ମୁମ୍ବାଇ:ମଙ୍ଗଳବାର ଅର୍ଥାତ୍ ଗତକାଲି ସଲମାନ ଖାନଙ୍କ ଭଉଣୀ ଅର୍ପିତା ଏବଂ ଆୟୁଷ ଶର୍ମା ସେମାନଙ୍କ ଘରେ ଏକ ଇଦ୍ ପାର୍ଟିର ଆଯୋଜନ କରିଥିଲେ । ଏହି ପାର୍ଟିରେ ଦୀପିକା ପାଦୁକୋନ, ରଣଭୀର ସିଂ, କରଣ ଜୋହର, କଙ୍ଗନା ରଣାୱତ ଭଳି ବଲିଉଡ ଇଣ୍ଡଷ୍ଟ୍ରିର ଅନେକ ସେଲିବ୍ରିଟି ଏକାଠି ହୋଇଥିଲେ । କିନ୍ତୁ ଏମାନଙ୍କ ମଧ୍ୟରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ କିଆରା ଏବଂ ସିଦ୍ଧାର୍ଥ । କିଛି ଦିନ ହେବ ଦୁହିଁଙ୍କ ବ୍ରେକଅପ୍ ଖବର ଚର୍ଚ୍ଚାରେ ରହିଥିବା ବେଳେ ଇଦ୍ ପାର୍ଟିରେ ଦୁହିଁଙ୍କୁ ପୁଣି ଥରେ ଏକାଠି ଦେଖିବାକୁ ମିଳିଛି । କେବଳ ସେତିକି ନୁହେଁ, ଦୁହେଁ ବ୍ରେକଅପ ଗୁଜବ ଉପରେ ମଧ୍ୟ ପୂର୍ଣ୍ଣଛେଦ ଲଗାଇଛନ୍ତି ।
ଫିଲ୍ମ ‘ଶେରଶାହା’ ରିଲିଜ୍ ହେବା ପରେ ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀଙ୍କ ଯୋଡି ଖୁବ୍ ଚର୍ଚ୍ଚାକୁ ଆସିଥିଲା । ଏହି ସମୟରେ ସୋସିଆଲ ମିଡିଆରେ ଦୁହିଁଙ୍କ ସମ୍ପର୍କ ବିଷୟରେ ଖବର ମଧ୍ୟ ଆସିବାକୁ ଲାଗିଲା । କିନ୍ତୁ ଯେତେବେଳେ ପ୍ରଶଂସକମାନେ ଉଭୟଙ୍କ ବିବାହ ବିଷୟରେ ଚିନ୍ତା କରୁଥିଲେ, ସେତେବେଳେ ସେମାନଙ୍କ ବ୍ରେକ୍ଅପ୍ ଖବର ସାମ୍ନାକୁ ଆସିଥିଲା । ଯାହାକୁ ଶୁଣିବା ପରେ ଫ୍ୟାନ୍ସମାନେ ଚକିତ ହୋଇଯାଇଥିଲେ । କୁହାଯାଉଥିଲା କି ଏହି ଲଭବାର୍ଡ ବର୍ତ୍ତମାନ ଅଲଗା ହୋଇଯାଇଛନ୍ତି । କିନ୍ତୁ ବ୍ରେକଅପ୍ ଖବର ମଧ୍ୟରେ ସିଦ୍ଧାର୍ଥ ଏବଂ କିଆରା ପୁଣି ଏକାଠି ନଜର ଆସିଛନ୍ତି ।