ହାଇଦ୍ରାବାଦ: ପ୍ରଥମ ଥର ପାଇଁ ମଇଦାନକୁ ଓହ୍ଲାଇବେ ଶାହରୁଖ ଖାନ । ତାହା ପୁଣି ଫିଲ୍ମ ‘ଜବାନ’ ପାଇଁ । ଶାହାରୁଖ ଖାନ କେବଳ ସୋସିଆଲ ମିଡିଆ ମାଧ୍ୟମରେ ତାଙ୍କର ପୂର୍ବ ଚଳଚ୍ଚିତ୍ର ‘ପଠାନ’କୁ ପ୍ରମୋସନ୍ କରିଥିଲେ । ସେ କୌଣସି କାର୍ଯ୍ୟକ୍ରମରେ ଯୋଗ ଦେଇନଥିଲେ କିମ୍ବା ଫିଲ୍ମର ସ୍କ୍ରିନିଂ ମଧ୍ୟ ହୋଇନଥିଲା । ସେ କେବଳ ଟ୍ୱିଟର ମାଧ୍ୟମରେ ASK ସେସନ୍ କରି ପ୍ରଶଂସକଙ୍କ ସହ କଥାବାର୍ତ୍ତା କରୁଥିବାବେଳେ ପଠାନର ପ୍ରମୋଟ୍ କରିଥିଲେ । ପରେ ଫିଲ୍ମଟି ଧମାକାଦାର କଲେକ୍ସନ କରିଥିଲା । ଏବେ ତାଙ୍କର ଆଗାମୀ ଚଳଚ୍ଚିତ୍ର ‘ଜବାନ୍’ ରିଲିଜ୍ ହେଉଛି । ପୂର୍ବରୁ ଲାଗୁଥିଲା ଯେ ଶାହରୁଖ ଏହି ଚଳଚ୍ଚିତ୍ରକୁ ପଠାନ ଭଳି ପ୍ରମୋଟ୍ କରିବେ । କିନ୍ତୁ ସେମିତି କିଛି ନୁହେଁ । ସେ ଚେନ୍ନାଇରେ ଏକ କାର୍ଯ୍ୟକ୍ରମରେ ଯୋଗଦେବାକୁ ଯାଉଛନ୍ତି ବୋଲି ଖବର ରହିଛି ।
ଆଜି (ଅଗଷ୍ଟ 30) ଚେନ୍ନାଇରେ ଫିଲ୍ମ ଜବାନ ପାଇଁ ଏକ ପ୍ରି-ରିଲିଜ୍ କାର୍ଯ୍ୟକ୍ରମ ଅନୁଷ୍ଠିତ ହେବ, ଯେଉଁଥିରେ ଶାହାରୁଖ ଖାନ, ନୟନତାରା, ବିଜୟ ସେତୁପତି ଏବଂ ଫିଲ୍ମର ନିର୍ଦ୍ଦେଶକ ଅଟଲେ ମଧ୍ୟ ଉପସ୍ଥିତ ରହିବେ । ଏହି କାର୍ଯ୍ୟକ୍ରମ ଚେନ୍ନାଇର ଶ୍ରୀ ସାଇରାମ ଇଞ୍ଜିନିୟରିଂ କଲେଜରେ ଅନୁଷ୍ଠିତ ହେବ । କୁହାଯାଉଛି ଯେ ଏହି କାର୍ଯ୍ୟକ୍ରମରେ ହଜାର ହଜାର ଛାତ୍ର ଏବଂ ଶାହାରୁଖଙ୍କ ପ୍ରଶଂସକଙ୍କ ଉପସ୍ଥିତି ରହିବେ ।
ଏହା ମଧ୍ୟ ପଢନ୍ତୁ:'ଜବାନ' ପୂର୍ବରୁ ଶାହାରୁଖ ପୁଣି 'ପଠାନ' ସହ ଧମାକା କରିବେ, ଜାପାନରେ ଏହି ଦିନ ରିଲିଜ ହେବ ଫିଲ୍ମ