ହାଇଦ୍ରାବାଦ: ଅଭିନୟ, ଗାୟକ, ନିର୍ଦ୍ଦେଶନା ଏବଂ ଲିରିକ୍ସ ଭାବେ ବଲିଉଡରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ଫରହାନ ଅଖତର । ଫ୍ୟାନ୍ସ ତାଙ୍କୁ 'ଅଲରାଉଣ୍ଡର' ବୋଲି ଡାକନ୍ତି । ତେବେ ଆଜି ଏହି ବହୁମୁଖୀ ପ୍ରତିଭାବାନ ବ୍ୟକ୍ତିତ୍ବ ଫରହାନଙ୍କ ୫୦ତମ ଜନ୍ମଦିନ । ଏହି ଅବସରେ ଅଭିନେତା ସପରିବାର ସହ ନିଜ ଜନ୍ମଦିନ ପାଳନ କରିଛନ୍ତି । ଅଭିନେତାଙ୍କ ସାବତ ମାଆ ତଥା ଭେଟେରାନ ଅଭିନେତ୍ରୀ ଶବନା ଆଜମୀ ଖାସ୍ ଅନ୍ଦାଜରେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏଥିସହ ଜନ୍ମଦିନ ସେଲିବ୍ରେସନର ଝଲକ ମଧ୍ୟ ଦେଖାଇଛନ୍ତି ।
ଶବନା ଆଜମୀ ନିଜ ଇନଷ୍ଟାଗ୍ରାମରେ ଫରହାନଙ୍କ ଜନ୍ମଦିନ ସେଲିବ୍ରେସନ ଫଟୋ ସେୟାର କରିଛନ୍ତି । ଯେଉଁଥିରେ ଫରହାନ ଅଖତର, ମାଆ ହନି ଇରାନୀ ଏବଂ ସାବତ ମାଆ ଶବନା ଆଜମୀ, ବାପା ଜାଭେଦ ଅଖତର, ଭଉଣୀ ଜୋୟା ଅଖତର ଏବଂ ତାଙ୍କ ପତ୍ନୀ ଶିବାନୀ ଦାଣ୍ଡେକର ଗୋଟିଏ ଫେମରେ ନଜର ଆସିଛନ୍ତି । ଏହି ସମୟରେ ଫରହାନଙ୍କ ପାଇଁ ବର୍ଥ ଡେ କେକ ମଧ୍ୟ ରଖାଯାଇଛି । ଏହି ଫଟୋ ସେୟାର କରି ଅଭିନେତ୍ରୀ ଲେଖିଛନ୍ତି, ''ଜନ୍ମଦିନର ଅନେକ ଅନେକ ଶୁଭେଚ୍ଛା ବିଟୁ । ଖୁସିରେ ରୁହ, ଦୀର୍ଘାୟୁ ହୁଅ ଏବଂ ତୁମକୁ ଅନେକ ଭଲପାଇବା ।''
ସୂଚନା ଥାଉକି, ଫରହାନ ଅଖତର ଜାଭେଦ ଅଖତର ଏବଂ ହନି ଇରାନୀଙ୍କ ପୁଅ ଅଟନ୍ତି । ଜାଭେଦ ଏବଂ ହନିଙ୍କ ବିବାହ ୧୯୭୨ ମସିହାରେ ହୋଇଥିଲା । ପରେ ୧୯୮୫ରେ ଉଭୟଙ୍କ ଛାଡପତ୍ର ହୋଇଥିଲା । ଏହା ପରେ ଜାଭେଦ ଅଭିନେତ୍ରୀ ଶବନା ଆଜମୀଙ୍କୁ ବିବାହ କରିଥିଲେ । ଜାଭେଦ ଏବଂ ଶବନାଙ୍କ କୌଣସି ପିଲା ନାହାନ୍ତି । ତେବେ ସେ ଜୋୟା ଏବଂ ଫରାହନଙ୍କୁ ହିଁ ନିଜ ପିଲା ଭାବି ଟ୍ରିଟ୍ କରନ୍ତି । ଜୋୟା ଏବଂ ଫରହାନ ଅଖତର ହନି ଏବଂ ଜାଭେଦଙ୍କ ପୁଅଝିଅ ।
ଏହା ମଧ୍ୟ ପଢନ୍ତୁ:ଭାଇଙ୍କୁ ପ୍ରେମଭରା ଶୁଭେଚ୍ଛା ଜଣାଇଲେ ଭଉଣୀ ଜୋୟା
ଫରହାନ ଅଖତର 'ଦିଲ ଚାହତା ହେ' ଫିଲ୍ମରୁ ନିର୍ଦ୍ଦେଶକ ଭାବେ କ୍ୟାରିଅର ଆରମ୍ଭ କରିଥିଲେ । ଏହା ପରେ ତାଙ୍କ ନିର୍ଦ୍ଦେଶନାରେ ନିର୍ମିତ 'ଲକ୍ଷ୍ୟ' ରିଲିଜ ହେଲା । ଉଭୟ ଫିଲ୍ମର ନିର୍ଦ୍ଦେଶନାକୁ ଖୁବ ପସନ୍ଦ କରିବା ସହ ଫିଲ୍ମ ବି ହିଟ୍ ହୋଇଥିଲା । ଏହା ପରେ ଫରହାନ ୨୦୦୮ରେ 'ରୋକ ଅନ'ରେ ଅଭିନେତା ଭାବେ ଡେବ୍ୟୁ କରିଥିଲେ । ଏହି ଫିଲ୍ମର ଲୋକପ୍ରୀୟ ଗୀତ 'ରୋକ ଅନ'କୁ ଫରହାନ ନିଜେ ଗାଇଛନ୍ତି । ଫରହାନ ଅନେକ ହିଟ୍ ବଲିଉଡ ଫିଲ୍ମରେ କାମ କରି ଦର୍ଶକଙ୍କ ମନ ଜତିଛନ୍ତି । ବର୍ତ୍ତମାନ ତାଙ୍କ ଆଗାମୀ ଫିଲ୍ମ 'ଡନ ୩' ଏବଂ 'ଜି ଲେ ଜରା' ରହିଛି ।
