ହାଇଦ୍ରାବାଦ: ବଲିଉଡ ଅଭିନେତା ସଞ୍ଜୟ ଦତ୍ତ ତାଙ୍କ ଅଭିନୟର ଯାଦୁରେ ବଲିଉଡରେ ଏକ ଭିନ୍ନ ପରିଚୟ ସୃଷ୍ଟି କରିଛନ୍ତି । 29 ଜୁଲାଇ 1959ରେ ଜନ୍ମ ହୋଇଥିବା ଏହି ଅଭିନେତା ଆଜି ତାଙ୍କର 63 ତମ ଜନ୍ମଦିନ ପାଳନ କରୁଛନ୍ତି । ଅଭିନେତ୍ରୀ ନର୍ଗିସ (ମାଆ) ଓ ଅଭିନେତା ସୁନୀଲ ଦତ୍ତ(ବାପା)ଙ୍କ ଔରସରୁ ଜନ୍ମ ହୋଇଥିବା ସଞ୍ଜୟ 1981 ମସିହାରେ 'ରକି' ସହ ବଲିଉଡରେ ଡେବ୍ୟୁ କରିଥିଲେ । ନିଜ କ୍ୟାରିୟରରେ ଏପର୍ଯ୍ୟନ୍ତ ଅନେକ ହିଟ୍ ଚଳଚ୍ଚିତ୍ର ଦେଇଥିବା ସଞ୍ଜୟଙ୍କ ବ୍ୟକ୍ତିଗତ ଜୀବନ ମଧ୍ୟ ଖୁବ୍ ଚିତ୍ତାକର୍ଷକ ରହିଛି । ବିଶେଷକରି ତାଙ୍କର ପ୍ରେମ ଜୀବନ । ଅଭିନେତାଙ୍କ ଜନ୍ମଦିନ ଅବସରରେ, ଆମେ ଆପଣଙ୍କୁ ବଲିଉଡର ସୁନ୍ଦରୀଙ୍କ ସହିତ ସଞ୍ଜୟଙ୍କ ପ୍ରେମ ସମ୍ପର୍କ ବିଷୟରେ କହିବାକୁ ଯାଉଛୁ ।
ଟିନା ମୁନିମ
ସଞ୍ଜୟ ଦତ୍ତଙ୍କ ଆଫେୟାର ବିଷୟରେ ଯେବେ ବି କଥା ଉଠେ, ତାଙ୍କର ପ୍ରଥମ ଗର୍ଲଫ୍ରେଣ୍ଡ ଟିନା ମୁନିମଙ୍କ ନାମ ସାମ୍ନାକୁ ଆସେ । ଟିନା ଏବଂ ସଞ୍ଜୟ ପିଲାଦିନର ବନ୍ଧୁ ଥିଲେ । ଏହି ବନ୍ଧୁତା ଧୀରେ ଧୀରେ ପ୍ରେମରେ ପରିଣତ ହେଲା । ଫିଲ୍ମ 'ରକି' ସମୟରେ ସେମାନଙ୍କର ସମ୍ପର୍କ ଅଧିକ ମଜବୁତ ହେଲା । କିନ୍ତୁ ସଞ୍ଜୟଙ୍କ ଅତ୍ୟଧିକ ମଦ୍ୟପାନ ହେତୁ ଟିନା ତାଙ୍କୁ ଛାଡିଦେଲେ ଏବଂ ପରେ ଟିନା ଅନିଲ ଅମ୍ବାନୀଙ୍କୁ ବିବାହ କଲେ ।
ରେଖା
ସଞ୍ଜୟ ଦତ୍ତ 1984ରେ 'ଜମିନ୍' ପାଇଁ ସୁଟିଂ କରୁଥିଲେ । ସେତେବେଳେ ରେଖାଙ୍କ ସହ ତାଙ୍କ ସମ୍ପର୍କର ଖବର ସାମ୍ନାକୁ ଆସିଲା। ରେଖା ଏବଂ ସଞ୍ଜୟଙ୍କ ବିବାହର ଖବର ମଧ୍ୟ ଆସିବାକୁ ଲାଗିଲା । ପରେ ସଞ୍ଜୟ ଦତ୍ତ ଏକ ସାକ୍ଷାତକାରରେ ଏହାକୁ ଗୁଜବ ବୋଲି କହିଥିଲେ। ସେ ସମୟରେ ରେଖାଙ୍କ ନାମ ମଧ୍ୟ ଅମିତାଭ ବଚ୍ଚନଙ୍କ ସହ ଜଡିତ ଥିଲା ।
ରିଚା ଶର୍ମା
