ହାଇଦ୍ରାବାଦ: ବଲିଉଡର କିଙ୍ଗ୍ ଶାହାରୁଖ ଖାନ୍ ପୁଣି ଥରେ ବକ୍ସ ଅଫିସ୍ରେ ଧମାକା କରିବାକୁ ପ୍ରସ୍ତୁତ ଅଛନ୍ତି । 'ପଠାନ୍' ପରେ ଶାହାରୁଖ ତାଙ୍କର ଆକ୍ସନ୍-ଥ୍ରୀଲର୍ ଫିଲ୍ମ 'ଜବାନ୍' ସହ ସିଲଭର୍ ସ୍କ୍ରିନ୍ରେ ଧୁମ୍ ମଚାଇବେ । ଏହି ପରିପ୍ରେକ୍ଷୀରେ, ଆଜି 30 ଅଗଷ୍ଟରେ ଚେନ୍ନାଇର ଶ୍ରୀସାଇରାମ ଇଞ୍ଜିନିୟରିଂ କଲେଜରେ ପ୍ରି-ରିଲିଜି ଇଭେଣ୍ଟ ଆୟୋଜନ କରାଯାଇଛି । ମୁଖ୍ୟ ଅଭିନେତା ଶାହାରୁଖ ଖାନ ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି। ଏୟାରପୋର୍ଟ ପହଞ୍ଚିବା ମାତ୍ରେ ତାଙ୍କୁ ଭବ୍ୟ ସ୍ୱାଗତ କରାଯାଇଛି । ସୋସିଆଲ ମିଡିଆରେ ଭିଡିଓ ବେଶ ଭାଇରାଲ ହେଉଛି । ଏଥି ସହିତ ଶାହାରୁଖ ଖାନଙ୍କ ମ୍ୟାନେଜର ପୂଜା ଦଦଲାନି ଜୱାନର ପ୍ରି-ରିଲିଜ୍ ଇଭେଣ୍ଟ ମଞ୍ଚରୁ ଏକ ଫଟୋ ସେୟାର କରିଛନ୍ତି ।
ଏଥିସହ ଫିଲ୍ମରେ ଖଳନାୟକ ଭୂମିକାରେ ଅଭିନୟ କରିଥିବା ଅଭିନେତା ବିଜୟ ସେଥୁପଥୀ ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇଛନ୍ତି । ଶାହାରୁଖ ବିଜୟଙ୍କୁ ହଗ୍ କରୁଥିବା ଦେଖିବାକୁ ମିଳିଛି । ଏହି କାର୍ଯ୍ୟକ୍ରମରେ ହଜାର ହଜାର ଛାତ୍ର ଏବଂ ଶାହାରୁଖଙ୍କ ପ୍ରଶଂସକ ଉପସ୍ଥିତ ରହିଛନ୍ତି । ପ୍ରି-ରିଲିଜ୍ ଇଭେଣ୍ଟ ଅପରାହ୍ନ 3ଟାରୁ ଆରମ୍ଭ ହୋଇଥିବା ବେଳେ ସନ୍ଧ୍ୟା 7ଟା ପର୍ଯ୍ୟନ୍ତ ଚାଲିବ । ଇଭେଣ୍ଟର ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଶାହାରୁଖ ଖାନ୍ ଏହି ଇଭେଣ୍ଟରେ ସାମିଲ ହେବା ପୂର୍ବରୁ ଟ୍ବିଟ୍ରେ ଏକ ପୋଷ୍ଟ ସେୟାର କରିଥିଲେ । ଯେଉଁଥିରେ ସେ ୱାନାକମ ଚେନ୍ନାଇ, ମୁଁ ଆସୁଛି, ମୋ ସମସ୍ତ ଜବାନ ପ୍ରସ୍ତୁତ ରୁହ । ବର୍ତ୍ତମାନ ଶାହାରୁଖ ଖାନ ଏହି ଇଭେଣ୍ଟରେ ଏଣ୍ଟ୍ରି କରିଛନ୍ତି ।