ହାଇଦ୍ରାବାଦ: ଜବରଦସ୍ତ ସ୍କ୍ରିନ୍ ପ୍ରେଜେନ୍ସ ସହିତ ପ୍ରଶଂସକଙ୍କ ହୃଦୟ ଜିତୁଛନ୍ତି ଅଭିନେତ୍ରୀ ଅନନ୍ୟା ପାଣ୍ଡେ । ସେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇ ଜଣେ ଦମଦାର୍ ଅଭିନେତ୍ରୀ ହେବାକୁ ଯାଉଛନ୍ତି । ଏହି ସମୟରେ ପ୍ରଶଂସକମାନେ ଅନନ୍ୟାଙ୍କ ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ବିଷୟରେ ଜାଣିବାକୁ ମଧ୍ୟ ଆଗ୍ରହୀ । ନିକଟରେ ଆସିଥିବା ଏକ ରିପୋର୍ଟ ଅନୁଯାୟୀ, ଅନନ୍ୟା ଲଭ୍ ଲାଇଫ୍କୁ ନେଇ ମଧ୍ୟ ଚର୍ଚ୍ଚାରେ ଅଛନ୍ତି । ଖବର ଆସିଛି ଯେ ଅଭିନେତ୍ରୀ ହ୍ୟାଣ୍ଡସମ୍ ହଙ୍କ ଆଦିତ୍ୟ ରୟ କପୁରଙ୍କୁ ଡେଟ୍ କରୁଛନ୍ତି । ଏହା ଶୁଣିବାକୁ ଟିକେ ଅଜବ ଲାଗିପାରେ କିନ୍ତୁ କେତେ ପରିମାଣରେ ଏହା ସତ୍ୟ ତାହା ସ୍ପଷ୍ଟ ହୋଇନି ।
ସୂତ୍ରରୁ ପ୍ରକାଶ ଯେ, ଅନନ୍ୟା ପାଣ୍ଡେ ଏବଂ ଆଦିତ୍ୟ ସେମାନଙ୍କ ସମ୍ପର୍କକୁ ଗୁପ୍ତ ରଖିବାକୁ ଚାହାଁନ୍ତି । ଉକ୍ତ ରିପୋର୍ଟ ଅନୁଯାୟୀ, ସେମାନଙ୍କ ମଧ୍ୟରେ ଥିବା ବନ୍ଧୁତା ଏବେ ବେଶ୍ ନିବିଡ ହୋଇଯାଇଛି । ତେବେ ଏପର୍ଯ୍ୟନ୍ତ ସେମାନଙ୍କ ରିଲେସନସିପ୍କୁ ନେଇ କୌଣସି ଠୋସ୍ ସୂଚନା ଆସିନାହିଁ । ଅନନ୍ୟା ପୂର୍ବରୁ ଶାହିଦ କପୁରଙ୍କ ଭାଇ ଇଶାନ ଖଟ୍ଟରଙ୍କୁ ପ୍ରାୟ 3 ବର୍ଷ ଧରି ଡେଟ କରୁଥିଲେ।