ହାଇଦ୍ରାବାଦ: ପ୍ରଭାସ 'ସାଲାର' ସହ ଜବରଦସ୍ତ କମବ୍ୟାକ୍ କରିଛନ୍ତି । ଏହି ଫିଲ୍ମ ଦର୍ଶକଙ୍କ ତରଫରୁ ବହୁତ ଭଲ ପ୍ରତିକ୍ରିୟା ମିଳିଛି । ଫିଲ୍ମକୁ ଦର୍ଶକ ବେଶ ପ୍ରଶଂସା କରୁଛନ୍ତି । କେବଳ ଏତିକି ନୁହେଁ, ଏହି ଚଳଚ୍ଚିତ୍ର ଆରମ୍ଭ ଦିନଠାରୁ ମଧ୍ୟ ନୂଆ ରେକର୍ଡ ସୃଷ୍ଟି କରୁଛି । ସାକ୍ନିକ୍ଙ୍କ ଅନୁଯାୟୀ ସୁପରଷ୍ଟାର ପ୍ରଭାସ ଏବଂ ବ୍ଲକବଷ୍ଟର କେଜିଏଫ୍ ସିରିଜ୍ ନିର୍ଦ୍ଦେଶକ ପ୍ରଶାନ୍ତ ନୀଲ୍ଙ୍କ ଶେଷ ପ୍ରୟାସ 'ସାଲାର' ତୃତୀୟ ଦିନରେ ଭାରତୀୟ ବକ୍ସ ଅଫିସ୍ରେ ୨୦୦ କୋଟିରୁ ଅଧିକ ଆୟ କରି ସଫଳତା ହାସଲ କରିଛି ।
ରିଲିଜ୍ ହେବାର ପ୍ରଥମ ଦିନରୁ 'ସାଲାର୍' ବକ୍ସ ଅଫିସରେ ଧମାକା କରୁଛି । ୯୦ କୋଟିରୁ ଅଧିକ ଟଙ୍କା ସହ ଓପନିଂ କରିଥିବା ବେଳେ ଏହି ଚଳଚ୍ଚିତ୍ର ଚଳିତ ବର୍ଷର ସବୁଠାରୁ ବଡ ଓପନର୍ ଭାବେ ରେକର୍ଡ ସୃଷ୍ଟି କରିଛି । ସପ୍ତାହ ଶେଷରେ ମଧ୍ୟ ଏହି ଚଳଚ୍ଚିତ୍ର ଚମତ୍କାର କରିଛି । ଫିଲ୍ମର ରୋଜଗାର ବିଷୟରେ କହିବାକୁ ଗଲେ 'ସାଲାର' ରିଲିଜ୍ ହେବାର ଦ୍ୱିତୀୟ ଦିନରେ ଅର୍ଥାତ୍ ଶନିବାର ଦିନ ୫୬.୭ କୋଟି ଟଙ୍କା ଆୟ କରିଥିଲା । ସାକ୍ନିକ୍ଙ୍କ ପ୍ରାରମ୍ଭିକ ଟ୍ରେଣ୍ଡ ରିପୋର୍ଟ ଅନୁଯାୟୀ, ବର୍ତ୍ତମାନ ତୃତୀୟ ଦିନରେ ଅର୍ଥାତ୍ ରବିବାର 'ସାଲାର୍' ୬୧ କୋଟି ଟଙ୍କା ଆୟ କରିଛି । 'ସାଲାର'ର 3 ଦିନର ମୋଟ କଲେକ୍ସନ ବର୍ତ୍ତମାନ ୨୦୮.୦୫ କୋଟିରେ ପହଞ୍ଚିଛି ।