ହାଇଦ୍ରାବାଦ: ଇଂଲଣ୍ଡର ପୂର୍ବତନ ଫୁଟବଲର୍ ତଥା ଅଧିନାୟକ ଡେଭିଡ ବେକହାମ୍ ବର୍ତ୍ତମାନ ଭାରତ ଗସ୍ତରେ ଅଛନ୍ତି । ବୁଧବାର ଅର୍ଥାତ୍ ୧୫ ନଭେମ୍ବରରେ ସେ ଭାରତ ନ୍ୟୁଜିଲ୍ୟାଣ୍ଡ ସେମିଫାଇନାଲ ମ୍ୟାଚ୍ ଦେଖିବାକୁ ମୁମ୍ବାଇର ୱାଙ୍ଖଡ଼େ ଷ୍ଟାଡିୟମରେ ସାମିଲ ହୋଇଥିଲେ । ଏହା ପରେ ଅଭିନେତ୍ରୀ ସୋନମ କପୁର ଏବଂ ତାଙ୍କ ସ୍ବାମୀ ଆନନ୍ଦ ଆହୁଜାଙ୍କୁ ସେମାନଙ୍କ ମୁମ୍ବାଇ ଘରେ ଭେଟିଥିଲେ । ଏହି ଦମ୍ପତି ଡେଭିଡ ବେକହାମଙ୍କ ପାଇଁ ଏକ ସ୍ୱତନ୍ତ୍ର ପାର୍ଟିର ଆୟୋଜନ କରିଥିଲେ । ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଗତ ନଭେମ୍ବର ୧୬ରେ, ଡେଭିଡ୍ ବେକହାମ୍ ବଲିଉଡ କିଙ୍ଗ ଶାହରୁଖ ଖାନଙ୍କୁ ଭେଟିଛନ୍ତି ।
ଡେଭିଡ ବେକହାମ ପାଇଁ ଶାହାରୁଖ ଖାନ ଡିନର ପାର୍ଟିର ଆୟୋଜନ କରିଥିଲେ । ଏନେଇ ଡେଭିଡ ଶାହାରୁଖଙ୍କ ଘର ମନ୍ନତ ଠାରେ ପହଞ୍ଚିଥିବା ବେଳେ ବେକହାମଙ୍କୁ ସେଠାରେ ସ୍ପଟ୍ କରାଯାଇଛି । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଡେଭିଡ କାରରେ ବସି ଶାହାରୁଖ ଖାନଙ୍କ ଘର ମନ୍ନତକୁ ଏଣ୍ଟ୍ରି କରୁଥିବା ଦେଖିବାକୁ ମିଳିଛି ।
ଏହାପୂର୍ବରୁ ସୋନମ କପୁର ଡେଭିଡ ବେହକାମଙ୍କ ପାଇଁ ଏକ ୱେଲ୍କମ୍ ଡିନର ପାର୍ଟିର ଆୟୋଜନ କରିଥିଲେ । ଏହି ସମୟରେ ପୁରା କପୁର ପରିବାର ସମେତ ଅନେକ ବଲିଉଡ୍ ସେଲିବ୍ରିଟି ଏଠାରେ ସାମିଲ ହୋଇଥିଲେ । ଯାହାର ଫଟୋ ତାରକାମାନେ ସୋସିଆଲ ମିଡିଆରେ ସେୟାର କରିଛନ୍ତି । ଅର୍ଜୁନ କପୁର ତାଙ୍କ ଗାର୍ଲଫ୍ରେଣ୍ଡ୍ ମଲାଇକା ଆରୋରାଙ୍କ ସହ ଏହି ପାର୍ଟିରେ ନଜର ଆସିଥିଲେ । ଏହି ପାର୍ଟିରେ କରିସ୍ମା କପୁର, ସାହିଦ କପୁର, ମୀରା କପୁର, ସଞ୍ଜୟ କପୁର, ମହିମ କପୁର, ସନାୟା କପୁରଙ୍କ ସମେତ ଅନେକ ତାରକା ଉପସ୍ଥିତ ଥିଲେ ।