ମୁମ୍ବାଇ: ବଲିଉଡ ସୁପରଷ୍ଟାର ସଲମାନ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ 'କିସି କା ଭାଇ କିସି କି ଜାନ'ର ଟ୍ରେଲର ରିଲିଜ ହେବ । ଦୀର୍ଘ ଚାରି ବର୍ଷ ପରେ 'ଭାଇଜାନ' ବଡ ପରଦାରେ ଆସିବାକୁ ଯାଉଛନ୍ତି । ଏନେଇ ତାଙ୍କ ଫ୍ୟାନ୍ସମାନେ ଏହି ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରି ରହିଛନ୍ତି । ଗତକାଲି ସୋସିଆଲ ମିଡିଆରେ ସଲମାନ ଏକ ପୋଷ୍ଟ ସେୟାର କରିଥିବା ଦେଖିବାକୁ ମିଳିଛି । ଯେଉଁଥିରେ ଫିଲ୍ମ ଟ୍ରେଲର ଆଜି ସନ୍ଧ୍ୟା 6ଟାରେ ରିଲିଜ ହେବ ବୋଲି ସୂଚନା ଦେଇଛନ୍ତି ।
ସଲମାନ ନିଜ ଇନଷ୍ଟାଗ୍ରାମରେ 'କିସି କା ଭାଇ କିସି କି ଜାନ' ଫିଲ୍ମକୁ ନେଇ ଏକ ପୋଷ୍ଟ ସେୟାର କରିଥିବା ଦେଖିବାକୁ ମିଳିଛି । ୟେଉଁଥିରେ ଫିଲ୍ମ ଟ୍ରେଲର ଆଜି ସନ୍ଧ୍ୟା 6ଟାରେ ରିଲିଜ ହେବ ବୋଲି ଦର୍ଶାଯାଇଛି । ଏବଂ ଏହି ପୋଷ୍ଟ ସେୟାର କରି ସଲମାନ କ୍ୟାପସନରେ ଲେଖିଛନ୍ତି, ନିଜ ଭାଇ ଏବଂ ଜାନ ସହ ଦେଖ 'କିସି କା ଭାଇ କିସି କି ଜାନ' ଟ୍ରେଲର । ଏହାପୂର୍ବରୁ ଭାଇଜାନ ଫିଲ୍ମର ଟିଜର ସେୟାର କରିଥିଲେ । ଯେଉଁଥିରେ ସେ ଦମଦାର ଡାଇଲଗ ସହ ନିଜ ଚରିତ୍ରର ପରିଚୟ ଦେଇଥିଲେ । ପୂଜା ହେଗଡେ ତାଙ୍କୁ ପଚାରିଲେ, ତୁମର ନାମ କ’ଣ ? ସଲମାନ ଉତ୍ତର ଦିଅନ୍ତି, 'ମୋର ନାମ ନାହିଁ, କିନ୍ତୁ ଲୋକମାନେ ମୋତେ ଭାଇଜାନ ବୋଲି ଜାଣନ୍ତି ।'
ସେପଟେ 'କିସି କା ଭାଇ କିସି କି ଜାନ' ଫିଲ୍ମ ବିଷୟରେ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଲେଖିଛନ୍ତି ଯେ ଚାରି ବର୍ଷର ବ୍ୟବଧାନ ପରେ ସଲମାନ ଖାନଙ୍କ ଫିଲ୍ମ ଇଦ୍ ଅବସରରେ ସିନେମାହଲରେ କିସି କା ଭାଇ କିସି କି ଜାନ ରିଲିଜ ହେବ । ଇଦ୍ 2021ରେ ସଲମାନଙ୍କର ଏକ ଡିଜିଟାଲ୍ + ସୀମିତ ଥିଏଟର ରିଲିଜ୍ ହୋଇଥିଲା । ଇଦରେ ଦବଙ୍ଗ 3 (ଡିସେମ୍ବର 2019) ଏବଂ ଏଣ୍ଟିମ୍ (ନଭେମ୍ବର 2021) ରିଲିଜ୍ ହୋଇନାହିଁ । 'କିସି କା ଭାଇ କିସି କି ଜାନ' ଫିଲ୍ମ ହିଟ୍ ହୋଇପାରିବ ।
ସୂଚନା ଥାଉ କି, 'କିସି କା ଭାଇ କିସି କି ଜାନ' ଫିଲ୍ମର ନିର୍ଦ୍ଦେଶନା ଫରହାଦ୍ ସାମଜୀ ଦେଇଥିବା ବେଳେ ଏଥିରେ ଅଭିନେତ୍ରୀ ପୂଜା ହେଗଡେ ଏବଂ ସଲମାନଙ୍କ ବ୍ୟତୀତ ସାଉଥ ଅଭିନେତା ଭେଙ୍କଟେଶ ଡଗୁବତୀ, ଜଗପତି ବାବୁ, ଭୂମିକା ଚାୱଲା, ବିଜୟନ୍ଦର ସିଂ, ଅଭିମାନୁ ସିଂ, ରାଘବ ଜୁୟାଲ, ସିଦ୍ଧାର୍ଥ ନିଗମ, ଜସି ଗିଲ, ଶେହନାଜ ଗିଲ, ପଲକ ତିୱାରୀ ଏବଂ ଭୀନାଲି ଭଟନଗର ମଧ୍ୟ ଅଭିନୟ କରିଛନ୍ତି ।
ଚଳିତ ବର୍ଷ ଇଦ୍ ଅବସରରେ ରିଲିଜ ହେବାକୁ ଯାଉଛି ଏହି ଫିଲ୍ମ । ଫିଲ୍ମର ଟିଜର ସହ 5ଟି ଗୀତ ପୂର୍ବରୁ ରିଲିଜ ହୋଇସାରିଛି । 'ନେଇୟୋ ଲାଗଦା ଦିଲ୍', 'ବିଲି-ବିଲି', 'ଜୀ ରହେ ଥେ ହମ୍' ଏବଂ 'ବଠୁକମ୍ମା' ଏବଂ 'ୟେଣ୍ଟମା' ରିଲିଜ ହୋଇସାରିଛି । ଫିଲ୍ମର 'ଜୀ ରହେ ଥେ ହମ୍' ଏହି ଗୀତଟି ସଲମାନ ଖାନ ନିଜେ ଗାଇଛନ୍ତି । ତେବେ ଫିଲ୍ମର ଟିଜର ସହ 5ଟି ଗୀତକୁ ଫ୍ୟାନ୍ସ ବେଶ ପସନ୍ଦ କରିଥିବା ବେଳେ ଫିଲ୍ମଟି ବକ୍ସ ଅଫିସରେ ଧମାଲ କରିବ ବୋଲି କୁହାଯାଉଛି ।
