ହାଇଦ୍ରାବାଦ: ଆଗାମୀ ଫିଲ୍ମ ଯବାନକୁ ନେଇ ଖୁବ ଚର୍ଚ୍ଚାରେ ରହିଛନ୍ତି ଶାହାରୁଖ ଖାନ । ଆଜି ସକାଳ ସାଢ଼େ 10ଟାରେ ଫିଲ୍ମର ନିର୍ମାତା ଫିଲ୍ମର ପ୍ରିଭ୍ୟୁ ରିଲିଜ କରିଛନ୍ତି । ଯେଉଁଥିରେ ଶାହାରୁଖଙ୍କ ନୂଆ ଅବତାର ଦେଖିବାକୁ ମିଳିଛି । ତେବେ ଏହି ପ୍ରିଭ୍ୟୁ ରିଲିଜ ହେବା ମାତ୍ରେ ସୋସିଆଲ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି । ଭାଇରାଲ ହେବା ପରେ ଫ୍ୟାନ୍ସ ଏହାକୁ ନେଇ କମେଣ୍ଟ୍ ଦେଇଛନ୍ତି ।
ପ୍ରିଭ୍ୟୁରେ ଶାହରୁଖଙ୍କ ଅନେକ ଲୁକ୍ ଦେଖିବାକୁ ମିଳିଛି । ଶାହାରୁଖଙ୍କୁ ଏଭଳି ଚରିତ୍ରରେ ପ୍ରଥମ ଥର ଦେଖିବାକୁ ମିଳିଛି । ସୋସିଆଲ ମିଡିଆରେ ଭାଇରାଲ ହେବା ପରେ ଫ୍ୟାନ୍ସ ଏହାକୁ ନେଇ କମେଣ୍ଟ୍ ଦେଇଛନ୍ତି । କେତେକ ଏହାକୁ ପସନ୍ଦ କରି ବ୍ଲକବ୍ଲଷ୍ଟର କହିଥିବା ବେଳେ କେତେ ଶାହାରୁଖ ଖାନଙ୍କ କିଛି ଲୁକକୁ କପି କରାଯାଇଥିବା କହିଛନ୍ତି । ଶାହାରୁଖଙ୍କ ଏକ ମାସ୍କ ପିନ୍ଧା ଲୁକ୍ ସାଉଥ ସୁପରଷ୍ଟାର ଚିଆନ ବିକ୍ରମ ଷ୍ଟାରର ବ୍ଲକବଷ୍ଟର ଫିଲ୍ମ ଅପରିଚିତରୁ ଏହି ଲୁକ୍ ମଧ୍ୟରୁ ଗୋଟିଏ କପି କରାଯାଇଛି ବୋଲି କହିଛନ୍ତି ।
ଶାହାରୁଖ ଖାନଙ୍କ ଭିନ୍ନ ଲୁକର ଏକ ଫଟୋ ସେୟାର କରି ଜଣେ ପ୍ରଶଂସକ ଲେଖିଛନ୍ତି, “ଯବାନ ପ୍ରିଭ୍ୟୁ ହେଉଛି ମୁଁ ବର୍ତ୍ତମାନ ପର୍ଯ୍ୟନ୍ତ ଦେଖିଥିବା ସର୍ବୋତ୍ତମ ଟିଜର । ଏହାକୁ ବର୍ଣ୍ଣନା କରିବାକୁ କୌଣସି ଶବ୍ଦ ନାହିଁ, ବ୍ଲକବଷ୍ଟର ।" ଅନେକ ପ୍ରଶଂସକ 'ଯବାନ'ର ଆକ୍ସନ୍ ପ୍ୟାକ୍ ହୋଇଥିବା ପ୍ରିଭ୍ୟୁକୁ ପ୍ରଶଂସା କରିଛନ୍ତି । ଆଉ ଜଣେ ପ୍ରଶଂସକ ଯବାନରୁ ଶାହରୁଖଙ୍କ ଲୁକ୍ର 2ଟି ଫଟୋ ସେୟାର କରି ଲେଖିଛନ୍ତି ଏହି ଦୁଇଟି ଲୁକ୍ ଥିଏଟରରେ ଧମାକା କରିବ ।
ଏହା ମଧ୍ୟ ପଢନ୍ତୁ: ଦମଦାର ପ୍ରିଭ୍ୟୁ ରିଲିଜ, ନୂଆ ଅବତାରରେ ଶାହାରୁଖ ଖାନ
ସୂଚନା ଥାଉ କି, ଯବାନର ଟ୍ରେଲରକୁ ଟମ୍ କ୍ରୁଜଙ୍କ ଫିଲ୍ମ ମିଶନ ଇମ୍ପସିବଲ୍ 7 ରିଲିଜ ଦିନ ସିନେମାହଲରେ ପ୍ରଦର୍ଶିତ କରାଯିବ । ଜୁଲାଇ 12ରେ ଭାରତରେ 'ମିଶନ୍ ଇମ୍ପସିବଲ୍ 7' ରିଲିଜ୍ ହେଉଛି । ସେହି ଦିନ ଯବାନର ଟ୍ରେଲର ମଧ୍ୟ ଲଞ୍ଚ ହେବ । ଯବାନ ଚଳିତ ବର୍ଷ ସେପ୍ଟେମ୍ବର 7ରେ ରିଲିଜ କରିବ । ଶାହାରୁଖଙ୍କ ପ୍ରଡକ୍ସନ୍ କମ୍ପାନୀ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ ହୋଇଥିବା ବେଳେ ନିର୍ଦ୍ଦେଶକ ଅଟଲି ଅହି ଫିଲ୍ମର ନିର୍ଦ୍ଦେଶନା ଦେଇଛନ୍ତି । ନିର୍ଦ୍ଦେଶକ ଅଟଲିଙ୍କ ସହ ଶାହାରୁଖ ଖାନ ପ୍ରଥମ ଥର ପାଇଁ କାମ କରିଛନ୍ତି । ଫିଲ୍ମ ପଠାନର ବିପୁଳ ସଫଳତା ପରେ ଶାହାରୁଖ ଯବାନ ସହ ମଧ୍ୟ ରେକର୍ଡ କରିବେ ବୋଲି କୁହାଯାଉଛି ।
