ହାଇଦ୍ରାବାଦ: ସାଉଥ ଫିଲ୍ମ ଇଣ୍ତଷ୍ଟ୍ରୀର ସୁପରଷ୍ଟାର ରାମ ଚରଣ । ରାମ ତାଙ୍କ RRR ଫିଲ୍ମ ପାଇଁ ବେଶ ଲୋକପ୍ରିୟତା ହାସଲ କରିଛନ୍ତି । ତେବେ ଏହାରି ମଧ୍ୟରେ ରାମ ଖୁବଶୀଘ୍ର ବଲିଉଡରେ ନଜର ଆସିବେ ବୋଲି କଳ୍ପନାଜଳ୍ପନା ଆରମ୍ଭ ହୋଇଛି । ଏହି ଅନୁମାନ ସେତେବେଳେ ଆରମ୍ଭ ହେଲା ଯେତେବେଳେ ରାମ ଚରଣ ନିର୍ଦ୍ଦେଶକ ରାଜକୁମାର ହିରାନୀଙ୍କୁ ଭେଟିବାକୁ ମୁମ୍ବାଇ ଅସିଥିଲେ । ଏହା ପରେ ଏହି ଗୁଜବ ମୁଣ୍ତ ଟେକିବା ଆରମ୍ଭ କରିଥିଲା । ତେବେ ରାମ ବଲିଉଡରେ କେଉଁ ଫିଲ୍ମ କରିବେ? ନାଁ ସେ ଡଙ୍କୀରେ ଏକ କେମିଓ ରୋଲ କରିବେ ? ଏନେଇ କଳ୍ପନାଜଳ୍ପନା ଜୋର ଧରିଥିଲା । ତେବେ କିନ୍ତୁ ସବୁ କଳ୍ପନାଜଳ୍ପନାରେ ଲାଗିଛି ଫୁଲଷ୍ଟପ୍ । ରାମ କୌଣସି ବଲିଉଡ ଫିଲ୍ମ ସାଇନ କରିନଥିବା ସୂତ୍ରରୁ ଜଣାପଡିଛି ।
ବଲିଉଡ ନ୍ୟୁଜ୍ ରିପୋର୍ଟ ଅନୁଯାୟୀ, RRR ଫିଲ୍ମ ଷ୍ଟାରର ରାମ ଚରଣଙ୍କ ବର୍ତ୍ତମାନ ବଲିଉଡରେ କାମ କରିବାର ପାଇଁ କୌଣସି ପ୍ଲାନିଂ ନାହିଁ । ସେ ତାଙ୍କ ଅନ୍ୟ ପ୍ରୋଜେକ୍ଟରେ ବ୍ୟସ୍ତ ଅଛନ୍ତି । ଏହି ଅଭିନେତା ମୁମ୍ବାଇ ଗସ୍ତରେ ଥିବାବେଳେ ସେ ଆୟପ୍ପା ଦୀକ୍ଷା ପୂରଣ କରିବା ପାଇଁ ସେ ଖାଲି ପାଦରେ ଶ୍ରୀ ସିଦ୍ଧିବିନାୟକ ମନ୍ଦିର ଯାଇ ସେଠାରେ ପୂଜାର୍ଚ୍ଚନା କରିଥିଲେ । ପରେ ସେ ନିର୍ଦ୍ଦେଶକ ରାଜକୁମାର ହିରାନୀଙ୍କୁ ଭେଟିଥିଲେ । ଯାହାପରେ ସେ ବଲିଉଡରେ ଡେବ୍ୟୁ କରିବା ନେଇ କଳ୍ପନାଜଳ୍ପନାର ଆରମ୍ଭ ହୋଇଥିଲା ।