ମୁମ୍ବାଇ: ବଲିଉଡରେ ପାଦ ରଖିଲେ ବିଗ୍ ବସ-୧୩ର ପ୍ରତିଯୋଗୀ ଶେହନାଜ ଗିଲ । ଶେହନାଜ ଅନେକ ମ୍ୟୁଜିକ ଭିଡିଓରେ ନଜର ଆସି ସାରିଥିବା ବେଳେ ଏବେ ସଲମାନ ଖାନଙ୍କ ଫିଲ୍ମ 'କଭି ଇଦ୍ କଭି ଦିୱାଲୀ' (Salman Khan Kabhi Eid Kabhi Diwali) ସହିତ ବଲିଉଡରେ ଡେବ୍ୟୁ କରିବେ । ସଲମାନ ନିଜେ ଏହି ଚଳଚ୍ଚିତ୍ରର ସହ-ନିର୍ମାତା ଅଟନ୍ତି । ଏହି ଚଳଚ୍ଚିତ୍ର ପାଇଁ ସଲମାନ ନିଜେ ଶେହନାଜଙ୍କ ନିକଟକୁ ଯାଇଥିଲେ ଏବଂ ଶେହନାଜ ମଧ୍ୟ ଏଥିରେ ସହମତି ପ୍ରକାଶ କରିଥିଲେ । ସଲମାନ ଖାନଙ୍କ ଫିଲ୍ମରେ ଆୟୁଷ ଶର୍ମାଙ୍କ ସହ ଶେହନାଜ ଗିଲ ଏକ ପ୍ରମୁଖ ଭୂମିକା ଗ୍ରହଣ କରିବେ ବୋଲି ଅନେକ ରିପୋର୍ଟରେ ଦର୍ଶାଯାଇଛି ।
ଶେହନାଜଙ୍କ ବଲିଉଡ ଡେବ୍ୟୁକୁ ନେଇ ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି । ଏହି ଚଳଚ୍ଚିତ୍ର ପାଇଁ ଶେହନାଜଙ୍କୁ ନିର୍ମାତାଙ୍କଠାରୁ ଯଥେଷ୍ଟ ଫିସ୍ ଅଫର କରାଯାଇଛି । ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ, “ଯେତେବେଳେ ସଲମାନ ଖାନ ତାଙ୍କ ଫିଲ୍ମର ଅଂଶ ହେବା ପାଇଁ ଶେହନାଜ ଗିଲଙ୍କ ନିକଟକୁ ଯାଇଥିଲେ, ସେତେବେଳେ ସେ ତାଙ୍କ ଫି ସମ୍ପର୍କରେ କହିବାକୁ ମଧ୍ୟ କହିଥିଲେ । ଯଦିଓ ନିର୍ମାତାମାନେ ତାଙ୍କୁ କେତେ ଦେବେ ତାହା ଶେହନାଜଙ୍କୁ କହି ନାହାଁନ୍ତି, କିନ୍ତୁ ଶେହନାଜ କହିଛନ୍ତି ଯେ ତାଙ୍କ କାମ ଅନୁଯାୟୀ ସେ ଯେତିକି ଫିସ ଠିକ ଲାଗୁଛି ତାହା ତାଙ୍କୁ ଦିଆଯାଉ ।
ଏହା ବି ପଢନ୍ତୁ: ବଲିଉଡରେ ସେହନାଜ୍ ଗିଲଙ୍କ ଏଣ୍ଟ୍ରି, ସଲମାନ ଦେଲେ ଏମିତି ଅଫର୍