ହାଇଦ୍ରାବାଦ: 4 ବର୍ଷ ପରେ ଶାହାରୁଖ ଖାନ୍ ଫିଲ୍ମ ପଠାନ ସହ ବଲିଉଡକୁ ଧମାକାଦାର ଏଣ୍ଟ୍ରି କରିଥିଲେ । ଏହି ଫିଲ୍ମର ଦମଦାର ସଫଳତା ପରେ ଜବାନ ସହ ପୁଣି ଧମାକା କରିଛନ୍ତି । ପ୍ରଥମ ଦିନରେ ଫିଲ୍ମକୁ ନେଇ ଜବରଦସ୍ତ କ୍ରେଜ୍ ଦେଖିବାକୁ ମିଳିଛି । ଭୋର ସକାଳୁ ଫିଲ୍ମର ଶୋ' ଆରମ୍ଭ ହୋଇଥିବା ବେଳେ ଏହାକୁ ଦେଖିବାକୁ ଥିଏଟରରେ ଖଚାଖଚ ଭିଡ଼ ଦେଖିବାକୁ ମିଳିଥିଲା । ଏହି କ୍ରେଜ୍ ଦେଖି ବର୍ତ୍ତମାନ ଶାହାରୁଖ ସମସ୍ତ ଦର୍ଶକଙ୍କୁ ଧନ୍ୟବାଦ ଜଣାଇଛନ୍ତି ।
ଏଭଳି କ୍ରେଜ ନେଇ ଶାହାରୁଖ ସୋସିଆଲ ମିଡିଆରେ ଫ୍ୟାନ୍ସଙ୍କୁ ଧନ୍ୟବାଦ ଦେଇଛନ୍ତି । ଶାହାରୁଖ ଖାନ୍ ନିଜ X ହ୍ୟାଣ୍ଡଲରେ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ଲେଖିଛନ୍ତି, "ବର୍ତ୍ତମାନ ସମୟ ଆସିଛି । ଜବାନକୁ ଏତେ ମାତ୍ରାରେ ଭଳପାଇବା ଦେଇଥିବାରୁ ସମସ୍ତ ଫ୍ୟାନ୍ସ ଏବଂ ଫ୍ୟାନ୍ସ କ୍ଲବ୍ମାନଙ୍କୁ ଧନ୍ୟବାଦ । ମୁଁ ବହୁତ ଖୁସି ଅଛି । ଏହା ମୋ ପାଇଁ ବହୁତ ଜରୁରୀ ଥିଲା । ଜବାନକୁ ଭଳପାଇବା ଦେଇଥିବାରୁ ଧନ୍ୟବାଦ ।"
ସୋସିଆଲ ମିଡିଆରେ ଜବାନକୁ ନେଇ ଉତ୍ସାହର ସୁନାମି ଦେଖିବାକୁ ମିଳୁଛି । ଲୋକମାନେ ଶାହାରୁଖ ଖାନଙ୍କ ଏହି ଆକ୍ସନ୍ ଏବଂ ଥ୍ରୀଲର ଫିଲ୍ମକୁ ବହୁତ ପସନ୍ଦ କରୁଛନ୍ତି ଏବଂ ସେମାନେ ଏହାକୁ ଏକ ବ୍ଲକବଷ୍ଟର ବୋଲି କହୁଛନ୍ତି । ଫିଲ୍ମଟି ପ୍ରଥମ ଦିନରେ ଆନୁମାନିକ 70ରୁ 80 କୋଟି ଟଙ୍କା ରୋଜଗାର କରିବାରେ ସଫଳ ହୋଇଥିବା ଜଣାପଡ଼ିଛି । ତେବେ ଦିନକର ମୋଟ ଆୟ ଜଣାପଡ଼ିନଥିବା ବେଳେ ଯଦି ଏପରି ହୁଏ ତେବେ ଜବାନ୍ ଫିଲ୍ମ ହିନ୍ଦୀ ସିନେମାର ସବୁଠାରୁ ବଡ଼ ଓପନର୍ ବୋଲି ପ୍ରମାଣିତ ହେବ । ଏହାପୂର୍ବରୁ ଏହି ଟାଇଟଲ୍ ଶାହାରୁଖ ଖାନଙ୍କ ଫିଲ୍ମ ପଠାନ ନାମରେ ଥିଲା, ଯାହା ବକ୍ସ ଅଫିସରେ ପ୍ରଥମ ଦିନରେ 57 କୋଟି ଟଙ୍କା ବ୍ୟବସାୟ କରିଥିଲା । ବର୍ତ୍ତମାନ ପଠାନର ଏହି ରେକର୍ଡକୁ ଭାଙ୍ଗିପାରେ ଜବାନ ।
ଏହା ମଧ୍ୟ ପଢନ୍ତୁ:ଜବାନ ନିର୍ଦ୍ଦେଶକ ଅଟଲିଙ୍କ ହାଇ ଡିମାଣ୍ଡ, ପ୍ରତି ଫିଲ୍ମକୁ ଚାର୍ଜ କରନ୍ତି ଏତିକି କୋଟି
ସେପଟେ ପ୍ରଥମ ଶୋ' ପାଇଁ ଥିଏଟର ବାହାରେ ସେଲିବ୍ରେସନ କରାଯାଇଥିବା ବେଳେ ଭିତରେ ଫିଲ୍ମ ଦେଖି ଫ୍ୟାନ୍ସ ଶାହାରୁଖଙ୍କ ସହ ଡ୍ୟାନ୍ସ କରୁଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଶାହାରୁଖ ଭିଡିଓ ପୋଷ୍ଟ କରି ପ୍ରଥମ ଶୋ' ଦେଖିବାକୁ ଆସିଥିବା ଫ୍ୟାନ୍ସଙ୍କୁ ଧନ୍ୟବାଦ ଦେଇଛନ୍ତି । ଫ୍ୟାନ୍ସଙ୍କ ଏକ ଭିଡିଓ ସେୟାର କରି ଟ୍ବିଟରରେ ଶାହାରୁଖ ଲେଖିଛନ୍ତି, ଲଭ୍ ୟୁ ପୁଅ ଏବଂ ଝିଅମାନେ । ମୁଁ ଆଶା କରେ ଆପଣ ମନୋରଞ୍ଜନକୁ ଉପଭୋଗ କରିବେ । ଆପଣଙ୍କ ସହ ମୁଁ ବି ଥିଏଟରରେ ଫିଲ୍ମ ରିଲିଜ ପାଇଁ ଚେଇଁ ରହିଥିଲି । ବହୁତ ଭଲପାଇବା ଏବଂ ଧନ୍ୟବାଦ । ଏଥିସହ ଫିଲ୍ମ ସିନ୍ ଭାଇରାଲ ନେଇ ଅଭିନେତାଙ୍କ ଫ୍ୟାନ ପେଜ୍ ଫ୍ୟାନ୍ସକୁ କୌଣସି ସିନ୍ ଭାଇରାଲ ନକରିବାକୁ ଅନୁରୋଧ କରିଛନ୍ତି ।
