକ୍ଟରେ ଏକ କ୍ୟାମୋ କରୁଥିବା ଦେଖିବାକୁ ମିଳିଥିଲା । ସେ ଫିଲ୍ମର ହିନ୍ଦୀ ସଂସ୍କରଣରେ ସାମ୍ବାଦିକ ଭୂମିକାରେ ଅଭିନୟ କରିଥିଲେ । କିଙ୍ଗ ଖାନ ପରବର୍ତ୍ତୀ ସମୟରେ 'ପଠାନ', 'ଡଙ୍କି' ଏବଂ 'ଯବାନ'ରେ ନଜର ଆସିବେ ।