ହାଇଦ୍ରାବାଦ: ପୁଣି ଚର୍ଚ୍ଚାକୁ ଆସିଛନ୍ତି ସେହନାଜ ଗିଲ । ସିଦ୍ଧାର୍ଥଙ୍କ ଦେହାନ୍ତ ପରେ ଏକଦମ ଚୁପ୍ ହୋଇଯାଇଥିବା ସେହନାଜ ଏବେ ପୁଣି ଥରେ ସାଧାରଣ ଜୀବନ ଜୀଇଁବାକୁ ଚେଷ୍ଟା କରୁଛନ୍ତି । ନିଜେ ନିଜକୁ ହସାଇବା ସହିତ ଲୋକଙ୍କୁ ମଧ୍ୟ ହସାଉଛନ୍ତି ସେହନାଜ । ଇଣ୍ଡଷ୍ଟ୍ରି ତଥା ସେଲିବ୍ରିଟିଙ୍କଠୁ ଦୂରେଇ ଯାଇ ପଞ୍ଜାବର ପାଦଦେଶରେ ଜଣେ ସାଧାରଣ ଝିଅ ପରି ଉପଭୋଗ କରୁଛନ୍ତି ସେହନାଜ । ନିକଟରେ ସେହନାଜ ତାଙ୍କ ୟୁଟ୍ୟୁବରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ଆଇସକ୍ରିମ ସାଇକେଲ ଚଳାଉଛନ୍ତି ।
କେବଳ ସାଇକେଲ ଚଳାଉନାହାନ୍ତି ବରଂ ଆଇସ୍କ୍ରିମ୍ ବିକ୍ରି କରିବା ସହିତ ଗିଦା କରୁଛନ୍ତି ଏବଂ ପିଲାଙ୍କ ସହ ସେଲଫି ନେଉଛନ୍ତି । ଏହି ଭିଡିଓରେ ସେହାନାଜ ଗିଲ ପଞ୍ଜାବ ସ୍ଥିତ ନିଜ ଗାଁ ଏବଂ ଘରେ ବହୁତ ମଜା କରୁଥିବା ଦେଖିବାକୁ ମିଳିଛି । ଏହି ଭିଡିଓର ଦେଖିବାକୁ ମିଳିଛି, ସେ ଏକ ଆଇସ୍କ୍ରିମ୍ ସାଇକେଲ ଚଳାଇ ପିଲାମାନଙ୍କୁ ଆଇସ୍କ୍ରିମ୍ ଦେଉଛନ୍ତି। ସମସ୍ତଙ୍କ ସହିତ ସେଲଫି ନେଇଛନ୍ତି । ଗାଁର ମହିଳାଙ୍କ ସହିତ ଗିଦା ମଧ୍ୟ କରିଛନ୍ତି ।