ମୁମ୍ବାଇ:ବଲିଉଡ ଲୋକପ୍ରିୟ ଅଭିନେତା ସାହିଦ କପୁର ଏବଂ ଅଭିନେତ୍ରୀ କ୍ରିତି ସାନନ ଖୁବ ଶୀଘ୍ର ଏକ ରୋମାଣ୍ଟିକ-ଡ୍ରାମା ଫିଲ୍ମରେ ନଜର ଆସିବେ । ସାହିଦ କପୁର ଏବଂ କ୍ରିତି ସାନନ ପ୍ରଥମ ଥର ପାଇଁ ଏକାଠି ସ୍କ୍ରିନ ସେୟାର କରିବାକୁ ଯାଉଛନ୍ତି । ଏହି ଚଳଚ୍ଚିତ୍ରର ନାମ ଏ ପର୍ଯ୍ୟନ୍ତ ଚୂଡାନ୍ତ ହୋଇନାହିଁ, କିନ୍ତୁ ବର୍ତ୍ତମାନ ଏହି ଫିଲ୍ମର ନାଁ 'ଆନ ଇମପୋସିବଲ ଲଭଷ୍ଟୋରୀ' ରହିଛି। ତେବେ ବର୍ତ୍ତମାନ ଫିଲ୍ମର ରିଲିଜ୍ ତାରିଖ ସାମ୍ନାକୁ ଆସିଛି। ଡିସେମ୍ବର 7ରେ ରିଲିଜ ହେବ ଫିଲ୍ମ। ସୋସିଆଲ ମିଡିଆରେ ପୋଷ୍ଟ ସେୟାର କରି ନିର୍ମାତା ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି।
ଇନଷ୍ଟାଗ୍ରାମରେ ପ୍ରଡକ୍ସନ୍ ହାଉସ୍ ମ୍ୟାଡକ୍ ଫିଲ୍ମସ୍ ଫିଲ୍ମର ଏକ ପୋଷ୍ଟର ସେୟାର୍ କରି ରିଲିଜ ତାରିଖ ଘୋଷଣା କରିଛନ୍ତି। ସେ ଲେଖିଛନ୍ତି, 'ଆନ ଇମପୋସିବଲ ଲଭଷ୍ଟୋରୀ' ପାଇଁ ଆପଣଙ୍କର କ୍ୟାଲେଣ୍ଡର ଗୁଡିକ ମାର୍କ କରନ୍ତୁ । ଯାହା 7 ଡିସେମ୍ବର 2023ରେ ରିଲିଜ ହେବ । ପ୍ରଥମ ଥର ପାଇଁ ସାହିଦ କପୁର ଏବଂ କ୍ରିତି ସାନନଙ୍କୁ ଏକାଠି ଦେଖିବେ । ସୂଚନା ଥାଉକି, ପୂର୍ବରୁ ଏହି ଫିଲ୍ମଟି ଅକ୍ଟୋବର 2023ରେ ପ୍ରେକ୍ଷାଳୟରେ ରିଲିଜ କରିବାକୁ ସ୍ଥିର ହୋଇଥିଲା ।
'ଆନ ଇମପୋସିବଲ ଲଭଷ୍ଟୋରୀ' ଫିଲ୍ମର ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ଅମିତ ଯୋଶୀ । ଜିଓ ଷ୍ଟୁଡିଓ ଏବଂ ମାଡୋକା ଫିଲ୍ମସ୍ ମିଳିତ ଭାବେ ଏହି ଫିଲ୍ମ ନିର୍ମାଣ କରିଛନ୍ତି । ଏହି ଫିଲ୍ମରେ ସାହିଦ ଏବଂ କ୍ରିତିଙ୍କ ବ୍ୟତୀତ ଭେଟେରାନ୍ ଅଭିନେତା ଧର୍ମେନ୍ଦ୍ର ଏବଂ ଅଭିନେତ୍ରୀ ଡିମ୍ପଲ୍ କପାଡିଆ ପ୍ରମୁଖ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରଟି ଦୀନେଶ ଭିଜନ, ଜ୍ୟୋତି ଦେଶପାଣ୍ଡେ ଏବଂ ଲକ୍ଷ୍ମଣ ଉତ୍ତେକରଙ୍କ ଦ୍ୱାରା ପ୍ରସ୍ତୁତ କରାଯାଇଛି । ଯଦିଓ ଫିଲ୍ମର ନାମ ଏପର୍ଯ୍ୟନ୍ତ ରଖାଯାଇ ନାହିଁ । କୁହାଯାଉଛି ଯେ ଏହା ଏକ ରୋମାଣ୍ଟିକ ଡ୍ରାମା ଫିଲ୍ମ । ପ୍ରଥମ ଥର ପାଇଁ ବଡ ପରଦାରେ କ୍ରିତି ଏବଂ ସାହିଦଙ୍କ ରୋମାନ୍ସ ଦେଖିବାକୁ ମିଳିବ ।
ଅନ୍ୟପକ୍ଷରେ, ଅନୁରାଗ ବସୁଙ୍କ ନିର୍ଦ୍ଦେଶିତ ଫିଲ୍ମ 'ମେଟ୍ରୋ-ଇନ ଦିନୋ' ଡିସେମ୍ବର 8, 2023ରେ ରିଲିଜ ହେବ । ଏହି ଫିଲ୍ମର ମୁଖ୍ୟ ଷ୍ଟାର କାଷ୍ଟ ହେଉଛନ୍ତି ଆଦିତ୍ୟ ରୟ କପୁର ଏବଂ ସାରା ଅଲି ଖାନ । ଆଦିତ୍ୟ ରୟଙ୍କ ସହ ଅନ୍ ସ୍କ୍ରିନ୍ ରୋମାନ୍ସ କରିବେ ସାରା । ଏହି ଫିଲ୍ମର ନିର୍ମାତା ହେଉଛନ୍ତି ଭୂଷଣ କୁମାର, ଅନୁରାଗ ବସୁ, କୃଷ୍ଣ କୁମାର । ଟି-ସିରିଜର ବ୍ୟାନରରେ ଏହି ଫିଲ୍ମ ନିର୍ମାଣ ହୋଇଛି । ଏହି ଫିଲ୍ମରେ ସାରା ଏବଂ ଆଦିତ୍ୟଙ୍କ ବ୍ୟତୀତ ଅଭିନେତା ଅନୁପମ ଖେର, କନକୋନା ସେନ୍ ଶର୍ମା, ପଙ୍କଜ ତ୍ରିପାଠୀ, ଫାତିମା ସାନା ଶେଖ, ଅଲି ଫୈଜଲ ଏବଂ ନୀନା ଗୁପ୍ତା ମୁଖ୍ୟ ଭୂମିକାରେ ନଜର ଆସିବେ । ତେବେ ଚଳିତ ବର୍ଷ ଡିସେମ୍ବରରେ ଏହି ଉଭୟ ରୋମାଣ୍ଟିକ ଫିଲ୍ମ ମଧ୍ୟରେ କଡା ଟକ୍କର ଦେଖିବାକୁ ମିଳିବ ।
