ମୁମ୍ବାଇ: ବକ୍ସ ଅଫିସରେ ଧମାଲ ମଚାଇ ଚାଲିଛି ସଲମାନ ଖାନ, କ୍ୟାଟ୍ରିନା କୈଫ ଏବଂ ଇମ୍ରାନ ହାସମୀଙ୍କ ଅଭିନିତ ଚଳଚ୍ଚିତ୍ର ଟାଇଗର-3 । ୬ଦିନ ମଧ୍ୟରେ ବିଶ୍ବ ବକ୍ସ ଅଫିସରେ ୩୦୦କୋଟି କ୍ଲବରେ ସାମିଲ ହୋଇଛି । ଏହି ଚଳଚ୍ଚିତ୍ରଟି 12 ନଭେମ୍ବର ଅର୍ଥାତ ଦୀପାବଳିରେ ମୁକ୍ତିଲାଭ କରିଥିବା ବେଳେ ଆଜି ଏକ ସପ୍ତାହ ପୂରଣ ହେବାକୁ ଯାଉଛି । ତେବେ ଗତକାଲି(ଶୁକ୍ରବାର) ରାତିରେ ଟାଇଗର-3ର ସଫଳତାକୁ ନେଇ ମୁମ୍ବାଇରେ ଏକ ପାର୍ଟିର ଆୟୋଜନ କରାଯାଇଥିବା ବେଳେ ଭାଇଜାନଙ୍କ ଏକ ଭିଡିଓ ବେଶ ଭାଇରାଲ ହେବାରେ ଲାଗିଛି । ଯାହାକୁ ନେଇ ସୋସିଆଲ ମିଡିଆରେ ଟ୍ରୋଲ କରୁଛନ୍ତି ଫ୍ୟାନ୍ସ ।
କ୍ୟାଟ୍ରିନା ସାମ୍ନାରେ ଇମ୍ରାନଙ୍କୁ କିସ୍ କରିଲେ ଭାଇଜାନ: ମୁମ୍ବାଇରେ ଆୟୋଜିତ ହୋଇଥିବା ପାର୍ଟିରେ ଅନେକ କଳାକାର ଯୋଗ ଦେଇଥିଲେ । ଏହି ସମୟରେ ଲେକେ ପ୍ରଭୁ କା ନାମ ଗୀତରେ ସମସ୍ତେ ଝୁମିଥିଲେ । ତେବେ ଭାଇରାଲ ହୋଇଥିବା ଭିଡିଓରେ ଭାଇଜାନ କହିଛନ୍ତି ଯେ, ଫିଲ୍ମରେ କ୍ୟାଟ୍ରିନା ଅଛନ୍ତି ମାନେ ରୋମାନ୍ସ ଦରକାର । ଯଦି ଇମ୍ରାନଙ୍କ ଭୂମିକା ଆତିଶଙ୍କର ହୋଇନଥାନ୍ତା ତାହେଲେ... ଏହା କହି ଭାଇଜାନ ଇମ୍ରାନ ଖାନଙ୍କ ପାଖକୁ ଯାଇ ଏକ କିସ କରିଥିବା ନେଇ ଭିଡିଓରେ ଦେଖାଯାଇଛି । ତେବେ ଇମ୍ରାନଙ୍କୁ ସଲମାନ କିସ କରୁଥିବା ଦେଖି ଦର୍ଶକ ମଧ୍ୟ ତାଳି ମାରି ଉତ୍ସାହିତ କରିଥିଲେ । ଏହି ସମୟରେ କ୍ୟାଟ୍ରିନା ଉଭୟଙ୍କୁ ଚାହିଁ ରହିଥିବା ନଜର ଆସିଛନ୍ତି।
ଏହା ମଧ୍ୟ ପଢନ୍ତୁ: ୱାଲ୍ଡ ୱାଇର୍ଡ କଲେକ୍ସନ: ୩୦୦ କୋଟି କ୍ଲବରେ ଏଣ୍ଟ୍ରି କଲା ଭାଇଜାନଙ୍କ ଫିଲ୍ମ ଟାଇଗର ୩