ମୁମ୍ବାଇ:ଭାରତୀୟ ମହିଳା କ୍ରିକେଟ୍ ଦଳର ପୂର୍ବତନ ଅଧିନାୟକ ମିତାଲି ରାଜଙ୍କୁ କିଏ ବା ନଜାଣେ । କିନ୍ତୁ ବର୍ତ୍ତମାନ ତାଙ୍କ କାହାଣୀକୁ ସମସ୍ତେ ବଡ ପରଦାରେ ଦେଖିବାକୁ ପାଇବେ । ଖୁବ୍ ଶୀଘ୍ର ବଡ ପରଦାରେ ରିଲିଜ୍ ହେବାକୁ ଯାଉଛି 'ମିତାଲି ରାଜ'ର ବାୟୋପିକ୍ 'ସାବାସ୍ ମିଥୁ' । ଆଜି ଫିଲ୍ମ 'ସାବାସ୍ ମିଥୁ'ର ଟ୍ରେଲର ରିଲିଜ୍ ହୋଇଛି।
ଜୁଲାଇ 15ରେ ପ୍ରେକ୍ଷାଳୟରେ ହିଟ୍ ହେବାକୁ ଥିବା ଏହି ଚଳଚ୍ଚିତ୍ରରେ ମିତାଲି ରାଜଙ୍କ ପିଲାଦିନରୁ କ୍ରିକେଟର ହେବା ପର୍ଯ୍ୟନ୍ତ ସଂଘର୍ଷ କାହାଣୀ ଦର୍ଶାଯାଇଛି । ମିତାଲି ରାଜଙ୍କର ଅନ୍ତର୍ଜାତୀୟ କ୍ରିକେଟ୍ରେ 23 ବର୍ଷ କ୍ୟାରିଅର୍ ରହିଛି । ସେ ଅନେକ ରେକର୍ଡ ଭାଙ୍ଗି ODI ରେ 10,000 ରୁ ଅଧିକ ରନ୍ କରିଛନ୍ତି । ଯେତେବେଳେ ସେ କ୍ରିକେଟର ହେବାର ସ୍ୱପ୍ନ ଦେଖୁଥିଲେ ସେତେବେଳେ ମିତାଲିଙ୍କୁ ୮ବର୍ଷ ହୋଇଥିଲା । ମିତାଲି ତାଙ୍କ ପରିଚୟ ହାସଲ କରିବା ପାଇଁ ବହୁତ ସଂଘର୍ଷ କରିଛନ୍ତି । ଏମିତି କି ଲୋକଙ୍କ ଚିନ୍ତାଧାରାକୁ ମଧ୍ୟ ବଦଳାଇ ଥିଲେ । ସେବେଠାରୁ ମିତାଲି ରାଜ ମହିଳା କ୍ରିକେଟ୍ ଦଳକୁ ଏକ ଭିନ୍ନ ପରିଚୟ ଦେଇଛନ୍ତି।