ରୋହିତ ଶେଟ୍ଟୀଙ୍କ କପ୍‌ ୟୁନିଭର୍ସରେ ଶିଳ୍ପାଙ୍କ ଏଣ୍ଟ୍ରି, ସାମ୍ନାକୁ ଆସିଲା ଜବରଦସ୍ତ ଲୁକ୍‌

ପ୍ରଥମ ମହିଳା ପୋଲିସ୍ ଅଧିକାରୀଙ୍କ ଏଣ୍ଟ୍ରି ରୋହିତ ଶେଟ୍ଟୀଙ୍କ କପ ୟୁନିଭର୍ସରେ ହେବାକୁ ଯାଉଛି । ହଁ, ଶିଳ୍ପା ଶେଟ୍ଟୀଙ୍କୁ ତାଙ୍କ ୱେବ୍ ସିରିଜରେ ଆକ୍ସନ୍ କରୁଥିବା ଦେଖିବାକୁ ମିଳିବ । ଅଧିକ ପଢନ୍ତୁ

ହାଇଦ୍ରାବାଦ:ରୋହିତ ଶେଟ୍ଟୀ ବର୍ତ୍ତମାନ OTT ପ୍ଲାଟଫର୍ମରେ ଡେବ୍ୟୁ କରିବାକୁ ଯାଉଛନ୍ତି । ବର୍ତ୍ତମାନ ପର୍ଯ୍ୟନ୍ତ ତାଙ୍କର କପ ୟୁନିଭର୍ସଙ୍କ ଫିଲ୍ମ ଅର୍ଥାତ 'ସିଘଂମ୍', 'ସିମ୍ବା' ଏବଂ 'ସୂର୍ଯ୍ୟବଂଶୀ' ସିଲଭର ସ୍କ୍ରିନରେ ମୁକ୍ତିଲାଭ କରିଛି, କିନ୍ତୁ ବର୍ତ୍ତମାନ ଏହି ଆକ୍ସନ ଛୋଟ ପରଦାରେ ଦେଖିବାକୁ ମିଳିବ। ଏହାପୂର୍ବରୁ ସିଦ୍ଧାର୍ଥ ମଲହୋତ୍ରାଙ୍କ ପୋଲିସ ଅଫିସର ଅବତାରର ଝଲକ ଦେଖିବାକୁ ମିଳିଥିଲା ଏବଂ ବର୍ତ୍ତମାନ ଶିଳ୍ପା ଶେଟ୍ଟୀଙ୍କ ଫଟୋ ମଧ୍ୟ ସାମ୍ନାକୁ ଆସିଛି । ବର୍ତ୍ତମାନ ସେ ମଧ୍ୟ ରୋହିତଙ୍କ ଏହି ପ୍ରୋଜେକ୍ଟର ଏକ ପ୍ରମୁଖ ଅଂଶ ଅଟନ୍ତି ।

ଶିଳ୍ପା ଶେଟ୍ଟୀ, ରୋହିତ ଶେଟ୍ଟୀଙ୍କ ଭାରତୀୟ ପୋଲିସ ଫୋର୍ସ ସହିତ ତାଙ୍କର OTT ଡେବ୍ୟୁ କରିବାକୁ ପ୍ରସ୍ତୁତ ଅଛନ୍ତି । ରୋହିତଙ୍କ କପ ୟୁନିଭର୍ସରେ ଶିଳ୍ପା ପ୍ରଥମ ମହିଳା ପୋଲିସ ଅଧିକାରୀ ହେବେ। ସୋସିଆଲ ମିଡିଆରେ ତାଙ୍କ ଲୁକ୍ ସେୟାର୍ କରିବାବେଳେ ଅଭିନେତ୍ରୀ ସବିଶେଷ ତଥ୍ୟ ସେୟାର କରିଥିଲେ । ସେ ଲେଖିଛନ୍ତି, 'ପ୍ରଥମ ଥର ପାଇଁ OTT ପ୍ଲାଟଫର୍ମରେ ନିଆଁ ଲଗାଇବାକୁ ପ୍ରସ୍ତୁତ, ଦ ଆକ୍ସନ କିଙ୍ଗ ରୋହିତ ଶେଟ୍ଟୀଙ୍କ କପ ୟୁନିଭର୍ସରେ ଯୋଗଦେବା ପାଇଁ ସୁପର ଥ୍ରିଲ !

ପୋଲିସ୍ ୟୁନିଫର୍ମରେ ଜିତିଲେ ହୃଦୟ

ହାତରେ ବନ୍ଧୁକ, ଆଖିରେ କଳା ଚଷମା ଏବଂ ପୋଲିସ୍ ୟୁନିଫର୍ମରେ ଶିଳ୍ପାଙ୍କ ଏହି ଲୁକ୍ ପ୍ରଶଂସକଙ୍କୁ ପାଗଳ କରିଦେଇଛି । ଏହି ସମୟରେ, ତାଙ୍କ ପାଖରେ ଅନେକ ପ୍ରକଳ୍ପ ଅଛି । ତାଙ୍କୁ 'ନିକମ୍ମା'ରେ ମଧ୍ୟ ଦେଖିବାକୁ ମିଳିବ।

ଶିଳ୍ପା ଆଜିକାଲି ଚାଟ୍ ସୋ’ରେ ମଧ୍ୟ ନଜର ଆସିଛନ୍ତି, ଯେଉଁଠାରେ ସେ ସେହନାଜ୍ ଗିଲଙ୍କ ଠାରୁ ସିଙ୍ଗର ବାଦଶାହଙ୍କ ସାକ୍ଷାତକାର ନେଇଥିଲେ । ନିକଟରେ ସେ ଭଉଣୀ ଶମିତା ଶେଟ୍ଟୀଙ୍କ ସାକ୍ଷାତକାର ନେଇଥିଲେ, ଯେଉଁଠାରେ ଉଭୟ-ଭଉଣୀ ଖୁବ୍‌ ମସ୍ତି କରିଥିଲେ ।