ହାଇଦ୍ରାବାଦ: ଆଜି ଦେଶ ପାଳୁଛି 76ତମ ସ୍ବାଧୀନତା ଦିବସ । ପ୍ରତ୍ୟେକ ବର୍ଷ ସ୍ବାଧୀନତା ଦିବସ ବଡ ଧୁମଧାମରେ ପାଳନ ହେଉଥିବା ବେଳେ ଏଥର କିନ୍ତୁ ସ୍ବତନ୍ତ୍ର ଭାବେ ପାଳନ କରୁଛି ଦେଶ । ଏହି ଅବସରରେ ସାରା ଦେଶରେ ‘ହର ଘର ତିରଙ୍ଗା' ଅଭିଯାନ ଚାଲିଛି । ଜାତୀୟତା ଓ ରାଷ୍ଟ୍ରବାଦକୁ ନେଇ ସର୍ବଦା ବିବାଦରେ ଥିବା ବଲିଉଡ କଳାକାର ଶାହାରୁଖ ଖାନଙ୍କର ଏକ ବିରଳ ଫଟୋ ସାମ୍ନାକୁ ଆସିଛି ।
Independence Day 2022, ପରିବାର ସହ ମନ୍ନତରେ ଜାତୀୟ ପତାକା ଉଡାଇଲେ ଶାହାରୁଖ
ଦେଶ ଆଜି 76 ତମ ସ୍ୱାଧୀନତା ଦିବସ ପାଳନ କରୁଥିବା ଅବସରରେ ଶାହାରୁଖ ବି ଜାତୀୟ ପତାକା ଉଡାଇଛନ୍ତି । ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅଧିକ ପଢନ୍ତୁ
ପରିବାର ସହ ମନ୍ନତରେ ଜାତୀୟ ପତାକା ଉଡାଇଲେ ଶାହାରୁଖ
ଶାହାରୁଖ ତାଙ୍କ ବାସଭବନ 'ମନ୍ନତ'ର ଛାତରେ ସ୍ତ୍ରୀ ଗୌରୀ ଖାନ ଏବଂ ଦୁଇ ପୁଅ ଆର୍ଯ୍ୟନ ଓ ଆବରମଙ୍କ ସହ ଜାତୀୟ ପତାକା ଉଡାଉଥିବାର ଦେଖିବାକୁ ମିଳିଛି । ପତ୍ନୀ ଗୌରୀ ଖାନ ମଧ୍ୟ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ପୋଷ୍ଟ କରିଛନ୍ତି, ଯେଉଁଥିରେ ସପରିବାର ଠିଆ ହୋଇଛନ୍ତି । ଏହାସହ ସେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ହେଲେ ଗୌରୀ ପୋଷ୍ଟ କରିଥିବା ଫଟୋରେ ଝିଅ ସୁହାନା ଖାନ ନଥିବାର ଦେଖିବାକୁ ମିଳିଛି ।
ଏହି ଫଟୋ ଏବଂ ଭିଡିଓରେ ଶାହରୁଖ, ଗୌରୀ, ପୁଅ ଆର୍ଯ୍ୟନ୍ ଏବଂ ଆବରାମ ସମସ୍ତେ ଧଳା ପୋଷାକରେ ନଜର ଆସିଛନ୍ତି । ଶାହାରୁଖ, ଆର୍ଯ୍ୟନ୍ ଏବଂ ଅବରାମ ଧଳା ଟି-ସାର୍ଟ ପିନ୍ଧିଛନ୍ତି । ଏଥିସହିତ ଗୌରୀ ଖାନଙ୍କୁ ଧଳା ବ୍ଲେଜର ଏବଂ ଜିନ୍ସରେ ଦେଖିବାକୁ ମିଳିଛି । ଶାହାରୁଖ ଖାନ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।