ମୁମ୍ବାଇ:ସରିଛି ପବିତ୍ର ଇଦ୍ ପର୍ବ । ସାରା ଦେଶରେ ମୁସଲମାନ ସମ୍ପ୍ରଦାୟର ଭାଇଭଉଣୀମାନେ ଇଦ୍ ପାଳନ କରିଥିବା ବେଳେ ବଲିଉଡ୍ର କିଙ୍ଗ ଖାନ ଶାହରୁଖ ଏବଂ ଦବଙ୍ଗ ଷ୍ଟାର ସଲମାନ ଖାନଙ୍କ ବାସଭବନ ଆଗରେ ଦେଖିବାକୁ ମିଳିଥିଲା ପ୍ରବଳ ଭିଡ । ଇଦ୍ରେ ଶାହାରୁଖ ଏବଂ ସଲମାନଙ୍କର ଟିକେ ଝଲକ ପାଇବା ପାଇଁ ବ୍ୟାକୁଳ ହୋଇଯାଇଥିଲେ ଫ୍ୟାନ୍ । ପ୍ରତିବର୍ଷ ଇଦ୍ ଦିନ ଶାହାରୁଖ ଏବଂ ସଲମାନ ଖାନଙ୍କ ଘର ବାହାରେ ଏମିତି ବିରାଟ ଜନସମାଗମ ହୋଇଥାଏ । ବର୍ତ୍ତମାନ ଏହାର କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଗତକାଲି ସନ୍ଧ୍ୟାରେ ଶାହାରୁଖ ଖାନ ତାଙ୍କ ପ୍ରଶଂସକମାନଙ୍କୁ ତାଙ୍କ ଘର ‘ମନ୍ନତ’ରୁ ଇଦ୍ ମୁବାରକ ଜଣାଇଥିଲେ । ଫଟୋରେ ଦେଖିବାକୁ ମିଳିଛି ଯେ ସବୁଥର ଭଳି ଶାହାରୁଖ ତାଙ୍କ ଘରର ବାଲକୋନୀକୁ ଆସିଥିଲେ ଓ ପ୍ରଶଂସକମାନଙ୍କୁ ଇଦ ମୁବାରକ ଜଣାଇଥିଲେ । ସେ ହାତ ହଲାଇ ଓ ଫ୍ଲାଇଂ କିସ୍ ଦେଇ ଅଭିବାଦନ କରିଥିଲେ । ଶାହାରୁଖ ମଧ୍ୟ ସମସ୍ତଙ୍କ ସହ ସେଲଫି କ୍ଲିକ୍ କରି ପ୍ରଶଂସକମାନଙ୍କୁ ଖୁସି କରାଇ ଦେଇଥିଲେ । କିଙ୍ଗ ଖାନଙ୍କ ଆଇକନ ପୋଜ୍ ଦେଖି ପ୍ରଶଂସକ ବି ଖୁସି ହୋଇଯାଇଥିଲେ । ଏହି ସମୟର ଏକ ଭିଡିଓ ସେ ନିଜ ଇନ୍ଷ୍ଟାଗ୍ରାମ୍ରେ ଏବଂ ଫେସବୁକ୍ରେ ସେୟାର କରିଛନ୍ତି ।