ଚଳଚ୍ଚିତ୍ର 'ମୁହୂର୍ତ୍ତ' ସମୟରେ ରିଚା ଶର୍ମାଙ୍କ ସହ ସଞ୍ଜୟଙ୍କର ଭେଟ ହୋଇଥିଲା । ପରେ ସଞ୍ଜୟ ରିଚାଙ୍କ ଫଟୋକୁ ଏକ ସ୍ଥାନୀୟ ପତ୍ରିକାରେ ଦେଖିଥିଲେ ଏବଂ ସେବେ ଠାରୁ ସେ ତାଙ୍କୁ ପସନ୍ଦ କରୁଥିଲେ । 1987ରେ, ରିଚା 'ଆଗ ହି ଆଗ'ର ସୁଟିଂ କରୁଥିଲେ, ଯେତେବେଳେ ସଞ୍ଜୟ ଦତ୍ତ ତାଙ୍କୁ ପ୍ରସ୍ତାବ ଦେଇଥିଲେ । କିନ୍ତୁ ରିଚା ତାଙ୍କୁ କୌଣସି ଉତ୍ତର ଦେଇନଥିଲେ। ଏହା ପରେ ସଞ୍ଜୟ ତାଙ୍କୁ ଫୋନ କରିବା ସହ ତାଙ୍କ ଠାରୁ ଜବାବ୍ ଶୁଣିବାକୁ ଚାହୁଁଥିଲେ । କିଛି ଦିନ ପରେ ରିଚା ହଁ କହିଥିଲେ । 1987ରେ ଦୁହେଁ ବିବାହ କରିଥିଲେ । 1988ରେ ସେମାନଙ୍କ ଝିଅ ତ୍ରିଶାଲା ଜନ୍ମ ହୋଇଥିଲେ । ବ୍ରେନ ଟ୍ୟୁମର ହେତୁ ରିଚା 10 ଡିସେମ୍ବର 1996ରେ ନ୍ୟୁୟର୍କରେ ମୃତ୍ୟୁବରଣ କରିଥିଲେ ।
ମାଧୁରୀ ଦୀକ୍ଷିତ
ସଞ୍ଜୟ ଦତ୍ତଙ୍କ ନାମ ମଧ୍ୟ ମାଧୁରୀ ଦୀକ୍ଷିତଙ୍କ ସହ ଜଡିତ । 1991ରେ 'ସାଜନ'ର ସୁଟିଂ ସମୟରେ ଉଭୟ ପରସ୍ପରର ନିକଟତର ହୋଇଥିବା ଖବର ଆସିଥିଲା । ଉଭୟଙ୍କ ସମ୍ପର୍କ ବିଷୟରେ ଆଲୋଚନା ଆରମ୍ଭ ହୋଇଥିଲା ଏବଂ କୁହାଯାଇଥିଲା ଯେ ଉଭୟ ବିବାହ କରିବାକୁ ଚାହୁଁଛନ୍ତି । କିନ୍ତୁ ସଞ୍ଜୟଙ୍କର ପୂର୍ବରୁ ଏକ ଝିଅ ଥିବାରୁ ମାଧୁରୀଙ୍କ ପିତା ଏହି ସମ୍ପର୍କରେ ଖୁସି ନଥିଲେ । କୁହାଯାଏ ଯେ 1993 ବମ୍ବେ ବିସ୍ଫୋରଣରେ ଯେତେବେଳେ ସଞ୍ଜୟଙ୍କ ନାମ ଆସିଲା, ସେତେବେଳେ ମାଧୁରୀ ନିଜେ ସଞ୍ଜୟଙ୍କ ଠାରୁ ଦୂରେଇ ଯାଇଥିଲେ ।
ଲିସା ରେ
ସଞ୍ଜୟ ଦତ୍ତ ଏବଂ ଲିସାଙ୍କ ସମ୍ପର୍କ ବିଷୟରେ ମଧ୍ୟ ଖବର ଆସିଥିଲା । ଏହି ସମୟରେ, ଯେତେବେଳେ ସଞ୍ଜୟ ତାଙ୍କ ପ୍ରଥମ ପତ୍ନୀଙ୍କ ମୃତ୍ୟୁକୁ ନେଇ ଡିପ୍ରେସନରେ ଥିଲେ ଏବଂ ମୁମ୍ବାଇରେ ବୋମା ବିସ୍ଫୋରଣ ମାମଲା ମଧ୍ୟ ଚାଲିଥିଲା । ତେବେ ସେମାନଙ୍କ ସମ୍ପର୍କ ବେଶି ଦିନ ତିଷ୍ଠି ରହିଲା ନାହିଁ । ଲିସା ମଧ୍ୟ ସଞ୍ଜୟ ଦତ୍ତଙ୍କ ସହ କୌଣସି ସମ୍ପର୍କ ରଖିବାକୁ ମନା କରିଦେଇଥିଲେ ।
