ହାଇଦ୍ରାବାଦ: ରଣବୀର କପୁରଙ୍କ ଅଭିନୀତ ଚଳଚ୍ଚିତ୍ର 'ଶମଶେରା' ଆସିବା ମାତ୍ରେ ହିଁ ଧମାଲ ମଚାଇ ଦେଇଛି । ଏହି ଚଳଚ୍ଚିତ୍ର ଦେଖିବା ପାଇଁ ରଣବୀରଙ୍କ ପ୍ରଶଂସକ ଉତ୍ସାହର ସହ ଅପେକ୍ଷା କରିଛନ୍ତି । ନିକଟରେ ଫିଲ୍ମର ପ୍ରଥମ ପୋଷ୍ଟର ଏବଂ ପରେ ଟିଜର ରିଲିଜ୍ ହୋଇଥିଲା । ବର୍ତ୍ତମାନ ଫିଲ୍ମରୁ ସଞ୍ଜୟ ଦତ୍ତଙ୍କ ଚରିତ୍ର ସାମ୍ନାକୁ ଆସିଛି ।
ଫିଲ୍ମରୁ ଏକ ପୋଷ୍ଟର ରିଲିଜ ହୋଇଛି । ଯେଉଁଥିରେ ସଞ୍ଜୟ ଦତ୍ତଙ୍କ ଚରିତ୍ର ସାମ୍ନାକୁ ଆସିଛି । ଏହି ଚଳଚ୍ଚିତ୍ରରେ ସଞ୍ଜୟ ଦତ୍ତଙ୍କ ଚରିତ୍ରର ନାମ ହେଉଛି ଦରୋଗା ଶୁଦ୍ଧ ସିଂ। ଏହାପୂର୍ବରୁ, 1.21 ମିନିଟର ଟିଜର ସାମ୍ନାକୁ ଆସିଥିଲେ, ଯେଉଁଥିରେ ସଞ୍ଜୟ ଦତ୍ତଙ୍କ ଜବରଦସ୍ତ ଭୂମିକା ସହିତ ଏହା ଆରମ୍ଭ ହୋଇଥିଲା । ଏଥି ସହିତ, ପରବର୍ତ୍ତୀ ମୁହୂର୍ତ୍ତରେ ରଣବୀର କପୁର ଏହି ଫିଲ୍ମରେ ତାଙ୍କ ଶତ୍ରୁ ସଞ୍ଜୟ ଦତ୍ତଙ୍କ ଆଡକୁ ଯାଉଥିବାର ନଜର ଆସିଛନ୍ତି । ଟିଜର ଅନୁଯାୟୀ ରଣବୀର କପୁର 'ଶମଶେରା' ଭୂମିକାରେ ଆଦିବାସୀ ସମ୍ପ୍ରଦାୟକୁ ବଞ୍ଚାଇବାକୁ ବାହାରୁଛନ୍ତି । ଟିଜର ଶେଷରେ କୁହାଯାଇଛି ଯେ ଫିଲ୍ମର ଟ୍ରେଲର ଜୁନ୍ 24ରେ ମୁକ୍ତିଲାଭ କରିବ।