ହାଇଦ୍ରାବାଦ: ରାଜାମୌଲିଙ୍କ ବ୍ଲକବଷ୍ଟର ଚଳଚ୍ଚିତ୍ର 'RRR' ଖୁବ୍ ଶୀଘ୍ର OTT କୁ ଧମାଲ ମଚାଇବାକୁ ଯାଉଛି । ଯେଉଁମାନେ କୌଣସି କାରଣରୁ ଏହି ଫିଲ୍ମକୁ ବଡ ପରଦାରେ ଦେଖିପାରି ନାହାଁନ୍ତି କିମ୍ବା ଫିଲ୍ମରେ ରାମ ଚରଣ ଏବଂ Jr NTR ଯୋଡିର ଚରିତ୍ରକୁ ପୁଣି ଥରେ ଦେଖିବାକୁ ଚାହୁଁଛନ୍ତି ସେମାନଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ଆସୁଛି । ଆମେ ଆପଣଙ୍କୁ କହିରଖୁଛୁ ଯେ, 25 ମାର୍ଚ୍ଚରେ ରିଲିଜ ହୋଇଥିବା ତେଲୁଗୁ ପିରିୟଡ ଡ୍ରାମା 'RRR' ଅନେକ ବକ୍ସ ଅଫିସ୍ ରେକର୍ଡ ଭାଙ୍ଗିଥିଲା ।
ପୁରା ବିଶ୍ବରେ RRR ପାଖାପାଖି 1,127 କୋଟି ଟଙ୍କା କଲେକ୍ସନ ସହିତ ଚତୁର୍ଥ ସର୍ବାଧିକ ଆୟ କରିଥିବା ଭାରତୀୟ ଚଳଚ୍ଚିତ୍ର ଅଟେ । ଭାରତରେ ଏହା ଅମିର ଖାନଙ୍କ ଦଙ୍ଗଲକୁ ପରାସ୍ତ କରି ତୃତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ରରେ ପରିଣତ ହୋଇଛି ଏବଂ ଏହାର ମୋଟ କଲେକ୍ସନ 920 କୋଟି ରହିଛି। ତେବେ ଏହି ଚଳଚ୍ଚିତ୍ରର ହିନ୍ଦୀ ସଂସ୍କରଣ 300 କୋଟି ଅତିକ୍ରମ କରିବାରେ ବିଫଳ ହୋଇଥିଲା ଏବଂ ଏହା 270 କୋଟି ଟଙ୍କାର ମୋଟ କଲେକ୍ସନ କରିଥିଲା।