ମୁମ୍ବାଇ: ସୁପରଷ୍ଟାର ସଲମାନ ଖାନ ତାଙ୍କର ଆଗାମୀ ଫିଲ୍ମ 'କିସି କା ଭାଇ କିସି କି ଜାନ'ର ପ୍ରମୋସନରେ ବ୍ୟସ୍ତ ଅଛନ୍ତି । ଏଥିପାଇଁ ସେ କ୍ରମାଗତ ଭାବେ ନିଜର ଫଟୋ ସୋସିଆଲ ମିଡିଆରେ ସେୟାର କରୁଛନ୍ତି । ଏହାରି ମଧ୍ୟରେ ବର୍ତ୍ତମାନ ଭାଇଜାନ ନିଜର ଏକ ନୂଆ ଫଟୋ ସେୟାର କରିଛନ୍ତି । ଯାହା ମାଧ୍ୟମରେ ସେ ତାଙ୍କ ପ୍ରଶଂସକମାନଙ୍କୁ କାମ କରିବାକୁ ପରାମର୍ଶ ଦେଇଛନ୍ତି । ସେପଟେ ଏନେଇ ଫ୍ୟାନ୍ସମାନେ ମଧ୍ୟ ଖୁବ ଲାଇକ କରିବା ସହ କମେଣ୍ଟ କରିଛନ୍ତି ।
ନିଜ ଅଫିସିଆଲ ଇନଷ୍ଟାଗ୍ରାମରେ ସଲମାନ ଖାନ ନିଜର କାଜୁଆଲ୍ ଲୁକର ଫଟୋ ପୋଷ୍ଟ କରିଛନ୍ତି । ଏବଂ ତାଙ୍କର ସମସ୍ତ ପ୍ରଶଂସକଙ୍କୁ ଏକ ବିଶେଷ ପରାମର୍ଶ ଦେଇଛନ୍ତି । ସେ ଏହି ଫଟୋ ସେୟାର କରି କ୍ୟାପସନରେ ଲେଖିଛନ୍ତି, 'କାମ ଠାରୁ ଭଲ ଆଉ କିଛି ନାହିଁ । ଏଣୁ ହାଲୁକା ନ ଭାବି କାମ କରନ୍ତୁ । KKBKKJକୁ 4 ଦିନ । ଯଦି ତୁମେ କଠିନ ପରିଶ୍ରମ କରୁନାହଁ ତେବେ ତୁମେ କିପରି ପରିବାରକୁ ଏହି ଫ୍ୟାମିଲି ଫିଲ୍ମ ଦେଖାଇବ ।
ଫଟୋରେ ସଲମାନଙ୍କୁ ଏକ କାଜୁଆଲ ଲୁକରେ ଦେଖିବାକୁ ମିଳିଛି । ସେ ଧଳା ସାର୍ଟ ଏବଂ କଳା ଟାଏରେ ଖୁବ ସୁନ୍ଦର ଦେଖାଯାଉଛନ୍ତି । ଏହି ପୋଷ୍ଟ ସେୟାର ହେବା ପରେ ପ୍ରଶଂସକମାନେ ମଧ୍ୟ ଏହାକୁ ଲାଇକ କରିବା ସହ କମେଣ୍ଟ ବର୍ଷା କରିଛନ୍ତି । ଅନେକତ ଫ୍ୟାନ୍ସ ଲାଲ ହାର୍ଟ ଏବଂ ଫାୟାର ଇମୋଜି ଦେଇଛନ୍ତି । ଜଣେ ପ୍ରଶଂସକ ଲେଖିଛନ୍ତି, 'ତୁମେ ଏତେ ସୁନ୍ଦର କାହିଁକି ?' ଏଥିସହିତ, ଅନ୍ୟ ଜଣେ sad ଇମୋଜି ସହ ଲେଖିଛନ୍ତି, କାସ୍, 'KKBKKJ ଫିଲ୍ମ ପାକ୍ (ପାକିସ୍ତାନ)ରେ ରିଲିଜ କରିଥାନ୍ତା ।' ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'ଭାଇ, ତୁମେ ଜୀବନ ନେଇଯିବ'। ପ୍ରଶଂସକ ଲେଖିଛନ୍ତି, 'ଏହି ଗ୍ରହର ସବୁଠାରୁ ସୁନ୍ଦର ମ୍ୟାନ ।'
ସୋମବାର 'କିସି କା ଭାଇ କିସି କି ଜାନ'ର ନିର୍ମାତା ଫିଲ୍ମ' ହେ ବଲେ ବଲେ'ର ନୂଆ ଟ୍ରାକ ଗୀତ ରିଲିଜ କରିଛନ୍ତି । ଏହି ଗୀତର ଗୀତିକାର ହେଉଛନ୍ତି କୁମାର । ଏବଂ ଗୀତର କୋରିଓଗ୍ରାଫି ଜାନି ମାଷ୍ଟର କରିଥିବା ବେଳେ ସୁଖବୀରଙ୍କ କଣ୍ଠଦାନ କରିଛନ୍ତି ଏବଂ ଗୀତର ସଂଳାପ ଲେଖିଛନ୍ତି ନିଜେ ସଲମାନ । ତେବେ ଏହି ଗୀତରେ ସଲମାନ ଖାନଙ୍କ ସହ ଶେହନାଜ ଗିଲ, ପଲକ ତିୱାରୀ, ରାଘବ ଜୁୟାଲ, ଭିନାଲି ଭଟ୍ନାଗର, ସିଦ୍ଧାର୍ଥ ନିଗମ ଏବଂ ଜେସି ଗିଲ ଅଭିନୟ କରିଛନ୍ତି ।
ସୂଚନା ଥାଉ କି, 'କିସି କା ଭାଇ କିସି କି ଜାନ' ସହ 4 ବର୍ଷ ପରେ 'ଦବଙ୍ଗ' ସୁପରଷ୍ଟାର ସଲମାନ ଖାନ ସିଲଭର ସ୍କ୍ରିନରେ ଆସିବାକୁ ଯାଉଛନ୍ତି । ଏହି ଫିଲ୍ମ ପରେ ସେ କ୍ୟାଟ୍ରିନା କୈଫଙ୍କ ସହ ଆଗାମୀ ଆକ୍ସନ୍ ଥ୍ରୀଲର ଫିଲ୍ମ 'ଟାଇଗର 3'ରେ ନଜର ଆସିବେ ।
