ହାଇଦ୍ରାବାଦ: ଭେଟେରାନ୍ ଚଳଚ୍ଚିତ୍ର ନିର୍ମାତା ଏସ୍ ଏସ୍ ରାଜାମୌଲି (S.S.Rajamouli) ତାଙ୍କ ଚଳଚ୍ଚିତ୍ର କ୍ୟାରିୟରରେ ଏପର୍ଯ୍ୟନ୍ତ କିଛି ବଛା ବଛା ଚଳଚ୍ଚିତ୍ର ନିର୍ମାଣ କରିଛନ୍ତି । ଖାସ୍ କଥା ହେଉଛି ତାଙ୍କର କୌଣସି ଫିଲ୍ମ ବର୍ତ୍ତମାନ ସୁଦ୍ଧା ଫ୍ଲପ୍ ହୋଇନାହିଁ । ତାଙ୍କର ଶେଷ ଚଳଚ୍ଚିତ୍ର RRR ରିଲିଜ୍ ହୋଇଥିଲା, ଯାହା ଚଳିତ ବର୍ଷ ଓ୍ବାର୍ଲ୍ଡ ଓ୍ବାଇଡ୍ ବକ୍ସ ଅଫିସରେ ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ବୋଲି ପ୍ରମାଣିତ ହୋଇଛି । ଏହାରି ଭିତରେ ଏହି ଫିଲ୍ମକୁ ନେଇ ଓସ୍କାର ପୁରସ୍କାର ବିଜେତା ତଥା ସାଉଣ୍ଡ ଡିଜାଇନର ରସୁଲ ପୁକୁଟ୍ଟୀ (Resul Pookutty) ଏକ ବିବାଦୀୟ ଟ୍ୱିଟ୍ କରିଥିଲେ । ଯାହା ପରେ ପ୍ରଶଂସକମାନେ ଧୁମ୍ ରାଗି ଯାଇଥିଲେ ଏବଂ ବର୍ତ୍ତମାନ 'ବାହୁବଳୀ' ନିର୍ମାତା ସୋଭୁ (Sobhu) ଏନେଇ ମୁହଁ ଖୋଲିଛନ୍ତି ।
ସୋଭୁ ଲେଖିଛନ୍ତି, 'ମୋତେ ଲାଗୁ ନାହିଁ କି RRR ଚଳଚ୍ଚିତ୍ରଟି ଏକ ଗେ ଲଭ୍ ଷ୍ଟୋରୀ ( Gay Love Story) ଅଟେ, ଯେମିତି ଆପଣ କହୁଛନ୍ତି। ଯଦି ଆପଣଙ୍କୁ ଏହିଭଳି ଲାଗୁଛି ଏହା ଏକ ଗେ ଲଭ୍ ଷ୍ଟୋରୀ ତେବେ ଏହା ଖରାପ କଥା । ଆପଣ ଏହାକୁ କିପରି ଯାଞ୍ଚ କରିପାରିବେ ? ଏଥିପାଇଁ ମୁଁ ବହୁତ ଦୁଃଖିତ କି, ଆପଣଙ୍କ ଚିନ୍ତାଧାରା ଏତେ ତଳକୁ ଖସିପାରେ ?’ ବାହୁବଳୀ ନିର୍ମାତାଙ୍କ ଟ୍ୱିଟ ପରେ ରେସୁଲ ଖୋଦ୍ ସଫେଇ ଦେଇଛନ୍ତି । ରସୁଲ ଲେଖିଛନ୍ତି, 'ମୁଁ ସମ୍ପୂର୍ଣ୍ଣ ଭାବେ ସହମତ । ଯଦିଓ ଏମିତି ବି ଘଟେ, ତାହାଲେ ଏଥିରେ କିଛି ଭୁଲ୍ ନାହିଁ ।
ସେ ଆହୁରି ଲେଖିଛନ୍ତି କି, 'ଏହାକୁ ମୁଁ ମୋର ବନ୍ଧୁଙ୍କ ପାଇଁ କୋଟ୍ କରିଥିଲି, ଯାହା ପ୍ରଥମରୁ ହିଁ ପବ୍ଲିକ୍ ଡୋମେନରେ ପଞ୍ଜୀକୃତ ହୋଇସାରିଛି । ମୁଁ କାହାକୁ ଅପମାନିତ କରିବାକୁ ଚାହୁଁ ନଥିଲି । ଏହାକୁ ଗମ୍ଭୀରତାର ସହ ଗ୍ରହଣ କରିବାର ଆବଶ୍ୟକତା ନାହିଁ । ମୁଁ ଏହି ମାମଲାକୁ ଏଠାରେ ଶେଷ କରୁଛି।' ଉଲ୍ଲେଖନୀୟ ଯେ, ଓସ୍କାର ବିଜେତା ତଥା ସାଉଣ୍ଡ ଡିଜାଇନର୍ ରେସୁଲ ପୁକୁଟ୍ଟୀ ରାଜାମୌଲିଙ୍କ ଫିଲ୍ମ 'RRR' କୁ ଗେ ଲଭ୍ ଷ୍ଟୋରୀ ( Gay Love Story) କହିଥିଲେ ଏହା ସହିତ ସେ ଆଲିଆଙ୍କ ବିଷୟରେ ମଧ୍ୟ ଅନେକ ଖରାପ କଥା କହିଥିଲେ।