ହାଇଦ୍ରାବାଦ:ଯଦି ଆମେ 90 ଦଶକର ସର୍ବୋତ୍ତମ ଅଭିନେତ୍ରୀମାନଙ୍କ ବିଷୟରେ କଥା ହେବା, ତେବେ ଶିଳ୍ପା ଶେଟ୍ଟୀଙ୍କ ନାମ ଟପ୍ ଅଭିନେତ୍ରୀଙ୍କ ମଧ୍ୟରେ ସାମିଲ ହୋଇଛି । 30 ବର୍ଷର ଚଳଚ୍ଚିତ୍ର କ୍ୟାରିଅରରେ ଅଭିନେତ୍ରୀ ଏକାଧିକ ହିଟ୍ ଫିଲ୍ମ ଇଣ୍ଡଷ୍ଟ୍ରିକୁ ଦେଇଛନ୍ତି । ଯେଉଁଥିରେ ସେ ତାଙ୍କର ଦମଦାର ଅଭିନୟ ସହିତ ସମସ୍ତଙ୍କ ହୃଦୟ ଜିତିଛନ୍ତି। କେବଳ ଅଭିନୟ ନୁହଁ ବରଂ ନିଜ ଲୁକ୍ ଏବଂ ମଜାଳିଆ ଅନ୍ଦାଜ ପାଇଁ ମଧ୍ୟ ବେଶ ଲୋକପ୍ରିୟତା ସାଉଁଟିଥାନ୍ତି । ବର୍ତ୍ତମାନ ଶିଳ୍ପାଙ୍କ ଆଗାମୀ ଫିଲ୍ମ 'ସୁଖୀ' ଘୋଷଣା କରାଯାଇଥିଲା । ଏହି ଫିଲ୍ମର ପ୍ରଥମ ଲୁକ୍ ଓ ପୋଷ୍ଟର ମଧ୍ୟ ସାମ୍ନାକୁ ଆସିଛି ।
ଆଗାମୀ ଚଳଚ୍ଚିତ୍ର 'ସୁଖୀ'ରେ ନଜର ଆସିବେ ଶିଳ୍ପା ସେଟ୍ଟୀ। ଅଭିନେତ୍ରୀ ବର୍ତ୍ତମାନ ଫିଲ୍ମର ପ୍ରଥମ ଲୁକ୍ ପୋଷ୍ଟରକୁ ତାଙ୍କ ଅଫିସିଆଲ୍ ଇନଷ୍ଟାଗ୍ରାମରେ ସେୟାର କରିଛନ୍ତି। ଏହି ପୋଷ୍ଟରରେ ଶିଳ୍ପା ଘୋଡା ଚାଳକ ଭୂମିକାରେ ନଜର ଆସିଛନ୍ତି। ଅନ୍ୟପକ୍ଷରେ, ପୋଷ୍ଟରରେ ଏହା ସ୍ପଷ୍ଟ ଜଣାପଡୁଛି ଯେ ଅଭିନେତ୍ରୀ ଏକ ପରିବାର ମୁଖିଆ ଭୂମିକାରେ ଅଭିନୟ କରିବେ, ଯିଏ କ୍ରୀଡା ଏବଂ ଘରକୁ ବହୁତ ଭଲ ଭାବେ ପରିଚାଳନା କରିବେ। ଶିଳ୍ପା ଶେଟ୍ଟୀଙ୍କ ବ୍ୟତୀତ ଅଭିନେତା ଅମିତ ସାଧ ଏବଂ କୁଶା କପିଲା ମଧ୍ୟ ସୁଖୀଙ୍କ ଏହି ପ୍ରଥମ ଲୁକ୍ ପୋଷ୍ଟରରେ ନଜର ଆସିଛନ୍ତି। ଏହି ପ୍ରଥମ ଲୁକ୍ ପୋଷ୍ଟର ସହିତ ଅଭିନେତ୍ରୀ ଏହାର ରିଲିଜ୍ ତାରିଖ ମଧ୍ୟ ଘୋଷଣା କରିଛନ୍ତି । ଏହି ପୋଷ୍ଟର ସହ କ୍ୟାପ୍ସନରେ ଶିଳ୍ପା ଲେଖିଛନ୍ତି, "ଏହି କାହାଣୀ ମୋର, ଆପଣଙ୍କର, ଆମ ସମସ୍ତଙ୍କର, ମିଶନ୍ତୁ ଆପଣଙ୍କ ପରି ସୁଖପ୍ରୀତ କାଲରା ଓରଫ ଖୁସିଙ୍କୁ ଏବଂ ଆସନ୍ତୁ ମୋ ଦୁନିଆରେ, 22 ସେପ୍ଟେମ୍ବର ସିନେମା ଘରେ ।"