ମୁମ୍ବାଇ:ଆଉ ମାତ୍ର କିଛିଦିନର ଅପେକ୍ଷା । ହାତକୁ ଦି ହାତ ହେବେ ବଲିଉଡର ଚର୍ଚ୍ଚିତ ଯୋଡି ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀ । ଉଭୟଙ୍କ ବିବାହ ନେଇ ସୋସିଆଲ ମିଡିଆରେ ଗୁଜବ ଉଠିଥିବା ବେଳେ ଏବେ ଏହା ସତ ହେବାକୁ ଯାଉଛି । ଆସନ୍ତା 6 ତାରିଖରେ ସିଦ୍ଧାର୍ଥ ଓ କିଆରାଙ୍କ ବିବାହ ହେବା ନେଇ ତାରିଖ ସ୍ଥିର ହୋଇଛି । ଏନେଇ ବିବାହର ସମସ୍ତ ପ୍ରସ୍ତୁତି ଆରମ୍ଭ ରାଜସ୍ଥାନର ଜୈସଲମିରରେ ଆରମ୍ଭ ହୋଇଥିବା ବିଶେଷ ସୁତ୍ରରୁ ସୂଚନା ମିଳିଛି । କିନ୍ତୁ ଉଭୟଙ୍କ ପକ୍ଷରୁ ବିବାହ ନେଇ କୌଣସି ସୂଚନା ଦିଆଯାଇ ନାହିଁ ।
ଆସନ୍ତା 4 ଓ 5 ତାରିଖ ଦିନ ହଳଦୀ ରସମ ଓ ସଙ୍ଗୀତ କାର୍ଯ୍ୟକ୍ରମ ସୂର୍ଯ୍ୟଗଡ ମହଲରେ ଆରମ୍ଭ ହୋଇଯିବ । ଏକ ରିପୋର୍ଟରେ କୁହାଯାଇଛି ଯେ, ବିବାହରେ ସାହିଦ କପୁର, ମୀରା କପୁର, କରନ ଜୋହର ଏବଂ ବରୁଣ ଧୱନଙ୍କ ପରି ବହୁ ସେଲିବ୍ରିଟି ଏବଂ ପରିବାର ସଦସ୍ୟ ଯୋଗଦେବାର ମଧ୍ୟ ସୂଚନା ମିଳିଛି ବର୍ତ୍ତମାନ ସିଦ୍ଧାର୍ଥ କିଆରଙ୍କ ତରଫରୁ ବିବାହକୁ ନେଇ ସୂଚନାକୁ ଅପେକ୍ଷା କରାଯାଇଛି ।
ସୂର୍ଯ୍ୟଗଡ ପ୍ୟାଲେସରେ କିଆରା ଓ ସିଦ୍ଧାର୍ଥଙ୍କ ପଡିବ ହାତଗଣ୍ଠି:ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀଙ୍କ ବିବାହ ରାଜସ୍ଥାନର ଜୈସଲମିର ସୂର୍ଯ୍ୟଗର ମହଲରେ ଅନୁଷ୍ଠିତ ହେବ । ଏହି ବିଳାସପୂର୍ଣ୍ଣ ହୋଟେଲ ଦେଖିବାକୁ ବହୁତ ଆକର୍ଷଣୀୟ । ଏଠାକାର କାରୁକାର୍ଯ୍ୟ ମଧ୍ୟ ମନଲୋଭା । ଏପରି ଏକ ସୁନ୍ଦର ବିଳାସପୂର୍ଣ୍ଣ ସ୍ଥାନରେ ଉଭୟଙ୍କ ପଡିବ ହାତଗଣ୍ଠି । ବଲିଉଡର ବହୁ ନାମୀଦାମୀ କଳାକାର ଓ ପରିବାରର ସଦସ୍ୟଙ୍କ ଉପସ୍ଥିତିରେ ବିବାହ ହୋବା ନେଇ ସୂଚନା ରହିଛି ।