ହାଇଦ୍ରାବାଦ: ଖ୍ରୀଷ୍ଟାମାସ ପରେ ନୂଆ ବର୍ଷ ପାଇଁ ଉତ୍ସାହିତ ସେଲିବ୍ରିଟି । ଏହି ଖାସ ଦିନକୁ ସେଲିବ୍ରେଟ କରିବା ପାଇଁ ବଲିଉଡ ସାଉଥ ସେଲିବ୍ରିଟି ଭ୍ୟାକସନରେ ବାହାରିଛନ୍ତି । ନିକଟରେ ଆଲିଆ-ରଣବୀରକଙ୍କୁ ଭ୍ୟାକସନରେ ଯିବା ଦେଖିବାକୁ ମିଳିଥିବା ବେଳେ ବର୍ତ୍ତମାନ ମୁମ୍ବାଇ ଏୟାରପୋର୍ଟରେ ରୁମର କପଲ ଆଦିତ୍ୟ ରୟ କପୁର ଏବଂ ଅନନ୍ୟା ପାଣ୍ଡେଙ୍କୁ ଦେଖିବାକୁ ମିଳିଥିବା ବେଳେ ତମନ୍ନା ଭାଟ୍ଟିଆ ଏବଂ ବିଜୟ ବର୍ମାଙ୍କୁ ମଧ୍ୟ ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଇନ୍ଷ୍ଟାଗ୍ରାମରେ ପାପରାଜିଙ୍କ ଦ୍ବାରା ସେୟାର ହୋଇଥିବା ଏକ ଭିଡିଓରେ ଅନନ୍ୟା ପାଣ୍ଡେ ଏୟାରପୋର୍ଟେ ସ୍ପଟ୍ ହୋଇଛନ୍ତି । ଏହି ସମୟରେ ସେ କ୍ରିମ ରଙ୍ଗର ଆଉଟଫିଟ ସହ ଏକ ଜ୍ୟାକେଟ ଏବଂ ପ୍ୟାପ ପିନ୍ଧିଥିବାର ନଜର ଆସିଛନ୍ତି । ଏହି ସମୟରେ ଆଦିତ୍ଯ ହ୍ବାଇଟ ଟି-ସାର୍ଟ ସହ କ୍ରିମ୍ ରଙ୍ଗର ପ୍ୟାଣ୍ଟ ଏବଂ ଜ୍ୟାକେଟ, ବ୍ଲାକ୍ କ୍ୟାପ୍ରେ ନଜର ଆସିଛନ୍ତି । ତେବେ ଉଭୟ ନୂଆ ବର୍ଷ ପାଇଁ ଭ୍ୟାକସନରେ ଯାଉଥିବା କୁହାଯାଉଛି । କହିରଖୁଛୁ କି, ଏହା ପ୍ରଥମ ଥର ନୁହେଁ ଉଭୟ ଅନେକ ଥର ଭ୍ୟାକେସନରେ ଯାଇଛନ୍ତି । ଏବଂ ଫଟୋ ମଧ୍ୟ ଭାଇରାଲ ହୋଇଛି । ହେଲେ ଏପର୍ଯ୍ୟନ୍ତ ଉଭୟ ନିଜ ସମ୍ପର୍କକୁ ନେଇ ଖୁଲାସା କରିନାହାନ୍ତି ।
ସେହିପରି ଏୟାରପୋର୍ଟରେ ତମନ୍ନା ଭାଟ୍ଟିଆ ଏବଂ ବିଜୟ ବର୍ମାଙ୍କୁ ମଧ୍ୟ ଦଜେଖିବାକୁ ମିଳିଛି । ଏହି ସମୟରେ ତମନ୍ନା ତମନ୍ନା ବ୍ଲାକ ଆଉଟଫିଟରେ ନଜର ଆସିଥିବା ବେଳେ ବିଜୟ ହ୍ୱାଇଟ୍ ସାର୍ଟ ଗ୍ରେ ପ୍ୟାଣ୍ଟ୍ ସହ ବ୍ଲାକ୍ ଜ୍ୟାକେଟରେ ନଜର ଆସିଛନ୍ତି । ତେବେ ଏହି ଯୋଡ଼ି ମଧ୍ୟ ନୂଆ ବର୍ଷ ପାଇଁ ଭ୍ୟାକସନରେ ଯାଉଥିବା କୁହାଯାଉଛି । ପ୍ରକାଶ ଥାଉ କି, ଉଭୟ ନିଜ ସମ୍ପର୍କକୁ ନେଇ ଚଳିତ ବର୍ଷ ଅଫିସିଆଲ ଘୋଷଣା କରିଥିଲେ । ଏହା ପରଠୁ ଉଭୟ ଅନେକ ସ୍ଥାନରେ ଏକାଠି ନଜର ଆସି ଥାଆନ୍ତି ।