ମୁମ୍ବାଇ: ବଲିଉଡ ସୁପରଷ୍ଟାର ଶାହାରୁଖ ଖାନ ଏବଂ ସଲମାନ ଖାନଙ୍କ ବନ୍ଧୁତା ବହୁ ବର୍ଷ ପୁରୁଣା । ଯଦିଓ ଏକ ସମୟ ଥିଲା ଯେତେବେଳେ ଦୁହେଁ ପରସ୍ପରଠାରୁ ଅଲଗା ହୋଇଥିଲେ, କିନ୍ତୁ କିଛି ବର୍ଷ ପରେ ଦୁହିଁଙ୍କ ମଧ୍ୟରେ ଥିବା ମତଭେଦ ଦୂର ହୋଇଥିଲା । ପୁଣିଥରେ ସେମାନଙ୍କର ଘନିଷ୍ଠ ବନ୍ଧୁତା ଦେଖିବାକୁ ମିଳିଛି । ଶାହାରୁଖ ଏବଂ ସଲମାନ ପରସ୍ପରକୁ ବନ୍ଧୁ କମ ଭାଇ ଅଧିକ ମାନିଥାନ୍ତି । ସେଥିପାଇଁ ଉଭୟ ପରସ୍ପରକୁ ପ୍ରଶଂସା କରିବା ସହ ପ୍ରମୋଟ ମଧ୍ୟ କରିଥାଆନ୍ତି । ତେବେ ବର୍ତ୍ତମାନ ସଲମାନ କିଙ୍ଗ୍ ଖାନଙ୍କ ଆଗାମୀ ଚଳଚ୍ଚିତ୍ର 'ଯବାନ'ର ପ୍ରିଭ୍ୟୁକୁ ପ୍ରଶଂସା କରିଛନ୍ତି । ଏବଂ ସୋସିଆଲ ମିଡିଆରେ ଶାହାରୁଖଙ୍କ ପ୍ରିଭ୍ୟୁ ସେୟାର କରି କହିଛନ୍ତି, ପ୍ରଥମ ଦିନରେ ହିଁ ନିଜେ ଫିଲ୍ମ ଦେଖିବାକୁ ଯିବି ।
ସଲମାନ ଖାନ ନିଜ ଇନ୍ଷ୍ଟ୍ରାଗ୍ରାମରେ କିଙ୍ଗ ଖାନଙ୍କ ଆଗାମୀ ଚଳଚ୍ଚିତ୍ର ଯବାନଙ୍କ ପ୍ରିଭ୍ୟୁ ସେୟାର କରିଛନ୍ତି । କ୍ୟାପସନରେ ଲେଖିଛନ୍ତି, ''ପଠାନ ଯବାନ ବନ ଗୟା'(ପଠାନ ଯବାନ ହୋଇଗଲା) । ବହୁତ ସୁନ୍ଦର ପ୍ରିଭ୍ୟୁ । ବହୁତ ଭଲ ଳାଗିଲା । ଏବଂ ସେ ଆହୁରି କହିଛନ୍ତି, 'ଏହା ଏକ ଏପରି ଚଳଚ୍ଚିତ୍ର ଯାହାକୁ ଆମେ କେବଳ ପ୍ରେକ୍ଷାଳୟରେ ଦେଖିବା ଆବଶ୍ୟକ । ମୁଁ ନିଶ୍ଚିତ ପ୍ରଥମ ଦିନରେ ଏହାକୁ ଦେଖିବାକୁ ଯିବି ।' ସେହିପରି ସଲମାନ ଖାନଙ୍କ ଏହି ପୋଷ୍ଟରେ ବଲିଉଡ ଅଭିନେତ୍ରୀ ତବୁ ମଧ୍ୟ ପ୍ରତିକ୍ରିୟା ଦେଇଛନ୍ତି । ସେ ପ୍ରତିକ୍ରିୟାରେ ଏକ କରତାଳି ଇମୋଜି ଦେଇଛନ୍ତି ।