ରିୟା ପିଲ୍ଲଇ
ଏସବୁ ପରେ ସଞ୍ଜୟ ଦତ୍ତଙ୍କ ଜୀବନରେ ମଡେଲ ରିୟା ପିଲ୍ଲଇ ଆସିଲେ । ସଞ୍ଜୟ ଏବଂ ରିୟା କିଛି ଦିନ ଡେଟ କରିବା ପରେ 1998 ରେ ବିବାହ କରିଥିଲେ । କିଛି ସମୟ ପାଇଁ ଦୁହିଁଙ୍କ ମଧ୍ୟରେ ସବୁକିଛି ଠିକ୍ ଚାଲିଥିଲା, କିନ୍ତୁ ତା’ପରେ ସଞ୍ଜୟ ଦତ୍ତଙ୍କ ଆଫେୟାର ଖବର ଆସିବାକୁ ଲାଗିଲା। ଏହା ପରେ ସଞ୍ଜୟ ଦତ୍ତ ଏବଂ ରିୟା କିଛି ବର୍ଷ ଅଲଗା ଅଲଗା ରହିଲେ ଏବଂ ପରେ ସେମାନେ 2005 ରେ ଛାଡପତ୍ର ନେଇଥିଲେ ।
ନାଦିଆ ଦୁରାନୀ
ସଞ୍ଜୟ ଦତ୍ତ ରିୟାଙ୍କୁ ଭେଟିବା ପୂର୍ବରୁ ମଧ୍ୟ ନାଦିଆ ଦୁରାନୀଙ୍କୁ ଜାଣିଥିଲେ । ଦୁହେଁ କେବେ ଓ କେଉଁଠାରେ ଭେଟିଥିଲେ କେହି ଜାଣନ୍ତି ନାହିଁ । କିନ୍ତୁ କୁହାଯାଏ ଯେ ନାଦିଆ ଏବଂ ସଞ୍ଜୟଙ୍କ ଘନିଷ୍ଠତା ଯୋଗୁଁ ତାଙ୍କ ଏବଂ ରିୟାଙ୍କ ବିବାହ ଭାଙ୍ଗି ଯାଇଥିଲା । କିନ୍ତୁ ନାଦିଆଙ୍କ ସହ ସଞ୍ଜୟଙ୍କ ସମ୍ପର୍କ ମଧ୍ୟ ବେଶୀ ଦିନ ତିଷ୍ଠି ରହିଲା ନାହିଁ ଏବଂ ଦୁହେଁ ଅଲଗା ହୋଇଗଲେ ।
ମାନ୍ୟତା ଦତ୍ତ
ଯେତେବେଳେ ସଞ୍ଜୟ ଦତ୍ତ ନାଦିଆଙ୍କୁ ଡେଟ କରୁଥିଲେ ସେତେବେଳେ ମାନ୍ୟତା ଦତ୍ତଙ୍କ ତାଙ୍କର ଭେଟ ହୋଇଥିଲା । ମାନ୍ୟତାଙ୍କ ଦିଲନବାଜ ଶେଖ ନାମରେ ମଧ୍ୟ ଜଣାଶୁଣା । ସଞ୍ଜୟ ମାନ୍ୟତାଙ୍କ ସରଳତାକୁ ପସନ୍ଦ କରିବାକୁ ଲାଗିଲେ। ସଞ୍ଜୟ ଏବଂ ମନ୍ୟାତାଙ୍କ ସମ୍ପର୍କ ଦୁଇ ବର୍ଷ ଧରି ଚାଲିଲା ଏବଂ 2008ରେ ଦୁହେଁ ଗୋଆର ଏକ ରିସୋର୍ଟରେ ବିବାହ କରିଥିଲେ । ଏହା ପରେ, ସେମାନଙ୍କର ଯାଆଁଳା ସନ୍ତାନ ଶାହରାନ୍ ଏବଂ ଇକ୍ରା 2010 ମସିହାରେ ଜନ୍ମଗ୍ରହଣ କରିଥିଲେ । ମାନ୍ୟତା ଦତ୍ତ ହେଉଛନ୍ତି ତାଙ୍କ ତୃତୀୟ ପତ୍ନୀ । ସଞ୍ଜୟ ଦତ୍ତ ନିଜ ତୃତୀୟ ପତ୍ନୀ ମାନ୍ୟତାଙ୍କ ଠାରୁ ବୟସରେ ୧୯ ବର୍ଷ ବଡ ଅଟନ୍ତି ।
