ନୂଆଦିଲ୍ଲୀ: ରବିବାର ଦିନ ଆର୍ଜେଣ୍ଟିନା ଏବଂ ଫ୍ରାନ୍ସ ମଧ୍ୟରେ ଏକ ଜବରଦସ୍ତ ମୁକାବିଲା (FIFA World Cup 2022) ଦେଖିବାକୁ ମିଳିଥିଲା । ସାରା ବିଶ୍ବର ନଜର ଏହି ମ୍ୟାଚ ଉପରେ ଥିଲା। ବଲିଉଡ ଅଭିନେତା ଶାହରୁଖ ଖାନଙ୍କଠୁ ଆରମ୍ଭ କରି ଦୀପିକା ପାଦୁକୋନ, ନୋରା ଫତେହି ଏବଂ କାର୍ତ୍ତିକ ଆର୍ଯ୍ୟନଙ୍କ ସମେତ ଅନେକ ତାରକା ଐତିହାସିକ ମ୍ୟାଚର ସାକ୍ଷୀ ହୋଇଥିଲେ । 38 ବର୍ଷ ପରେ ଆର୍ଜେଣ୍ଟିନା ଫିଫା ବିଶ୍ୱକପ ଟ୍ରଫି ଜିତିଛି । ଯେଉଁଥିପାଇଁ ବଲିଉଡର ସେଲିବ୍ରିଟିମାନେ ମଧ୍ୟ ଖୁସିରେ ଗଦ୍ଗଦ୍ ହୋଇଯାଇଥିବା (Celebs Reaction On Argentina Win) ଦେଖାଯାଇଛି ।
'ପଠାନ'କୁ ନେଇ ବିବାଦରେ ଥିବା ଶାହରୁଖ ଖାନ ଫିଫା ବିଶ୍ୱକପର ଅନ୍ତିମ ମ୍ୟାଚ ଦେଖିବାକୁ ଆସିଥିଲେ। ଶାହାରୁଖଙ୍କ ପାଇଁ ଫିଫା ବିଶ୍ୱକପ୍ର ଅଂଶ ହେବା ଅତ୍ୟନ୍ତ ମଜାଦାର ଥିଲା। କିଙ୍ଗ ଖାନ ଆର୍ଜେଣ୍ଟିନାର ବିଜୟ ଉପରେ ଟୁଇଟ୍ କରି ଲେଖିଛନ୍ତି, ‘ଆମେ ବର୍ତ୍ତମାନର ସର୍ବଶ୍ରେଷ୍ଠ ବିଶ୍ୱକପ ଫାଇନାଲ ଦେଖିଛୁ । ମୋର ମନେ ଅଛି, ଗୋଟିଏ ଛୋଟ ଟିଭିରେ ମା’ଙ୍କ ସହ ବିଶ୍ୱକପ ଦେଖୁଥିଲି । ମୋ ପିଲାମାନଙ୍କ ଏବେ ବି ସେହି ଉତ୍ସାହ ରହିଛି ଏବଂ ଆମ ସମସ୍ତଙ୍କୁ ପ୍ରତିଭା, କଠିନ ପରିଶ୍ରମ ଏବଂ ସ୍ୱପ୍ନରେ ବିଶ୍ୱାସ ଦେଇଥିବାରୁ ମେସିଙ୍କୁ ଧନ୍ୟବାଦ ।’
ଶାହରୁଖ ଖାନଙ୍କ ପରେ ରିତେଶ ଦେଶମୁଖ, ରଣଭୀର ସିଂ, ଅନୁପମ ଖେର ଏବଂ ଦିଆ ମିର୍ଜା ମଧ୍ୟ ଆର୍ଜେଣ୍ଟିନା ପାଇଁ ଖୁସି ବ୍ୟକ୍ତ କରିଛନ୍ତି। ମେସିଙ୍କୁ ପ୍ରଶଂସା କରି ଅନୁପମ ଖେର ଲେଖିଛନ୍ତି, ଏହା ଏକ ଅତି ଚମତ୍କାର ମ୍ୟାଚ୍ ଥିଲା । ମେସିଙ୍କ ଜବାବ୍ ନାହିଁ । ଏହି ମ୍ୟାଚ୍ ସମୟରେ ଲାଗୁଥିଲା ଯେ ଏଥିରେ କିଛି ବି ହୋଇପାରେ । #FIFAWorldCup ପ୍ରକୃତରେ, ମେସିଙ୍କ ପାଇଁ ବୋଧହୁଏ ଏହାଠାରୁ ଭଲ ଫେବରେବଲ୍ କିଛି ହୋଇପାରି ନଥାନ୍ତା ।