ହାଇଦ୍ରାବାଦ: ଆଜିକାଲି ଚର୍ଚ୍ଚାରେ ରହିଛନ୍ତି ସାଉଥ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତ୍ରୀ ସାଇ ପଲ୍ଲବୀ । ନିକଟରେ ଅଭିନେତ୍ରୀଙ୍କ ଏକ ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ସେ ଗୁପ୍ତ ଭାବେ ବିବାହ କରିଥିବା ନେଇ ଚର୍ଚ୍ଚା ଜୋର ଧରିଛି । ବର୍ତ୍ତମାନ ସାଇ ପଲ୍ଲବୀ ଏହି ଗୁଜବ ଖବର ଉପରେ ପ୍ରତିକ୍ରିୟା ଦେଇଛନ୍ତି । ଏହା ମିଥ୍ୟା ବୋଲି କହିଛନ୍ତି।
ବାସ୍ତବରେ, ସାଇ ପଲ୍ଲବୀଙ୍କର ଏକ ଫଟୋ ଇଣ୍ଟରନେଟରେ ଭାଇରାଲ ହୋଇଛି । ଏଥିରେ ଦାବି କରାଯାଉଛି ଯେ ଅଭିନେତ୍ରୀ ବିବାହ କରିଛନ୍ତି । ଫଟୋରେ ସାଇ ଜଣେ ବ୍ୟକ୍ତିଙ୍କ ସହ ନଜର ଆସିଛନ୍ତି । ଉଭୟେ ଧଳା ରଙ୍ଗର ପୋଷାକ ସହ ବରମାଳା ପିନ୍ଧିଛନ୍ତି । ତାଙ୍କର ଏହି ଫଟୋ ସାମ୍ନାକୁ ଆସିବା ମାତ୍ରେ କଳ୍ପନା ଆରମ୍ଭ ହୋଇଥିଲା ଯେ ସାଇ ଗୁପ୍ତରେ ବିବାହ କରିଛନ୍ତି । ଏନେଇ ବର୍ତ୍ତମାନ ସାଇ ପଲ୍ଲବୀ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ମୁହଁ ଖୋଲିଛନ୍ତି ।
ସାଇ ପଲ୍ଲବୀ ଏକ୍ସ (ପୂର୍ବରୁ ଟ୍ବିଟର) ରେ ଏକ ପୋଷ୍ଟ ସେୟାର କରି ତାଙ୍କ ରୁମର ବିବାହ ଖବର ଉପରେ ପ୍ରତିକ୍ରିୟା ଦେଇ କହିଛନ୍ତି ଯେ, ସତ କହିବାକୁ ଗଲେ ମୁଁ ଏହି ଗୁଜବ ଖବର ଉପରେ ଚିନ୍ତା କରେ ନାହିଁ, କିନ୍ତୁ ଯେତେବେଳେ ମୋ ପରିବାର ଏବଂ ବନ୍ଧୁମାନଙ୍କ କଥା ଆସେ, ମୁଁ ଚୁପ୍ ରହିପାରିବି ନାହିଁ । "ଏହି ଛବି ମୋ ଚଳଚ୍ଚିତ୍ରର ପୂଜା ସମାରୋହର ଅଟେ । ଯାହାକୁ ଜାଣିଶୁଣି ଏଡିଟ୍ କରାଯାଇଛି ଏବଂ ଘୃଣ୍ୟ ଉଦ୍ଦେଶ୍ୟ ସହ ଭାଇରାଲ କରାଯାଉଛି । ଯେତେବେଳେ ମୁଁ ମୋର ବୃତ୍ତିଗତ ଫ୍ରଣ୍ଟ ସହ ଭଲ ଜିନିଷ ଘୋଷଣା କରିବାକୁ ଯାଉଥିଲି, ସେତେବେଳେ ମୋତେ ଏଭଳି ଜିନିଷ ଗୁଡ଼ିକ ଉପରେ ସ୍ପଷ୍ଟୀକରଣ ଦେବାକୁ ପଡୁଛି । ଏହା ପ୍ରକୃତରେ ଦୁଃଖଦାୟକ । ଏଭଳି କରିବା ପ୍ରକୃତରେ ଘୃଣ୍ୟ କାର୍ଯ୍ୟ। "
ଏହା ମଧ୍ୟ ପଢନ୍ତୁ:NC23: ଏହି ଫିଲ୍ମରେ ନଜର ଆସିବେ ସାଇ ପଲ୍ଲବୀ ଏବଂ ନାଗା ଚୈତନ୍ୟ
ସାଇ ପଲ୍ଲବୀଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଖୁବଶୀଘ୍ର SK21 ଚଳଚ୍ଚିତ୍ରରେ ନଜର ଆସିବେ ସାଇ ପଲ୍ଲବୀ। ସୂଚନା ଅନୁସାରେ, ଏହି ଚଳଚ୍ଚିତ୍ରର ପୂଜା ସମାରୋହରୁ ଅଭିନେତ୍ରୀଙ୍କ ଭାଇରାଲ ଫଟୋ ଭାଇରାଲ ହେଉଛି। ଯେଉଁ ବ୍ୟକ୍ତିଙ୍କ ସହ ସେ ଫଟୋରେ ନଜର ଆସିଛନ୍ତି ସେ ହେଉଛନ୍ତି SK21 ନିର୍ଦ୍ଦେଶକ ରାଜକୁମାର ପେରିୟାସାମି । ଏହି ସମୟରେ କମଲ ହାସନ ମଧ୍ୟ ଉପସ୍ଥିତ ଥିଲେ । ଏଥିସହ ଅଭିନେତ୍ରୀ ସାଉଥ ନିର୍ଦ୍ଦେଶକ ଚନ୍ଦୁ ମୋଣ୍ଡେତିଙ୍କ ଆଗାମୀ ଚଳଚ୍ଚିତ୍ର 'NC23'ରେ ନଜର ଆସିବେ । ଏହି ଫିଲ୍ମରେ ସାଇ ପଲ୍ଲବୀଙ୍କୁ ପୁଣି ସାଉଥ ଅଭିନେତା ନାଗା ଚୈତନ୍ୟଙ୍କ ସହ ଦେଖିବାକୁ ମିଳିବ।
