ହାଇଦ୍ରାବାଦ:ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ଅନ୍ୟତମ ଲୋକପ୍ରିୟ ସୋ 'କଫି ଓ୍ବିଥ୍ କରଣ -7'ର ଅନ୍ୟ ଏକ ଏପିସୋଡର ପ୍ରୋମୋ ସାମ୍ନାକୁ ଆସିଛି । ଏହି ଏପିସୋଡରେ ବିକି କୌଶଲ ଏବଂ ସିଦ୍ଧାର୍ଥ ମଲହୋତ୍ରା ନଜର ଆସିବେ। ଏହି ସୋ'ରେ ବିକି ଏବଂ ସିଦ୍ଧାର୍ଥ ବ୍ୟକ୍ତିଗତ ଜୀବନ ବିଷୟରେ ଖୁଲାସା କରିବେ । ଉଲ୍ଲେଖନୀୟ ଯେ, ସିଦ୍ଧାର୍ଥ ଏବଂ କିଆରାଙ୍କ ଯୋଡି ପ୍ରଶଂସକଙ୍କ ପ୍ରିୟ ଯୋଡି ମଧ୍ୟରେ ଗଣାଯାଏ । ଏମାନଙ୍କ ଡେଟିଂକୁ ନେଇ କ୍ରମାଗତ ଭାବେ ଖବର ଆସୁଛି । କିଛିଦିନ ତଳେ ବ୍ରେକ୍ ଅପ୍ ପରେ ପୁଣିଥରେ ପ୍ୟାଚ୍ ଅପ୍ ଖବର ଶୁଣିବାକୁ ମିଳିଥିଲା । ଏବେ ପୁଣିଥରେ ତାଙ୍କର ସଂପର୍କକୁ ନେଇ ଚର୍ଚ୍ଚା ହେଉଛି । ଗଣମାଧ୍ୟମର ରିପୋର୍ଟ ଅନୁଯାୟୀ, ସିଦ୍ଧାର୍ଥ-କିଆରା ବର୍ତ୍ତମାନ ସେମାନଙ୍କ ଭଲପାଇବାରେ ମୋହର ଲଗାଇଛନ୍ତି । ଆଉ ଏସବୁ ହୋଇଛି କରଣଙ୍କ 'କଫି ଓ୍ବିଥ୍ କରଣ’ ସୋ'ରେ ।
କରଣଙ୍କ ସୋ’ରେ ସିଦ୍ଧାର୍ଥଙ୍କୁ କିଆରାଙ୍କ ଏକ ଭିଡିଓ ଦେଖାଇଥିଲେ । ଏହି ଭିଡିଓ କରଣଙ୍କ ପରବର୍ତ୍ତୀ ଏପିସୋଡରୁ ଆସିଛି, ଯେଉଁଥିରେ ସେ ସାହିଦ କପୁରଙ୍କ ସହ ସୋ’ରେ ନଜର ଆସିବେ । ଏହି ଭିଡିଓରେ କରଣ କିଆରାଙ୍କୁ ପଚାରିଛନ୍ତି ଯେ, ସିଦ୍ଧାର୍ଥଙ୍କ ସହ ତାଙ୍କର ସମ୍ପର୍କ ‘କବୀର ସିଂ’ର ହିଂସାତ୍ମକ ସମ୍ପର୍କଠାରୁ ଭିନ୍ନ କି ? ଏହାର ଜବାବ୍ରେ କିଆରା ଟିକେ ହସ ଦେଇଛନ୍ତି ଏବଂ କହିଛନ୍ତି କି, ତୁମେ ଜବରଦସ୍ତି ମୋ ପାଟିରୁ କଥା ବାହାର କରିବାକୁ ଚେଷ୍ଟା କରୁଛ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।