ପାର୍ଟିରେ ସେହନାଜ ଗିଲଙ୍କୁ ଆଲିଙ୍ଗନ କଲେ କିଙ୍ଗ ଖାନ୍‌, ଫ୍ୟାନ୍ସ ଦେଲେ ମଜାଳିଆ ଜବାବ

ବାବା ସିଦ୍ଦିକିଙ୍କ ଇଫତାର ପାର୍ଟିରୁ ଶାହାରୁଖ ଖାନ-ସେହନାଜ ଗିଲଙ୍କ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଅଧିକ ପଢନ୍ତୁ

ହାଇଦ୍ରାବାଦ:ବଲିଉଡର ସବୁଠୁ ବଡ ପାର୍ଟି ମଧ୍ୟରୁ ବାବା ସିଦ୍ଦିକିଙ୍କ ଇଫତାର ପାର୍ଟି ଚର୍ଚ୍ଚାରେ ରହିଆସିଛି । ସଲମାନ ଖାନ ଏବଂ ଶାହାରୁଖ ଖାନଙ୍କ ସମେତ ଚଳିତ ବର୍ଷ ଇଫତାର ପାର୍ଟିରେ ବହୁ ବଡ ବଡ ସେଲିବ୍ରିଟି ଯୋଗ ଦେଇଥିଲେ । ସଲମାନ ଏବଂ ଶାହାରୁଖ ପାର୍ଟିରେ ଉପସ୍ଥିତ ରହି ପାର୍ଟିକୁ ଖୁବ୍‌ ଉପଭୋଗ କରିଥିଲେ । ଇଫତାର ପାର୍ଟିରେ ସଲମାନ-ଶାହାରୁଖଙ୍କ ଏଣ୍ଟ୍ରି ସହିତ ସେହନାଜ ଗିଲଙ୍କ ସହ ତାଙ୍କର ବଣ୍ଡିଂ ମଧ୍ୟ ଚର୍ଚ୍ଚାରେ ରହିଛି।

ସଲମାନଙ୍କ ସହ ସେହନାଜଙ୍କ ଖାସ୍‌ ବଣ୍ଡିଂ

କହିବାକୁ ଗଲେ ସେହନାଜ ଗିଲ ତ ସମସ୍ତଙ୍କ ହୃଦୟରେ ରାଜ କରନ୍ତି । ଏହି କଥା ବି ଆପଣ ଜାଣନ୍ତି ଯେ, ସଲମାନ ଖାନ ସେହନାଜଙ୍କ ପାଇଁ ସବୁବେଳେ ପ୍ରୋଟେକ୍ଟିଭ୍‌ ରହିଥାନ୍ତି। ଏମିତି କି ଇଫତାର ପାର୍ଟିରେ ମଧ୍ୟ ସଲମାନ ସେହନାଜଙ୍କର ଖାସ୍‌ ଧ୍ୟାନ ରଖିଥିଲେ । କିନ୍ତୁ ଆପଣ ଜାଣନ୍ତି କି ବଲିଉଡର କିଙ୍ଗ୍‌ ଶାହାରୁଖ ଖାନଙ୍କ ସହ ସେହନାଜଙ୍କ ବଣ୍ଡିଂ କେମିତି ?

ଶାହାରୁଖଙ୍କ ସହ ସେହନାଜଙ୍କ ବଣ୍ଡିଂ

ବାବା ସିଦ୍ଦିକିଙ୍କ ଇଫତାର ପାର୍ଟିରୁ ଶାହାରୁଖ ଖାନ ଏବଂ ସେହନାଜ ଗିଲଙ୍କ ସାକ୍ଷାତର ଅନେକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଭାଇରାଲ ଫଟୋ ଏବଂ ଭିଡିଓରେ ଶାହାରୁଖ ଖାନ ସେହନାଜ ଗିଲଙ୍କୁ ଅତି ସୁନ୍ଦର ଭାବେ ଆଲିଙ୍ଗନ କରୁଥିବା ଦେଖିବାକୁ ମିଳିଛି। ଶାହାରୁଖ ଖାନ ପ୍ରଥମେ ସେହନାଜଙ୍କ ସହ ହାତ ମିଳାଇଥିଲେ ଓ ପରେ ତାଙ୍କୁ ଆଲିଙ୍ଗନ କରିଥିଲେ ।

ପ୍ରଶଂସକମାନେ ମଧ୍ୟ ଶାହାରୁଖ ଖାନ ଏବଂ ସେହନାଜ ଗିଲଙ୍କୁ ଏକାଠି ଦେଖି ଖୁସି ଅନୁଭବ କରୁଛନ୍ତି। ଶାହରୁଖ ଏବଂ ସେହନାଜଙ୍କ ଫଟୋରେ ଜଣେ ୟୁଜର ଲେଖିଛନ୍ତି - ସୋସିଆଲ ମିଡିଆରେ ବେଷ୍ଟ ପିକ୍‌ । ଅନ୍ୟ ଜଣେ ୟୁଜର ଲେଖିଛନ୍ତି -ବଲିଉଡର କିଙ୍ଗ ସହିତ କୁଇନ୍‌ ।

ଇଫତାର ପାର୍ଟିରେ ଶାହାରୁଖ, ସଲମାନ ଏବଂ ସେହନାଜ ଗିଲ ପୁରା ଲାଇମଲାଇଟ୍ ଲୁଟି ନେଇଥିଲେ, କିନ୍ତୁ ଏହା ବ୍ୟତୀତ ଶିଳ୍ପା ଶେଟ୍ଟୀ, ସାନା ଖାନ, ସଞ୍ଜୟ ଦତ୍ତ, ଆୟୁଷ ଶର୍ମାଙ୍କ ସମେତ ଅନେକ ଜଣାଶୁଣା ସେଲିବ୍ରିଟି ମଧ୍ୟ ଏହି ପାର୍ଟିର ଏକ ଅଂଶ ହୋଇଥିଲେ।

ବ୍ୟୁରୋ ରିପୋର୍ଟ, ଇଟିଭି ଭାରତ