ହାଇଦ୍ରାବାଦ: ଶାହାରୁଖ ଖାନ ଏବଂ ନୟନତାରାଙ୍କ ଅଭିନୀତ ଚଳଚ୍ଚିତ୍ର 'ଜବାନ' ଆଜି ଅର୍ଥାତ ସେପ୍ଟେମ୍ବର 7ରେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ବିଶ୍ବରେ ମୁକ୍ତିଲାଭ କରିଛି । ଜବାନ ନେଇ ସାରା ଦେଶରେ ଶାହାରୁଖ ଖାନଙ୍କ ପ୍ରଶଂସକଙ୍କ ମଧ୍ୟରେ ଏକ ଜବରଦସ୍ତ କ୍ରେଜ ଏବଂ ଉତ୍ସାହ ଦେଖିବାକୁ ମିଳିଛି । ଚଳଚ୍ଚିତ୍ର ଜବାନ ପ୍ରଥମ ଶୋ'ରୁ ହିଁ ଧମାକା କରିଛି । ଏହି ଚଳଚ୍ଚିତ୍ରଟି କେବଳ ଏକ ସୁପର ହିଟ୍ ନୁହେଁ, ବରଂ ଏକ ବ୍ଲକବଷ୍ଟର କହୁଛନ୍ତି ଫ୍ୟାନ୍ସ । ଫିଲ୍ମକୁ ନେଇ ଏବେ ସାଉଥରେ ବି କ୍ରେଜ ଦେଖିବାକୁ ମିଳିଛି ।
ତାମିଲନାଡୁର ଅନେକ ପ୍ରେକ୍ଷାଳୟ ବାହାରେ ଜବାନଙ୍କ ବିପୁଳ ହୋର୍ଡିଂ ଲଗାଯାଇଛି ଏବଂ ଶାହାରୁଖ ଖାନଙ୍କୁ ଫୁଲ ମାଳାରେ ସଜାଯାଇଛି । ପ୍ରକାଶ ଥାଉ କି, କେବଳ ତାମିଲନାଡୁର ଜବାନ ପାଇଁ 1.50 ଲକ୍ଷ ଆଡଭାନ୍ସ ଟିକେଟ ବୁକ୍ କରାଯାଇଛି । ତାମିଲରେ ଜବାନଙ୍କୁ କ୍ରେଜ ରହିଛି । କାରଣ ଅଟଲି ଏହାକୁ ନିର୍ମାଣ କରିଥିବା ବେଳେ ସାଉଥ୍ ତାରକା ବିଜୟ ସେଥୁପଥି ଏବଂ ନୟନତାରା ନଜର ଆସିଛନ୍ତି । ଏଥିସହ ଫିଲ୍ମରେ ସାଉଥ ଅଭିନେତ୍ରୀ ପ୍ରିୟମାନୀ ମଧ୍ୟ ଅଭିନୟ କରିଛନ୍ତି, ଯାହାଙ୍କ ସାଉଥରେ ଅନେକ ପ୍ରଶଂସକ ରହିଛନ୍ତି ।
ସୂଚନା ଥାଉ କି, ତାମିଲନାଡୁ, ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନା ସମେତ ଅନେକ ସାଉଥ ରାଜ୍ୟରେ, ଉତ୍ତରପ୍ରଦେଶ ଭଳି ଜବାନକୁ ନେଇ ସମାନ କ୍ରେଜ ରହିଛି । ଏଥିସହିତ, ଓସ୍କାର ବିଜେତା ଚଳଚ୍ଚିତ୍ର ଆରଆରଆର ତାରକା ରାମ ଚରଣଙ୍କ ବିଶ୍ୱ ପ୍ରଶଂସକଙ୍କ ମଧ୍ୟରେ ଜବାନର କ୍ରେଜ ରହିଛି । ରାମ ଚରଣଙ୍କ ପ୍ରଶଂସକମାନେ ଚଳଚ୍ଚିତ୍ର ଜବାନର କାମନା କରିଛନ୍ତି । କେବଳ ଏତିକି ନୁହେଁ, କେତେକ ସ୍ଥାନରେ କେକ କାଟି ଶାହାରୁଖଙ୍କ ଫଟୋରେ ଫୁଲମାଳ ଚଢାଇ ସେଲିବ୍ରେଟ କରାଯାଇଛି ।
ଏହା ମଧ୍ୟ ପଢନ୍ତୁ:ପରଦାକୁ ଆସିଲା ଜବାନ, ଫିଲ୍ମ ପାଇଁ ରାତି ଅନିଦ୍ରା ଶାହାରୁଖ ଓ ଫ୍ୟାନ୍ସ
ପ୍ରକାଶ ଥାଉ କି, ଟ୍ରେଡ ଆନାଲିଷ୍ଟ ମନୋବାଲା ବିଜୟବାଲନଙ୍କ ଅନୁଯାୟୀ ଜବାନ ଭାରତରେ ପ୍ରଥମ ଦିନ ପାଇଁ ଆଡଭାନ୍ସ ବୁକିଂ 32.47 କୋଟି ଟଙ୍କା ଆୟ କରିଛି । ଏଥି ସହିତ ବିଦେଶରେ ସଂଗ୍ରହ ହେଉଛି 18.70 କୋଟି ଟଙ୍କା। ଏହି କିଙ୍ଗ ଖାନଙ୍କ 'ଯବାନ' ରିଲିଜ୍ ପୂର୍ବରୁ ମଧ୍ୟ ଆଡଭାନ୍ସ ଟିକେଟ ଟିକେଟ ବିକ୍ରିରୁ 51.17 କୋଟି ଟଙ୍କା ବ୍ୟବସାୟ କରିଛି। କେବଳ ଏତିକି ନୁହେଁ, ପ୍ରଥମ ଦିନ ପାଇଁ ଅଗ୍ରୀମ ଟିକେଟ୍ ବିକ୍ରି ଦୃଷ୍ଟିରୁ 'ଜବାନ୍' ଭାରତରେ 'ପଠାନ୍'କୁ ପଛରେ ପକାଇଛି। ମଲ୍ଟିପ୍ଲେକ୍ସ ଚେନରେ ଫିଲ୍ମର 3,91,000 ଟିକେଟ୍ ବିକ୍ରି ହୋଇଥିବା ସୂଚନା ମିଳିଛି। ତେବେ ପ୍ରଥମ ଦିନରେ ଦମଦାର ଓପନିଂ କଲେକ୍ସନ ସହ ରେକର୍ଡ ସୃଷ୍ଟି କରିପାରେ ଜବାନ।
