ହାଇଦ୍ରାବାଦ: ଶାହରୁଖ ଖାନଙ୍କ ‘ଜବାନ’କୁ ନେଇ ଲୋକଙ୍କ ମଧ୍ୟରେ କ୍ରେଜ୍ ବଢି ଚାଲିଛି । ଶାହାରୁଖ ଖାନ ମଧ୍ୟ ତାଙ୍କ ଚଳଚ୍ଚିତ୍ରକୁ ଏକ ଭିନ୍ନ ଅନ୍ଦାଜରେ ପ୍ରମୋଟ୍ କରୁଛନ୍ତି । ଫିଲ୍ମ ରିଲିଜ୍ ପୂର୍ବରୁ ସେ ଭଗବାନଙ୍କ ଦର୍ଶନ କରିଛନ୍ତି ଏବଂ ଏଥିପାଇଁଁ ପୂଜାର୍ଚ୍ଚନା କରୁଛନ୍ତି । ଶାହାରୁଖ ଖାନଙ୍କ ଜବାନର ଆଡଭାନ୍ସ ବୁକିଂ ଆରମ୍ଭ ହୋଇଯାଇଛି ଏବଂ ପ୍ରଥମ ଦିନରେ ଲୋକମାନେ ଫିଲ୍ମ ଦେଖିବା ପାଇଁ ବହୁତ ଉତ୍ସାହିତ ଅଛନ୍ତି । ଯଦି ରିପୋର୍ଟକୁ ବିଶ୍ବାସ କରାଯାଏ, ତେବେ ଫିଲ୍ମ ପାଇଁ 7 ଲକ୍ଷ ଟିକେଟ୍ ବର୍ତ୍ତମାନ ପର୍ଯ୍ୟନ୍ତ ଅନଲାଇନରେ ବିକ୍ରି ହୋଇସାରିଛି । ବର୍ତ୍ତମାନ ଲୋକମାନେ ଅଫଲାଇନରେ ଚଳଚ୍ଚିତ୍ର ଟିକେଟ ମଧ୍ୟ କିଣୁଛନ୍ତି । ଯାହାର ଭିଡିଓ ଭାଇରାଲ ହେଉଛି । ଭିଡିଓରେ, ଲୋକମାନେ ରାତି 2 ଟାରେ ଥିଏଟର ବାହାରେ ଲାଇନରେ ଛିଡା ହୋଇଛନ୍ତି ।
ବଡ଼ ପରଦାରେ ଶାହାରୁଖ ଖାନଙ୍କ ଜବାନ ଯାଦୁ ଦେଖିବାକୁ ମିଳିବ । ଲୋକମାନେ ଆଉ ସକାଳ ପର୍ଯ୍ୟନ୍ତ ଅପେକ୍ଷା ନକରି ରାତିରେ ହିଁ ଥିଏଟର ବାହାରେ ଭିଡ ଜମାଇଥିଲେ । ଯାହାର ଏକ ଭିଡିଓ ଭାଇରାଲ ହେଉଛି। ଶାହାରୁଖ ଖାନଙ୍କ ଫ୍ୟାନ୍ କ୍ଲବ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ପ୍ରଶଂସକମାନେ ରାତି 2 ଟାରେ ଲାଇନରେ ଛିଡା ହୋଇଛନ୍ତି । ଫ୍ୟାନ୍ ପେଜ୍ ଅନୁଯାୟୀ ଏହି ଭିଡିଓ ମହାରାଷ୍ଟ୍ରର ମାଲେଗାଓଁରୁ ଆସିଛି।