ହାଇଦ୍ରାବାଦ: ଫ୍ୟାନ୍ସଙ୍କ ପାଇଁ ଖୁସି ଖବର । ଆସୁଛି ଟାଇଗର ୪ । ବର୍ତ୍ତମାନ ପ୍ରେକ୍ଷାଳୟରେ ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଅଭିନୀତ 'ଟାଇଗର ୩' ଦର୍ଶକଙ୍କ ମନ ଜିତୁଛି । ଦିୱାଲୀ ଅବସରରେ ଏହି ଚଳଚ୍ଚିତ୍ର ମୁକ୍ତିଲାଭ କରିଥିବା ବେଳେ ଦିନକୁ ଦିନ ଫିଲ୍ମକୁ ନେଇ ଲୋକଙ୍କ ମଧ୍ୟରେ କ୍ରେଜ ବଢିବାରେ ଲାଗିଛି । ଫିଲ୍ମ ଘରୋଇ ବଜାରରେ ରିଲିଜ ହେବାର ଆଠ ଦିନ ମଧ୍ୟରେ ୨୨୦କୋଟିରୁ ଅଧିକ କଲେକ୍ସନ କରିସାରିଲାଣି । ଏହାରି ମଧ୍ୟରେ ବର୍ତ୍ତମାନ ଟାଇଗର ୪ ନେଇ ସୂଚନା ଦେଇଛନ୍ତି ଭାଇଜାନ । ଯାହା ଫ୍ୟାନ୍ସଙ୍କ ଉତ୍ସାହକୁ ଦ୍ବିଗୁଣିତ କରିଛି ।
ଗତକାଲି ଅର୍ଥାତ ରବିବାର ଦିନ ଭାରତ ବନାମ ଅଷ୍ଟ୍ରେଲିଆ ବିଶ୍ୱକପ ୨୦୨୩ର ଅନ୍ତିମ ମ୍ୟାଚ୍ ସମୟରେ ସଲମାନ ଖାନ ମଧ୍ୟ 'ଟାଇଗର ୪' ଆସିବା ନେଇ ହିଣ୍ଟ୍ ଦେଇଛନ୍ତି । ବାସ୍ତବରେ, ବିଶ୍ୱକପ ୨୦୨୩ ଫାଇନାଲରେ ସଲମାନ ଏବଂ କ୍ୟାଟ୍ରିନା ସେମାନଙ୍କର ଟାଇଗର ୩କୁ ପ୍ରମୋଟ କରିବା ପାଇଁ ନରେନ୍ଦ୍ର ମୋଦି ଷ୍ଟାଡିୟମ ପହଞ୍ଚିଥିଲେ । ଏହି ସମୟରେ କ୍ୟାଟ୍ରିନା କ୍ରିକେଟର ବିରାଟ କୋହଲିଙ୍କ ଖେଳ ପ୍ରତି ଉତ୍ସାହକୁ ପ୍ରଶଂସା କରିଥିଲେ ।
କ୍ୟାଟ୍ରିନା କହିଛନ୍ତି, "RCB ପାଇଁ ଆଇପିଏଲ ଖେଳିବା ଆରମ୍ଭ କରିବା ପରଠାରୁ ବିରାଟଙ୍କ ଯାତ୍ରା ଏବଂ ଗ୍ରାଫକୁ ଦେଖନ୍ତୁ ।" ଏହା ପରେ ସଲମାନ କହିଛନ୍ତି ଯେ ଆପଣ ଟାଇଗର ୧ ରୁ ଟାଇଗର ୩କୁ ମଧ୍ୟ ଦେଖିଛନ୍ତି ନା ଏବଂ ତାହା ମଧ୍ୟ ୫୭ରେ । ବର୍ତ୍ତମାନ ଟାଇଗର ୪ କୁ ୬୦ରେ ଅପେକ୍ଷା କରନ୍ତୁ ।" ଏହାର ଅର୍ଥ ସଲମାନଙ୍କୁ ଏବେ ୫୭ବର୍ଷ ହୋଇଛି । ୬୦ ବର୍ଷ ହେଲା ବେଳୁ ଆସିବ ଟାଇଗର ୪ ।