ହାଇଦ୍ରାବାଦ:ସିଦ୍ଧାର୍ଥ ମାଲହୋତ୍ରା ଆଜିକାଲି ଚର୍ଚ୍ଚାରେ ଅଛନ୍ତି । ପ୍ରଥମେ ସେ ରୋହିତ ଶେଟ୍ଟୀଙ୍କ ୱେବ୍ ସିରିଜ୍ 'ଇଣ୍ଡିଆନ୍ ପୋଲିସ୍ ଫୋର୍ସ' ସହିତ ଡିଜିଟାଲ୍ ଡେବ୍ୟୁ କରୁଛନ୍ତି । ଏଥିରେ ସେ ଜଣେ ପୋଲିସ ଅଧିକାରୀ ଭୂମିକାରେ ଅଭିନୟ କରୁଛନ୍ତି । ଦ୍ୱିତୀୟ କାରଣଟି ତାଙ୍କ ବ୍ୟକ୍ତିଗତ ଜୀବନ ସହିତ ଜଡିତ । କୁହାଯାଉଛି ଯେ ସିଦ୍ଧାର୍ଥ ଏବଂ କିଆରା ଆଡଭାନୀଙ୍କ ବ୍ରେକଅପ୍ (Sidharth Malhotra Kiara Advani Breakup) ହୋଇଛି । ଦୁହେଁ ଦୀର୍ଘ ସମୟ ଧରି ପରସ୍ପରକୁ ଡେଟ କରୁଥିଲେ । ଅନେକ ଘଟଣାରେ କିଆରା ମଧ୍ୟ ଏହା ସୂଚିତ କରିଛନ୍ତି । ବର୍ତ୍ତମାନ ସିଦ୍ଧାର୍ଥଙ୍କ ଏକ ଭିଡିଓ ସାମ୍ନାକୁ ଆସିଛି । ଏହି ଭିଡିଓରେ ସେ ଅଭିନେତ୍ରୀ ତ୍ରିନା ସାହାଙ୍କ ସହ ରୋମାନ୍ସ କରୁଥିବା ନଜର ଆସିଛନ୍ତି।
ଟିଭିର ଲୋକପ୍ରିୟ ତଥା ବଙ୍ଗୀୟ ଅଭିନେତ୍ରୀ ତ୍ରିନା ସାହା (Trina Saha Video)ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ସେ ସିଦ୍ଧାର୍ଥ ମଲହୋତ୍ରାଙ୍କ ସହ ଏକ ରୋମାଣ୍ଟିକ୍ ଗୀତ 'ଇଶ୍କ୍ ୱାଲା ଲଭ୍' ରେ ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ତ୍ରିନା ଏହାକୁ ଏକ ଇନଷ୍ଟା ରିଲ୍ ଭାବରେ ସେୟାର କରିଛନ୍ତି ।