ମୁମ୍ବାଇ: ସବୁଠି ଏବେ ‘ଜବାନ’ର କ୍ରେଜ୍ । ସାଧାରଣ ଲୋକଙ୍କ ଠାରୁ ଆରମ୍ଭ କରି ଚଳଚ୍ଚିତ୍ର ତାରକାମାନେ ମଧ୍ୟ ଶାହାରୁଖ ଏବଂ ଅଟଲିଙ୍କ ଫ୍ୟାନ୍ ପାଲଟିଯାଇଛନ୍ତି । ଏବେ ଅନେକ ସେଲିବ୍ରିଟି ଫିଲ୍ମ ଏବଂ କିଙ୍ଗ ଖାନଙ୍କର ପ୍ରଶଂସା କରୁଛନ୍ତି । ବର୍ତ୍ତମାନ ଏହି ତାଲିକାରେ ଦକ୍ଷିଣ ଅଭିନେତ୍ରୀ କୀର୍ତ୍ତି ସୁରେଶଙ୍କ ନାମ ମଧ୍ୟ ଯୋଡି ହୋଇଛି । ଅଭିନେତ୍ରୀ ଏହି ଭିଡିଓକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ଯେଉଁଥିରେ ସେ ଜବାନଙ୍କ ଗୀତରେ ନାଚୁଛନ୍ତି ।
ଜବାନଙ୍କ ଗୀତରେ ନାଚିଲେ କୀର୍ତ୍ତି ସୁରେଶ
ଅଭିନେତ୍ରୀ କୀର୍ତ୍ତି ସୁରେଶ ତାଙ୍କ ଇନଷ୍ଟାଗ୍ରାମରେ ଏହି ଭିଡିଓ ସେୟାର କରିଛନ୍ତି । ଏହି ଭିଡିଓରେ ଦେଖିବାକୁ ମିଳିଛି ଯେ, ଅଭିନେତ୍ରୀ ନିର୍ଦ୍ଦେଶକ ଅଟଲିଙ୍କ ପତ୍ନୀ ପ୍ରିୟାଙ୍କ ସହ ତାଙ୍କ ଘରେ ଜବାନ ଗୀତ 'ଚଲେୟା ତେରୀ ଔର'ରେ ଡ୍ୟାନ୍ସ କରିଛନ୍ତି । ଏହି ଗୀତରେ ଉଭୟ ନୟନତାରା ଏବଂ ଶାହରୁଖ ଖାନଙ୍କ ହୁକ୍ ଷ୍ଟେପ୍ କରୁଥିବା ନଜର ଆସିଛନ୍ତି ।
ଭିଡିଓରେ ଅଟଲିଙ୍କୁ ମଧ୍ୟ ଦେଖିବାକୁ ମିଳିଛି । ସେ ତାଙ୍କ କୁକୁର ଧରି ଘରେ ଭିତରେ ବୁଲୁଥିବାର ଦେଖିବାକୁ ମିଳିଛି । ଏହି ସମୟରେ ଅଭିନେତ୍ରୀ ନୀଳ ରଙ୍ଗର ଲମ୍ବା ସାର୍ଟ ଏବଂ ନୀଳ ଜିନ୍ସ ପିନ୍ଧି କେଶକୁ ଖୋଲା ରଖିଛନ୍ତି । ଅଭିନେତ୍ରୀ ଭିଡିଓର କ୍ୟାପସନରେ ଲେଖିଛନ୍ତି - କେବଳ ମନୋରଞ୍ଜନ ପାଇଁ ... ଶେଷ ପର୍ଯ୍ୟନ୍ତ ନିଶ୍ଚୟ ଦେଖନ୍ତୁ । (କେବେ କେବେ ମୁଁ ବହୁତ ଅଧିକା ଉତ୍ସାହିତ ହୋଇଯାଏ)