ମୁମ୍ବାଇ: ନିକଟରେ ବିକି କୌଶଲ ଏବଂ ସାରା ଅଲି ଖାନ୍ଙ୍କ ଆଗାମୀ ଫିଲ୍ମ 'ଜରା ହଟକେ ଜରା ବଚକେ'ର ନୂଆ ଗୀତ 'ବେବି ତୁଝେ ପାପ ଲଗେଗା' ରିଲିଜ ହୋଇଛି । ଯାହାକୁ ଲୋକମାନେ ବହୁତ ପସନ୍ଦ କରୁଛନ୍ତି । ଏଥିସହିତ ସାରା ଅଲି ଖାନ ନିଜ ଇନଷ୍ଟାଗ୍ରାମରେ ଏକ ମଜାଦାର ଭିଡିଓ ସେୟାର କରିଛନ୍ତି ଯେଉଁଥିରେ ସେ ରାକ୍ଷୀ ସାୱନ୍ତ ସହ ନଜର ଆସିଛନ୍ତି । ଭିଡିଓରେ ଉଭୟ ଅଭିନେତ୍ରୀ 'ବେବି ତୁଝେ ପାପ ଲଗେଗା' ଗୀତରେ ନାଚିବା ସହ ମଜା କରୁଥିବା ଦେଖିବାକୁ ମିଳିଛି ।
ସାରା ଅଲି ଖାନ ସୋମବାର ରାକ୍ଷୀଙ୍କ ସହ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ଏହି ଭିଡିଓ ସେୟାର କରି କ୍ୟାପସନରେ ଏହାର ରେଡ୍ ଚିଲି ଇମୋଜି ସହ 'ରେଡ ହଟ ଚିଲି' ଲେଖିଛନ୍ତି । ଭିଡିଓରେ ଉଭୟ ଅଭିନେତ୍ରୀଙ୍କୁ ରେଡ୍ ହଟ୍ ଡ୍ରେସରେ ଦେଖିବାକୁ ମିଳିଛି । ଭିଡିଓଟିରେ ସୌମ୍ୟା (ସାରା) ଏବଂ ଡ୍ରାମା କୁଇନ ରାକ୍ଷୀ ପରସ୍ପରକୁ ଧକ୍କା ଦେବା ମାତ୍ରେ ଚିତ୍କାର କରିବା ଆରମ୍ଭ କରିଥିବା ଦେଖିବାକୁ ମିଳିଛି । ଉଭୟେ ନିଜକୁ ଲାଲ ଆଉଟଫିଟ୍କୁ ନେଇ କଥାବାର୍ତ୍ତା ହୋଇଛନ୍ତି । ଆଉଟଫିଟ୍କୁ ନେଇ ରାକ୍ଷୀ ମଜାଳିଆ କରି କୁହନ୍ତି, ମୁଁ (ରାକ୍ଷୀ) ରେଡ୍ ଚିଲି ଆଉ ତୁମେ(ସାରା) ରେଡ୍ ଚେରି । ଏହାପରେ ରାକ୍ଷୀ କହିଛନ୍ତି ଯେ ସେ ଏକ ଲାଲ୍ କେକ୍ ପରି ଦେଖାଯାଉଛନ୍ତି ଏବଂ ସାରା ତାଙ୍କ ଉପରେ ଚେରି ।