ସର୍ଜରୀ ପରେ ଭାରତ ଫେରିଲେ କିଙ୍ଗଖାନ, ମୁମ୍ବାଇ ବିମାନବନ୍ଦରରେ ଆସିଲେ ନଜର ମୁମ୍ବାଇ:ଆମେରିକାରୁ ଭାରତ ଫେରିଛନ୍ତି ବଲିଉଡ କିଙ୍ଗଖାନ ଶାହାରୁଖ ଖାନ । ମୁମ୍ବାଇ ବିମାନ ବନ୍ଦରରେ ନଜର ଆସିଲେ କିଙ୍ଗଖାନ । ଶାହାରୁଖଙ୍କ ସହ ତାଙ୍କ ପତ୍ନୀ ଗୌରୀ ଖାନ ଏବଂ ପୁଅ ଅବରାମ ଖାନ ମଧ୍ୟ ଆମେରିକାରୁ ଫେରିଛନ୍ତି । ତେବେ ଏୟାରପୋର୍ଟରୁ ତାଙ୍କ ଭିଡିଓ ଏବଂ ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ଏହି ସମୟରେ ଶାହାରୁଖ ଖାନ ବ୍ଲୁ' ହୁଡି ଏବଂ ମୁଣ୍ଡରେ କ୍ୟାପ ପିନ୍ଧିଥିବାର ନଜର ଆସିଥିଲେ, କିନ୍ତୁ ଶାହାରୁଖ ଖାନ୍ଙ୍କ ନାକରେ କୌଣସି ବ୍ୟାଣ୍ଡେଜ ଲାଗିଥିବା ଦେଖାଯାଇନଥିଲା। ଯେତେବେଳେ ପ୍ୟାପ୍ସ ଶାହାରୁଖଙ୍କୁ ତାଙ୍କ ଆଘାତ ବିଷୟରେ ପଚାରିଥିଲେ, ଶାହାରୁଖ ଖାନ କୌଣସି ପ୍ରତିକ୍ରିୟା ନଦେଇ ସେଠାରୁ ପଲାଇଥିଲେ । ଅନ୍ୟପକ୍ଷରେ ମୁମ୍ବାଇ ବିମାନବନ୍ଦରରେ ଶାହାରୁଖ ଖାନଙ୍କ ପତ୍ନୀ ଗୌରୀ ଖାନ ଏବଂ ସାନ ପୁଅ ଅବରାମ ଖାନଙ୍କୁ ମଧ୍ୟ ଦେଖିବାକୁ ମିଳିଛି । ଏଠାରେ ଗୌରୀ ଖାନଙ୍କୁ ମଧ୍ୟ ବ୍ଲୁ ଆଉଟଫିଟ୍ରେ ଦେଖିବାକୁ ମିଳିଥିଲା ଏବଂ ଅବରାମ ଖାନ ମଧ୍ୟ ବ୍ଲୁ ପ୍ୟାଣ୍ଟ, ହ୍ବାଇଟ ସାର୍ଟ ଏବଂ ବ୍ଲାକ୍ ଜ୍ୟାକଟରେ ନଜର ଆସିଥିଲେ ।
ସୂଚନା ଥାଉ କି, ଶାହାରୁଖ ଲସ୍ ଏଞ୍ଜେଲସରେ ସୁଟିଂ ସମୟରେ ଆହତ ହୋଇଥିଲେ । ଏହି ସମୟରେ ତାଙ୍କ ନାକରେ ଗଭୀର ଆଘାତ ହୋଇଥିଲା । ଏବଂ ନାକରୁ ରକ୍ତସ୍ରାବ ବନ୍ଦ ହେଉନଥିଲା। ଫଳରେ ତାଙ୍କର ତୁରନ୍ତ ଚିକିତ୍ସା କରାଯାଇ ନାକର ସର୍ଜରୀ କରାଯାଇଥିଲା । ସର୍ଜରୀ ପରେ ବର୍ତ୍ତମାନ ସେ ନିଜ ଘରକୁ ଫେରିଥିବା ଜଣାପଡିଛି । ମୁମ୍ବାଇ ଏୟାରପୋର୍ଟରୁ ଶାହାରୁଖଙ୍କ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଶାହାରୁଖ ଖାନଙ୍କ ଅନେକ ପ୍ରଶଂସକ ଏହି ଭିଡିଓକୁ ଲାଇକ କରିବା ସହ ଲାଲ ହାର୍ଟ ଇମୋଜି ସେୟାର କରିଛନ୍ତି ।
ଶାହାରୁଖଙ୍କ ୱାର୍କପ୍ରଣ୍ଟ୍ କଥା କହିବାକୁ ଗଲେ, ଚଳିତ ବର୍ଷ ଜାନୁଆରୀରେ ରିଲିଜ କରିଥିବା ସିଦ୍ଧାର୍ଥ ଆନନ୍ଦଙ୍କ ଆକ୍ସନ୍-ଥ୍ରୀଲର ପଠାନଙ୍କ ସହ ଶାହାରୁଖ 4 ବର୍ଷର ବ୍ୟବଧାନ ପରେ ବଡ଼ ପରଦାକୁ ଫେରିଥିଲେ । ଏହି ଫିଲ୍ମ 100କୋଟିରୁ ଆଧିକ ଆୟ କରି ସଫଳତା ହାସଲ କରିଥିଲା । ତେବେ ପୁଣି ତାଙ୍କୁ ଖୁବଶୀଘ୍ର ଯବାନ ଏବଂ ଡଙ୍କିରେ ଦେଖିବାକୁ ମିଳିବ। ନିର୍ଦ୍ଦେଶକ ଅଟଲିଙ୍କ ନିର୍ଦ୍ଦଶିତ ଫିଲ୍ମ ଯବାନ ସେପ୍ଟେମ୍ବର 7ରେ ରିଲିଜ ହେବ । ଏହି ଫିଲ୍ମରେ ସାଉଥ ଅଭିନେତା ବିଜୟ ସେଥୁପତି ଏବଂ ଅଭିନେତ୍ରୀ ନୟନତାରା ତାଙ୍କ ବିପକ୍ଷରେ ନଜର ଆସିବେ ।
ସେହିପରି ଶାହାରୁଖ ସଲମାନ ଖାନଙ୍କ ଟାଇଗର-3ରେ ମଧ୍ୟ ନଜର ଆସିବେ। ଏହି ଫିଲ୍ମରେ ଶାହାରୁଖ ଏକ କେମିଓ ରୋଲରେ ପଠାନର ଦମଦାର ଲୁକ୍ରେ ନଜର ଆସିବେ । ଏହାପରେ ସେ ରାଜକୁମାର ହିରାନୀଙ୍କ ଡଙ୍କିରେ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମରେ ଶାହାରୁଖ ତାପ୍ସୀ ପନ୍ନୁଙ୍କ ସହ ପ୍ରଥମ ଥର ପାଇଁ ସ୍କ୍ରିନ୍ ସେୟାର କରିବେ । ଡିସେମ୍ବର 2023ରେ ଏହା ରିଲିଜ୍ ହେବ ।
